စစ်ကိုင်းတိုင်း ကောလင်းမြို့သိမ်းတိုက်ပွဲအတွင်း စစ်ကောင်စီတပ် လေကြောင်းတိုက်ခိုက်မှုကြောင့် ပျက်စီးသွားသော မြို့တွင်းရှိ နေအိမ်များ၏ မှတ်တမ်းပုံများအား Kawlininfo စာမျက်နှာက ယနေ့ ထုတ်ပြန်သည်။
အချို့နေအိမ်များ အမိုးနှင့်အကာအရံများ ပေါက်ပြဲနေသည်ကို တွေ့ရပြီး နေအိမ်အချို့မှာ မီးလောင်ပြာကျခဲ့သည်ကို တွေ့ရသည်။
ယခုလက်ရှိ ကောလင်းမြို့ပေါ်တွင် ပြည်သူ့အုပ်ချုပ်ရေးလုပ်ငန်းများ စီမံနေပြီဖြစ်၍ ပြည်သူများ ပြန်လည်နေထိုင်နိုင်ပြီဖြစ်ကြောင်းနှင့် လက်အောက် မြို့အုပ်ချုပ်ရေးနှင့် ပြည်သူ့ဝန်ဆောင်မှုလုပ်ငန်းများ ပြန်လည်လုပ်ကိုင်နိုင်ရန် CDM ဝန်ထမ်းများအား ဖိတ်ခေါ်ထားသည်။
ကောလင်းမြို့ကို နိုဝင်ဘာ ၆ ရက်တွင် အမှတ် (၁)စစ်ဒေသ ခရိုင်ကွပ်ကဲမှုအစီအစဉ်ဖြင့် ကချင်လွတ်လပ်ရေးတပ်မတော်(KIA)၊ ပြည်သူ့ကာကွယ်ရေးတပ်မတော်(PDF)၊ ပြည်သူ့ကာကွယ်ရေးအဖွဲ့(ပကဖ)နှင့် တော်လှန်ရေးအဖွဲ့များက တိုက်ခိုက်သိမ်းပိုက်နိုင်ခဲ့သည်။
KIA၊ PDFနှင့် ပကဖတို့က သိမ်းပိုက်ထားသည့် ကောလင်းမြို့ကို နိုဝင်ဘာ ၈ ရက် ညနေ ၃နာရီအချိန်တွင် ကောလင်းခရိုင်အရေးပေါ်ပေါင်းစပ်ညှိနှိုင်းရေးအဖွဲ့ထံ လွှဲပြောင်းပေးအပ်ခဲ့သည်။
Public Service Announcement
