Connect with us

Hi, what are you looking for?

LuduNwayOo

သတင်း

ဒေါ်အောင်ဆန်းစုကြည်လွတ်လာရင်တောင် မူဝါဒမပြောင်းဘူးလို့ NUG ဆို

နွေဦးတော်လှန်ရေး ဦးဆောင်ကဏ္ဍ မှာရှိတဲ့ အမျိုးသားညီညွှတ်ရေးအတိုင်ပင်ခံကောင်စီ(NUCC) နဲ့ NUG အစိုးရတို့ မနေ့ က ပြုလုပ်တဲ့အထူးအစည်းအဝေးမှာ ပြောခဲ့တာပါ။

ဒေါ်အောင်ဆန်းစုကြည်လွတ်လာရင်တောင် မူဝါဒမပြောင်းဘူးလို့ NUG ဆို
ဒေါ်အောင်ဆန်းစုကြည်လွတ်လာရင်တောင် မူဝါဒမပြောင်းဘူးလို့ NUG ဆို

နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်ကို စစ်ကောင်စီက ပြန်လွှတ်ပေးလိုက်ရင်တောင် NUG အစိုးရအနေနဲ့ မူဝါဒ ပြောင်းလဲမှာမဟုတ်ဘူးလို့ NUG ဝန်ကြီးချုပ် မန်းဝင်းခိုင်သန်းက အတိအလင်းပြောလိုက်ပါတယ်။

နွေဦးတော်လှန်ရေး ဦးဆောင်ကဏ္ဍ မှာရှိတဲ့ အမျိုးသားညီညွှတ်ရေးအတိုင်ပင်ခံကောင်စီ(NUCC) နဲ့ NUG အစိုးရတို့ မနေ့ က ပြုလုပ်တဲ့အထူးအစည်းအဝေးမှာ ပြောခဲ့တာပါ။

“ဒေါ်အောင်ဆန်းစုကြည် ထွက်လာရင် ပြောင်းသွားမလားမေးကြတာ ရှိပါတယ်။ ကျနော်တို့ လုံးဝမပြောင်းပါဘူး”လို့ NUG ဝန်ကြီးချုပ် မန်းဝင်းခိုင်သန်းက ဆိုပါတယ်။

မန်းဝင်းခိုင်သန်းဟာ NLD အစိုးရ လက်ထက်မှာအမျိုးသားလွှတ်တော်ဥက္ကဋ္ဌ အဖြစ် တာဝန်ပေးခံရသူပါ။

Public Service Announcement

Public Service Announcement

” ပြည်သူလူထုဆန္ဒအတိုင်းသွားမှာပါ။ ဒေါ်အောင်ဆန်းစုကြည်ကလည်း ပြည်သူလူထုဆန္ဒကို အလေးထားပါတယ်” လို့ မန်းဝင်းခိုင်သန်းက ဆိုပါတယ်။

စစ်အုပ်စု ပြုတ်ကျရေးလိုတယ်လို့ မနေ့ကကျင်းပတဲ့ အထူးအစည်းအဝေးကတဆင့် အသိပေးထားပါတယ်။

” ဝိုင်းဝန်းဆောင်ရွက်ကြရင်မဖြစ်နိုင်စရာမရှိပါဘူး”လို့လည်း မန်းဝင်းခိုင်သန်းက ဆိုပါတယ်။

နေပြည်တော်အချုပ်ထောင်မှာ ထောင်သွင်းအကျဉ်းချထားတဲ့ ဒေါ်အောင်ဆန်းစုကြည် ကို စစ်ကောင်စီက နေပြည်တော် နေအိမ်တစ်လုံးဆီ ရွှေ့ပြောင်းလိုက်တယ်ဆိုတဲ့သတင်းတွေ ပြီးခဲ့တဲ့ ရက်သတ္တပတ်အတွင်းထွက်ပေါ်ခဲ့ပါတယ်။

စစ်အုပ်စုဟာ ဒေါ်အောင်ဆန်းစုကြည်ကို လွှတ်ပေးပြီး ကြုံတွေ့နေရတဲ့ အကျပ်အတည်းကို လျော့ချဖို့ နိုင်ငံရေးကစားလာနိုင်တယ်လို့ သုံးသပ်တာတွေလည်းရှိနေပါတယ်။

ဒါပေမယ့် စစ်ကောင်စီရဲ့ပြောရေးဆိုခွင့်ရှိသူက ဒေါ်အောင်ဆန်းစုကြည်ကိုနေရာရွှေ့တယ်ဆိုတဲ့ သတင်းကို ငြင်းဆိုထားပါတယ်။

အဲဒီသတင်းတွေကို” တစုံတရာ ကြားသိရမှုမရှိပါဘူး” လို့ စစ်ကောင်စီပြောရေးဆိုခွင့်ရှိသူက ပြီးခဲ့တဲ့သောကြာနေ့ ဇူလိုင် ၂၈ရက် မှာ VOA မြန်မာပိုင်းသတင်းဌာနကို ဖြေကြားထားတာပါ။

ဆက်စပ်သတင်းများ

သတင်း

ရွာကုန်းကြီးရွာရှိ ကြားကာလစာသင်ကျောင်း ဗုံးနှစ်လုံးကြဲတိုက်ခိုက်ခံရပြီး ယင်းနေရာအနီးဘောလုံးကွင်းသို့ တစ်လုံးကျရောက်ပေါက်ကွဲခဲ့သည်။

သတင်း

ပန်းသပိတ်ကို ဆင်နွှဲဖို့ဆိုပေမယ့် ကိုယ့်ရဲ့ လုံခြုံရေးက အဓိကပါ။ ဘုရားပန်းကပ်တာမျိုး၊ ပန်းအိုးထိုးတာမျိုးနဲ့လည်းပန်းသပိတ်ကို ပါဝင်ဆင်နွှဲနိုင်ပါတယ်။

ဘာသာပြန် ဆောင်းပါး

မြန်မာနိုင်ငံရဲ့ ပဋိပက္ခတွေဟာ ဖြေရှင်းလို့ မရတဲ့ အခြေအနေ မဟုတ်ပါဘူး။ နိုင်ငံရဲ့ တည်ငြိမ်အေးချမ်းမှုကို တကယ်တမ်း လိုလားတယ်ဆိုရင် နိုင်ငံတကာ အသိုက်အဝန်းဟာ ပြည်သူတွေရဲ့ စိတ်ဆန္ဒကို အမှန်တကယ် ထင်ဟပ် ကိုယ်စားပြုတဲ့ လှုပ်ရှားမှုတွေမှာ အားပေး ထောက်ခံရပါမယ်။

သတင်း

ယခု ဇွန်လဆန်းပိုင်းမှ စတင်၍ စစ်ကောင်စီသည် ပြည်သူလူထု အများဆုံးအသုံးပြုသည့် ဖေ့ဘုတ်နှင့် မက်ဆန်ဂျာ အသုံးပြုမှုခက်ခဲစေရန် VPN ပိတ်ဆို့မှုကို တိုးမြှင့်လုပ်ဆောင်နေ​ကြောင်း သိရသည်။