Connect with us

Hi, what are you looking for?

LuduNwayOo

သတင်း

ကျောက်မဲမြို့တွင် စစ်​ကောင်စီတပ်က ​​၄ ရက်ဆက်ည​ရောက်တိုင်း ပစ်ခတ်​နေဟု ဒေသခံများပြော

စစ်​ကောင်စီသည် ယခုလပိုင်းအတွင်း လားရှိုး ၊မူဆယ် စသည့်မြို့ များသို့ စစ်အင်အားများစွာထပ်မံဖြည့်တင်းပြီး ခံစစ်ပြင်​နေ​​ကြောင်း​ဒေသခံအချို့ က​ပြောသည်။

(​ကျောက်မဲမြို့ကို ၂၀၂၀ ခုနှစ်တွင် အ​ပေါ်စီးမှ​တွေ့ရစဥ်။ဓါတ်ပုံ-TINSS)
(​ကျောက်မဲမြို့ကို ၂၀၂၀ ခုနှစ်တွင် အ​ပေါ်စီးမှ​တွေ့ရစဥ်။ဓါတ်ပုံ-TINSS)

ဆလိုင်း/People’s Spring

ကျောက်မဲမြို့တွင် ပေါက်ကွဲမှုဖြစ်ပွားခဲ့သည့် မေလ ၂၆ရက်​နေ့မှစ၍ ညစဉ် သေနတ်ပစ်ခတ်သံများကြားနေရကြောင်း ဒေသခံများကပြောသည်။

ကျောက်မဲမြို့ပေါ်ရှိ One Love Hotel ရှေ့တွင် မေလ ၂၆ ရက် ည ၈နာရီခန့်က မိုင်းပေါက်ကွဲမှုဖြစ်ခဲ့ပြီး မေလ ၃၀ရက်ညအထိ ညစဉ် သေနတ်ပစ်ခတ်သံများကြားနေခြင်းဖြစ်ကြောင်း ​ဒေသခံအချို့က​ပြောသည်။

“၅၀၂ဘက်ကနေ ပစ်ပစ်နေတာ။ အဲ့ဘက်က အသံကြားနေရတာ။ ကျောက်မဲက စစ်ရေးအခြေအနေပြန်လှုပ်နေတယ်” ဟု ဒေသခံတစ်ဦးကပြောသည်။

Public Service Announcement

Public Service Announcement

စစ်‌ကောင်စီက မေလ ၂၇ရက် မှစ၍ ည၇နာရီနောက်ပိုင်း ညမထွက်ရအမိန့်ထုတ်ထားပြီး ညစဉ် သေနတ်သံများကြားနေခြင်းဖြစ်​ကြောင်းသိရသည်။

“စစ်တပ်ဘက်က ပစ်နေတာ။ ဘာကြောင့်လဲ နားမလည်ဘူး။ တကယ်က သူတို့က တိုက်ပွဲဖြစ်မှာကြောက်နေကြတာလေ။ တရုတ်က ကျည်မထွက်နဲ့လို့ ပြောထားလို့မထွက်ရဲဘူးလေ”ဟု ဒေသခံတစ်ဦးကပြောသည်။

ကျောက်မဲမြို့တွင် စစ်ကောင်စီအခိုင်အမာစခန်းအဖြစ် ခမရ(၅၀၁) နှင့် ခမရ(၅၀၂) ရှိနေသည်။ကျောက်မဲမြို့တွင် ၁၀၂၇ စစ်ဆင်ရေးကာလအတွင်း ကြီးမားသည့်တိုက်ပွဲဖြစ်ပွားခဲ့ခြင်းမရှိပေ။ သို့သော် ကျောက်မဲမြို့၊‌ ရှေ့တန်းစခန်းတခုကို ၂၀၂၃ ဒီဇင်ဘာ ၇ရက်တွင် TNLAနှင့်မိုးကုတ်ဗျူဟာ PDF ပူးပေါင်းတပ်ဖွဲ့က တိုက်ခိုက်သိမ်းပိုက်ခဲ့ပြီးစစ်ကောင်စီတပ်ဖွဲ့ဝင်နှစ်ဦးနှင့်ရဲတပ်ဖွဲ့ဝင်သုံးဦးကို စစ်သုံ့ပန်းအဖြစ်ဖမ်းဆီးခဲ့သည်။

ရှမ်းပြည်နယ်မြောက်ပိုင်းတွင် ၂၀၂၃ ခုနှစ် အောက်တိုဘာ ၂၇ ရက်နေ့က စတင်ခဲ့သည့် ၁၀၂၇ စစ်ဆင်ရေးအတွင်း မြောက်ပိုင်းမဟာမိတ်ညီနောင်သုံးဖွဲ့က မြို့ပေါင်း ၁၇ မြို့ကို သိမ်းပိုက်ထ်န်းချုပ်ခဲ့သည်။

