ကရင်နီတပ်ပေါင်းစုက ယနေ့နေ့က ပစ်ချခဲ့ တဲ့ စစ်ကောင်စီတပ် တိုက်လေယာဥ်က အသုံးအဆောင်ပစ္စည်းအချို့ကို သိမ်းဆည်းရရှိတယ် လို့ NUG ၊ ကာကွယ်ရေးဝန်ကြီးဌာနကထုန်ပြန်ပါတယ်။
လေထီး (၁) စုံ ၊ကယ်ဆယ်ရေး လေထိုးလှေငယ် (၁) စင်း၊ စကားပြောစက်ကြီး (၁) လုံး ၊လက်ကိုင်စကားပြောစက် (၁) ခု ၊ လေယာဉ်မှူးထိုင်ခုံ (၁) ပိုင်း ၊ အသက်ရှုအောက်ဆီဂျင်စက် (၁) စုံ ၊ Helmet (၁) လုံး ၊ ဆေးဝါးနဲ့ ဓာတ်စာတွေကိုပြည်သူ့ကာကွယ်ရေးတပ်မတော် (PDF)၊ အလယ်ပိုင်းတိုင်းစစ်ဌာနချုပ်၊ နေပြည်တော်တိုင်း စစ်ဌာန တပ်ရင်းတွေက သိမ်းဆည်းရရှိတာလို့ ဖော်ပြထားပါတယ် ။
ကရင်နီတော်လှန်ရေး တပ်ဖွဲ့တွေက နိုဝင်ဘာ ၁၁ ရက်မှာစစ်ကောင်စီတပ် စခန်းတွေကို ၁၁.၁၁ စစ်ဆင်ရေးအဖြစ်ထိုးစစ်ဆင်တိုက်ခိုက်ခဲ့ပါတယ် ။စစ်ကောင်စီတပ်က အထိနာတာကြောင့် လေကြောင်းကပစ်ကူ အသုံးပြုတိုက်ခိုက်ခဲ့တာမှာ တိုက်လေယာဥ် တစ်စီးကို ကရင်နီတော်လှန်ရေးတပ်ဖွဲ့က ပစ်ချနိုင်ခဲ့ပါတယ်။
စစ်ကောင်စီ ရဲ့ အမျိုးအမည်မသိတိုက်လေယာဉ် တစ်စီးကို KNDF-B01 နဲ့ KA တို့က ပွိုင့်ဖိုက်(.5)များဖြင့် တန်ပြန်ပစ်ခတ်နိုင်ခဲ့တာမှာ လေယာဉ်အ တောင်ပံ နဲ့ ကိုယ်ထည်ပိုင်းကို ကျည်ဆံထိမှန်ခဲ့ပြီး မီးခိုးအများအပြားထွက် ပြန်လှည့်ထွက်သွားခဲ့ပြီးတော့ စစ်မြေပြင်နဲ့ အဝေးတစ်နေရာမှာပျက်ကျခဲ့တယ်လို့ KNDF ကထုတ်ပြန်ထားပါတယ်။ အဲဒီလေယာဉ်မှာ ပါဝင်သူ နှစ်ဦးကို နှစ်ဖက်တပ်တွေက လိုက်လံရှာဖွေနေတယ် လို့လည်း အသိပေးထားပါတယ်။
စစ်ကောင်စီတပ် တိုက်လေယာဥ်မှာ တရုတ်နိုင်ငံထုတ် K-8 အပေါ့စားတိုက်လေယာဥ်ဖြစ်ပြီး လေ့ကျင့်စမ်းသပ်ပျံသန်းရင်းပျက်ကျတာလို့ ဆိုပါတယ်။
Public Service Announcement
ယမန်နေ့ ညပိုင်းမှာ KNDF က စစ်တပ်တိုက်လေယာဥ်ကို ပွိုင့် -5 နဲ့ ပစ်ခတ်ပြီးလေယာဥ် တောင်ပံ့မီးခိုးထွက်လျက် ပျံသန်းသွားတဲ့ ရုပ်သံဖိုင်ကိုထပ်မံထုတ်ပြန်ခဲ့ပါတယ် ။
