Connect with us

Hi, what are you looking for?

LuduNwayOo

သတင်း

ကျိုက်မရောမြို့နယ် သံကလောင်ရွာကျောင်းထိုင် ဆရာတော်ကို စစ်ကောင်စီ ပစ်ခတ်သတ်ဖြတ်

သံကလောင်ကျောင်းထိုင်ဆရာတော်သည် ယမန်နေ့ နေ့လယ်ပိုင်း၌ မော်တော်ယာဉ်ဖြင့် ထွက်ခွာလာစဉ် ပစ်ခတ်ခံရခြင်းဖြစ်သည်ဟု ဆိုသည်။

(ပျံလွန်​တော်မူသွား​သော သံက​လောင်ရွာ​ကျောင်းထိုင်ဆရာ​တော်။ဓါတ်ပုံ-MSDF)
(ပျံလွန်​တော်မူသွား​သော သံက​လောင်ရွာ​ကျောင်းထိုင်ဆရာ​တော်။ဓါတ်ပုံ-MSDF)

ဝင်းမောင်/People’s Spring

မွန်ပြည်နယ် ကျိုက်မရောမြို့နယ်ရှိ သံကလောင်ကျေးရွာကျောင်းထိုင် ဆရာတော်ကို စစ်ကောင်စီတပ်က ယမန်နေ့ (ဧပြီ ၁၄ရက်)တွင် ပစ်သတ်ခဲ့၍ ပျံလွန်တော်မူသွားကြောင်း မွန်ပြည်ကာကွယ်ရေးတပ်(MSDF)က အသိပေးသည်။

သံကလောင်ကျောင်းထိုင်ဆရာတော်သည် ယမန်နေ့ နေ့လယ်ပိုင်း၌ မော်တော်ယာဉ်ဖြင့် ထွက်ခွာလာစဉ် ပစ်ခတ်ခံရခြင်းဖြစ်သည်ဟု ဆိုသည်။

” စုံစမ်းသိရသလောက် နောက်ပြီးတော့ မြေပြင်မှာရှိနေတဲ့ မိမိတို့တပ်ဖွဲ့ကလာတဲ့ သတင်းတွေအရ ဆရာတော်မှာ ဘာမှအပြစ်မရှိဘူး။ နောက်ပြီးတော့ သံသယဖြစ်စရာလည်းမရှိဘူး။ သူ့ဒကာတစ်ဦးနဲ့အတူ ကျောင်းကနေ ထွက်လာစဉ် လမ်းခရီးမှာ ပစ်ခတ်ခံရတယ်”ဟု MSDF တပ်မှူး ဒေါက်တာ သီရိမွန်ချမ်းက ပြောသည်။

Public Service Announcement

Public Service Announcement

အဆိုပါလုပ်ရပ်သည် စစ်ကောင်စီက ပြည်သူအပေါ် လုပ်ဆောင်လေ့ရှိသည့် အကြမ်းဖက်လုပ်ရပ်ဖြစ်ကြောင်း ၎င်းက ဆိုသည်။

” ပြည်သူတွေ ထိတ်လန့်ကြောက်ရွံ့သွားအောင်၊ နောက် တော်လှန်ရေးဘက်တော်သားများကိုလည်း ဒီနယ်မြေဒီဒေသမှာ စစ်ရေးလှုပ်ရှားမှု တွေ ဆက်လုပ်နေမယ်ဆိုရင် ရဟန်းသံဃာအပါအဝင် အပြစ်မဲ့ ပြည်သူများရဲ့အသက်အိုးအိမ်စည်းစိမ်တွေကို အန္တရာယ်ဖြစ်လာလိမ့်မယ်ဆိုတဲ့ ရမ်းသန်း ခြိမ်းခြောက်မှု တစ်ရပ်လို့ပဲ မြင်မိတယ်”ဟု MSDF တပ်မှူးက ပြောသည်။

ဖြစ်စဉ်တွင် ဆရာတော်နှင့် အတူပါသွားသည့် အမျိုးသားတစ်ဦး ဒဏ်ရာရခဲ့သည်ဟု သိရသည်။

စစ်​ကောင်စီဝါဒဖြန့် တယ်လီဂရန်ချန်နယ်များက ဆရာ​တော်ကို PDF များက ​သတ်ဖြတ်ခြင်းဖြစ်သည်ဟု စွပ်စွဲ​ရေးသားထားသည်။ သို့​သော် ဆရာ​တော်​သေနတ်အပစ်ခံရ​သော​နေရာမှာ စစ်​ကောင်စီတပ်စွဲထား​သော ​နေရာဖြစ်​ကြောင်း​ဒေသခံအချို့က​ပြောသည်။

စစ်ကောင်စီသည် မွန်ပြည်နယ်တွင် အရပ်သားပစ်မှတ်များအား တိုက်ခိုက်သည့် လုပ်ရပ်များ ပိုမိုပြုလုပ်လာခဲ့ပြီး မတ်လ ကုန်ပိုင်းကလည်း တိုက်ပွဲမဖြစ်ဘဲ ကျိုက်မရောမြို့နယ် ဓမ္မသတ်ရွာကို လက်နက်ကြီးများဖြင့် ပစ်မှတ်ထား တိုက်ခိုက် ခဲ့ရာ နေအိမ် ၃၀၀ခန့် မီးလောင်ပျက်စီးခဲ့ရသည်။

ဆက်စပ်သတင်းများ

သတင်း

တိုက်ပွဲဝင် တပ်ဖွဲ့တစ်ခုဖြစ်သော ဗမာပြည်သူ့လွတ်မြောက်ရေးတပ်တော်(BPLA) ကွပ်ကဲရေးမှူး မောင်ဆောင်းခကလည်း ဖာပွန်ဒေသစစ်ရေး အခြေအနေကို ယနေ့ (မေလ ၂၃ရက်)တွင် လူမှုကွန်ရက်မှ တဆင့်အသိပေးခဲ့သည်။

သတင်း

ဝိုင်းမော်ဘက်ခြမ်း၌ တိုက်ပွဲပြင်းထန်နေ၍ မြစ်ကြီးနားမြို့ဘက်ခြမ်း၌ အစစ်အဆေးတင်းကြပ်နေ​ကာ ယ​နေ့ ည​နေပိုင်းမှစ၍ မြို့အဝင်အထွက်ကိုပိတ်ထား​ကြောင်းစစ်​ရေးရင်းမြစ်အချို့က ပြောသည်။

သတင်း

အာရက္ခတပ်တော် (AA)က နိုဝင်ဘာလကစပြီး ရခိုင်ပြည်နယ်မှာ စစ်ကောင်စီတပ်​တွေကို ပြန်လည် ထိုးစစ်ဆင် တိုက်ခိုက်လာသလို မြို့နယ်ပေါင်း ၁၀ ခုလောက်ကိုသိမ်းပိုက် ထိန်းချုပ်ထားပြီ ဖြစ်ပါတယ်။

သတင်း

တရုတ်ဟာ အရင်က ထားဝယ်ရေနက်ဆိပ်ကမ်း စီမံကိန်းအတွက် ထဲထဲဝင်ဝင် လေ့လာဆန်းစစ်မှုတွေ လုပ်ဆောင်ခဲ့ပေမယ့် နောက်ပိုင်းမှာတော့ ကျောက်ဖြူဖက်ကို လုံးလုံးလျားလျား အာရုံပြောင်းသွားခဲ့တာ ဖြစ်ပါတယ်။