စစ်​ကောင်စီ၏ အ​ရှေ့​မြောက်တိုင်းစစ်ဌာနချုပ် (ရမခ) တည်ရှိရာ လားရှိုးမြို့ကို ဆက်လက်သိမ်းပိုက်ရန် စစ်ရေးပြင်ဆင်နေစဉ် တရုတ်၏ ကြားဝင်ညှိနှိုင်းမှုဖြင့် စစ်ကောင်စီနှင့် ညီနောင်သုံးဖွဲ့တို့ကြား ၂၀၂၄ ဇန်နဝါရီ ၁၁ ရက်မှ စ၍ ဟိုင်ဂင်အပစ်ရပ်စာချုပ်လက်မှတ်ရေးထိုးခဲ့သည်။

ထိုစာချုပ်အရအရ ရှမ်းပြည်နယ်မြောက်ပိုင်းတွင် ဇန်နဝါရီလ ၁၁ ရက်နေ့မှစတင်ကာ ယာယီအပစ်ခတ်ရပ်စဲထားသည်မှာ ​လေးလ​ကျော် ရှိပြီဖြစ်သည်။ စစ်ကောင်စီသည် အပစ်ရပ်စာချုပ်ကို အကြိမ်ကြိမ်ချိုးဖောက်နေကြောင်း မဟာမိတ်ညီနောင်သုံးဖွဲ့က မကြာခဏ ထုတ်ပြန်ထားသည်။

စစ်​ကောင်စီသည် ယခုလပိုင်းအတွင်း လားရှိုး ၊မူဆယ် စသည့်မြို့ များသို့ စစ်အင်အားများစွာထပ်မံဖြည့်တင်းပြီး ခံစစ်ပြင်​နေ​​ကြောင်း​ဒေသခံအချို့ က​ပြောသည်။

ဆက်စပ်သတင်းများ

သတင်း

မံစီမြို့နယ်ဘက်သို့ ထိုးစစ်ဆင်လာသည့် စစ်ကောင်စီ စစ်ကြောင်းနှင့် KIA တို့ ကောင်ဂျာဟန်ဒေသ၌ တိုက်ပွဲဖြစ်ပွားခဲ့ခြင်းဖြစ်သည်ဟု ဆိုသည်။

သတင်း

စစ်ဆေးခံရမှုအတွင်း လက်ကိုင်ဖုန်းများတွင် VPN ဆော့ဝဲလ်ထည့်သွင်းထား၍ ဖုန်းသိမ်း ဆည်းခံရသည့် ပြည်သူအများအပြားရှိပြီး အချို့မှာ ငွေကြေးတန်ဖိုးတစ်ခုဖြင့် ပြန်လည်ရွေးယူရသည်များလည်းရှိနေကြောင်း ၎င်းက ဆက်ပြောသည်။

သတင်း

သုည/People’s Spring စစ်အာဏာရှင် နှစ်နိုင်ငံဖြစ်​သော ​မြောက်ကိုရီးယားနှင့် မြန်မာ အမျိုးသားလက်​ရွေးစဥ်​ဘောလုံးအသင်းတို့ပွဲစဥ် အပြီး စစ်​ကောင်စီလက်​ရွေးစဥ်အသင်းမှာ စံချိန်သစ်တစ်ခုစိုက်ထူခဲ့သည်။ ၂၀၂၁ ​ဖေ​ဖော်ဝါရီ ၁ ရက်မှစ၍ စစ်အာဏာရှင်နိုင်ငံဖြစ်​နေ​သော မြန်မာ နှင့် ကမ္ဘာ့သိအာဏာရှင်နိုင်ငံ ​မြောက်ကိုးရီးယားတို့၏ လာအိုတွင် ယှဥ်ပြိုင်​သောပွဲစဥ်တွင် စစ်​ကောင်စီ၏လက်​ရွေးစဥ်အသင်းက ၄ ဂိုး...

သတင်း

KNU ညောင်လေးပင်ခရိုင်(ခလယ်လွီထူခရိုင် ) လယ်ဒို မြို့နယ်အတွင်း စစ်ကောင်စီ လက်နက်ကြီးပစ်ခတ်၍ ဇွန်လ ၁၁ရက် နေ့လယ်ပိုင်းတွင် ဟင်္သာဝဲအုပ်စု ဟင်္သာဝဲကျေးရွာအတွင်းကျရောက် ပေါက်ကွဲကာ အမျိုးသားတစ်ဦး ဒဏ်ရာရခဲ့သည်။