Connect with us

Hi, what are you looking for?

LuduNwayOo

သတင်း

NUG နိုင်ငံခြားရေးဝန်ကြီး ကုလသမဂ္ဂဆိုင်ရာ ဗြိတိန်နှင့် ကနေဒါသံအမတ်ကြီးများကို သီးခြားစီ တွေ့ဆုံ

ကုလသမဂ္ဂဆိုင်ရာ မြန်မာသံအမတ်ကြီး ဦးကျော်မိုးထွန်းကလည်း မြန်မာပြည်သူများ၏ အသက်ကို ကယ်တင်ရန် ကုလသမဂ္ဂလုံခြုံရေးကောင်စီက မြန်မာစစ်တပ်ကို အရေးယူမှုပါဝင်သည့် ဆုံးဖြတ်ချက်(Resolution)ချမှတ်နိုင်ရန် လိုအပ်ကြောင်း တိုက်တွန်းထားသည်။

▪︎စစ်အုပ်စုထံ လက်နက်တင်သွင်းမှု၊ လေယာဥ်ဆီတင်သွင်းမှုတို့ကို ဥပဒေကြောင်းအရ ပိတ်ဆို့အရေးယူနိုင်ရေး ကိစ္စရပ်များဆွေးနွေး

ယန်းဒီ/People’s Spring

အမျိုးသားညီညွတ်ရေးအစိုးရ နိုင်ငံခြားရေးဝန်ကြီး ဒေါ်ဇင်မာအောင်သည် ကုလသမဂ္ဂဆိုင်ရာ ဗြိတိန်နှင့် ကနေဒါသံအမတ်ကြီးများကို နယူးယောက်မြို့ရှိ ကုလသမဂ္ဂဌာနချုပ်၌ သီးခြားစီ တွေ့ဆုံခဲ့ကြောင်း သိရသည်။

၇၈ ကြိမ်မြောက် ကုလသမဂ္ဂအထွေထွေညီလာခံ ကျင်းပနေချိန် နယူးယောက်မြို့သို့ ရောက်ရှိနေသည့် NUG နိုင်ငံခြားရေးဝန်ကြီးက အထက်ပါ ဗြိတိန်နှင့် ကနေဒါသံအမတ်ကြီးတို့နှင့် စက်တင်ဘာ ၂၅ ရက်တွင် တွေ့ဆုံစဥ် စစ်အုပ်စုကို ပိုမိုဖိအားပေးအရေးယူနိုင်ရေးနှင့် စစ်အုပ်စုထံ လက်နက်တင်သွင်းမှု၊ လေယာဥ်ဆီတင်သွင်းမှုတို့အား ဥပဒေကြောင်းအရ ပိတ်ဆို့အရေးယူနိုင်ရေး ကိစ္စရပ်များကို ဆွေးနွေးခဲ့ကြောင်း အမျိုးသားညီညွတ်ရေးအစိုးရက ယနေ့သတင်းထုတ်ပြန်သည်။

ဗြိတိန်သံအမတ်ကြီး H.E Barbara Woodward နှင့် တွေ့ဆုံစဥ် ကုလသမဂ္ဂလုံခြုံရေးကောင်စီ ဆုံးဖြတ်ချက်အမှတ် ၂၆၆၉ ချမှတ်ရာတွင် ဗြိတိန်၏ ဦးဆောင်မှု အခန်းကဏ္ဍကို အထူးပင်အသိအမှတ်ပြုကျေးဇူးတင်ကြောင်း ဝန်ကြီးဒေါ်ဇင်မာအောင်က ပြောကြားသည်။ အဆိုပါ ကုလလုံခြုံရေးကောင်စီ၏ ဆုံးဖြတ်ချက်မှာ မြန်မာနိုင်ငံတွင် အကြမ်းဖက်မှုမှန်သမျှ ချက်ချင်းအဆုံးသတ်ရေး၊ တင်းမာမှုများ လျှော့ချရေး၊ နိုင်ငံတော်သမ္မတဦးဝင်းမြင့်၊ နိုင်ငံတော်၏အတိုင်ပင်ခံပုဂ္ဂိုလ်ဒေါ်အောင်ဆန်းစုကြည်အပါအဝင် နိုင်ငံရေးအကျဥ်းသားအားလုံးကို ပြန်လွှတ်ပေးရေး အချက်များ ပါဝင်သည်။

Public Service Announcement

Public Service Announcement

Public Service Announcement
Public Service Announcement

ယင်းဆုံးဖြတ်ချက်ကို အာဏာသိမ်းစစ်ကောင်စီက လိုက်နာဆောင်ရွက်ခြင်းမရှိ၍ ဗြိတိန်အပါအဝင် လုံခြုံရေးကောင်စီအဖွဲ့ဝင်များက ဝေဖန်ထောက်ပြမှုများရှိနေပြီး သြဂုတ်လကုန်ပိုင်းက အလှည့်ကျဥက္ကဌ အမေရိကန်က မြန်မာ့အရေးတံခါးပိတ်အစည်းအဝေးခေါ်ယူခဲ့သည်။ ယင်းအစည်းအဝေးအပြီး တရုတ်နှင့် ရုရှားတို့ မပါဝင်ဘဲ ကျန်အဖွဲ့ဝင် ၁၃ နိုင်ငံက မြန်မာနိုင်ငံတွင် စစ်တပ်က အရပ်သားပြည်သူများကို သတ်ဖြတ်ခြင်းနှင့် မရပ်တန့်သည့် အကြမ်းဖက်မှုများအပေါ် ပြစ်တင်ရှုတ်ချကြောင်း၊ ဖြုတ်ချခံခေါင်းဆောင် ဒေါ်အောင်ဆန်းစုကြည် ပြန်လွှတ်ပေးရေး၊ လူ့အခွင့်အရေးကို လေးစားလိုက်နာရေး၊ ဆုံးဖြတ်ချက်အမှတ် ၂၆၆၉ ကို အပြည့်အဝလိုက်နာရေး စသည့်အချက်များကို ပူးတွဲတိုက်တွန်းထုတ်ပြန်သည်။

ကုလသမဂ္ဂဆိုင်ရာ မြန်မာသံအမတ်ကြီး ဦးကျော်မိုးထွန်းကလည်း မြန်မာပြည်သူများ၏ အသက်ကို ကယ်တင်ရန် ကုလသမဂ္ဂလုံခြုံရေးကောင်စီက မြန်မာစစ်တပ်ကို အရေးယူမှုပါဝင်သည့် ဆုံးဖြတ်ချက်(Resolution)ချမှတ်နိုင်ရန် လိုအပ်ကြောင်း တိုက်တွန်းထားသည်။

ဆက်စပ်သတင်းများ

သတင်း

မြန်မာနိုင်ငံမှာ ဓာတုလက်နက် သုံးစွဲမှုဆိုင်ရာ စွပ်စွဲချက်တွေက ၂၀၀၅ နဲ့ ၂၀၁၄ ခုနှစ်တွေမှာလည်း ပေါ်ပေါက်ခဲ့ဖူးပေမယ့် တိကျတဲ့ လက်ဆုပ်လက်ကိုင် သက်သေ မရှိခဲ့ပါဘူး။

သတင်း

ရွာကုန်းကြီးရွာရှိ ကြားကာလစာသင်ကျောင်း ဗုံးနှစ်လုံးကြဲတိုက်ခိုက်ခံရပြီး ယင်းနေရာအနီးဘောလုံးကွင်းသို့ တစ်လုံးကျရောက်ပေါက်ကွဲခဲ့သည်။

ဘာသာပြန် ဆောင်းပါး

မြန်မာနိုင်ငံရဲ့ ပဋိပက္ခတွေဟာ ဖြေရှင်းလို့ မရတဲ့ အခြေအနေ မဟုတ်ပါဘူး။ နိုင်ငံရဲ့ တည်ငြိမ်အေးချမ်းမှုကို တကယ်တမ်း လိုလားတယ်ဆိုရင် နိုင်ငံတကာ အသိုက်အဝန်းဟာ ပြည်သူတွေရဲ့ စိတ်ဆန္ဒကို အမှန်တကယ် ထင်ဟပ် ကိုယ်စားပြုတဲ့ လှုပ်ရှားမှုတွေမှာ အားပေး ထောက်ခံရပါမယ်။

သတင်း

ယခု ဇွန်လဆန်းပိုင်းမှ စတင်၍ စစ်ကောင်စီသည် ပြည်သူလူထု အများဆုံးအသုံးပြုသည့် ဖေ့ဘုတ်နှင့် မက်ဆန်ဂျာ အသုံးပြုမှုခက်ခဲစေရန် VPN ပိတ်ဆို့မှုကို တိုးမြှင့်လုပ်ဆောင်နေ​ကြောင်း သိရသည်။