Connect with us

Hi, what are you looking for?

LuduNwayOo

သတင်း

မြိုင်တွင် စစ်ကောင်စီရိက္ခာယာဥ်တန်း တိုက်ခိုက်ခံရ

တိုက်ခိုက်မှုကြောင့် စစ်ကောင်စီဘက်က စစ်ကြောင်းမှူးအပါအဝင် ၁၀ဦးသေဆုံးပြီး ၂၈ ဦးခန့်ထိခိုက်ဒဏ်ရာရရှိခဲ့ကြောင်း Young Force UG အဖွဲ့က ဆိုသည်။

(စစ်ကောင်စီယာဥ်တန်းတိုက်ခိုက်ခံရပြီးနောက် ကျန်ရစ်ခဲ့သောပစ္စည်းအချို့အား တွေ့ရစဥ်။ ဓာတ်ပုံ - Young Force )
(စစ်ကောင်စီယာဥ်တန်းတိုက်ခိုက်ခံရပြီးနောက် ကျန်ရစ်ခဲ့သောပစ္စည်းအချို့အား တွေ့ရစဥ်။ ဓာတ်ပုံ - Young Force )

▪️လေကြောင်းမှ တန်ပြန်တိုက်ခိုက်၍ ပြည်သူလေးဦး သေဆုံး

ဟာနာဆန်/People’s Spring

မကွေးတိုင်း၊ မြိုင်မြို့နယ်၊ ပခုက္ကူ – ကမ္မလမ်းပိုင်း၌ စစ်ကောင်စီ၏ ရိက္ခာယာဥ်တန်းတိုက်ခိုက် ခံရ၍ လေကြောင်းမှတိုက်ခိုက်ရာ ပြည်သူ လေးဦး သေဆုံးခဲ့သည်။

ဇွန်လ ၄ ရက်က ပခုက္ကူမြို့အခြေစိုက် တပ်မ (၁၀၁)မှလာသော ချင်းပြည်နယ်၊ မင်းတပ်မြို့ဘက်သို့ ရိက္ခာပို့သည့် စစ်ကောင်စီယာဥ် ၁၃စီးနှင့် အင်အား ၁၅၀ပါ စစ်ကြောင်းကို ပခုက္ကူ-ကမ္မလမ်းပိုင်းတနေရာတွင် ဒရုန်းများဖြင့် ဗုံးသီး အလုံး ၅၀ နီးပါးချ တိုက်ခိုက်ခဲ့ကြောင်း Young Force UGအဖွဲ့က ပြောသည်။

တိုက်ခိုက်မှုကြောင့် စစ်ကောင်စီဘက်က စစ်ကြောင်းမှူးအပါအဝင် ၁၀ဦးသေဆုံးပြီး ၂၈ ဦးခန့်ထိခိုက်ဒဏ်ရာရရှိခဲ့ကြောင်း Young Force UG အဖွဲ့က ဆိုသည်။

Public Service Announcement

Public Service Announcement

(စစ်ကောင်စီယာဥ်တန်းတိုက်ခိုက်ခံရပြီးနောက် ကျန်ရစ်ခဲ့သောပစ္စည်းအချို့အား တွေ့ရစဥ်။ ဓာတ်ပုံ - Young Force )
(စစ်ကောင်စီယာဥ်တန်းတိုက်ခိုက်ခံရပြီးနောက် ကျန်ရစ်ခဲ့သောပစ္စည်းအချို့အား တွေ့ရစဥ်။ ဓာတ်ပုံ – Young Force )

သို့သော် စစ်ကောင်စီတပ်၏ ထိခိုက်သေဆုံးမှုများအား လူထုနွေဦးက ထပ်မံအတည်ပြုနိုင်ခြင်း မရှိသေးပေ။

” သေတဲ့သူတွေကို မိုးကာနဲ့ စုထုပ်ပြီး သယ်သွားတဲ့အနေအထားရှိတယ်။ အခုတော့အဲဒီယာဥ်တန်းက ကံတော်နဲ့ညောင်ဂျစ်ပင်နားမှာရှိနေတယ်။ အီနာဂါဗုံးနဲ့ချတာတွေကြောင့် သူတို့ကားတွေပျက်စီးပြီး ပြုပြင်ဆဲအနေအထားမှာရှိတယ်။ ဆက်မထွက်နိုင်သေးဘူး။ ဒါပေမယ့် ဒီကနေ့မနက်အထိ MI-35 နဲ့ အဲဒီယာဥ်တန်းအတွက် လုံခြုံရေးပေးနေတာမျိုးရှိတယ်။”ဟု Young Force UG အဖွဲ့၏ သတင်းနှင့်ပြန်ကြားရေးတာဝန်ခံ ကိုပိန်က ပြောသည်။

အထိနာသွားသည့်စစ်ကောင်စီတပ်က အနီးရှိ ကံမြင့်ကုန်းကျေးရွာကို နံနက် ၉ နာရီ ၁၅ မိနစ်နှင့် ၉ နာရီခွဲခန့်​က လေကြောင်းမှ နှစ်ကြိမ်တိုက်ခိုက်ခဲ့ရာ ကလေးနှင့် အဘွားအိုအပါအဝင် အမျိုးသမီး လေးဦးသေဆုံးကာ ၁၆ဦး ထိခိုက်​ဒဏ်ရာရခဲ့ကြောင်း ဒေသတွင်းတော်လှန်ရေးအင်အားစုများက ပြောသည်။

(စစ်ကောင်စီယာဥ်တန်းတိုက်ခိုက်ခံရပြီးနောက် ကျန်ရစ်ခဲ့သောပစ္စည်းအချို့အား တွေ့ရစဥ်။ ဓာတ်ပုံ - Young Force )
(စစ်ကောင်စီယာဥ်တန်းတိုက်ခိုက်ခံရပြီးနောက် ကျန်ရစ်ခဲ့သောပစ္စည်းအချို့အား တွေ့ရစဥ်။ ဓာတ်ပုံ – Young Force )

“ပေါင် ငါးရာ​ဗုံးနဲ့ ရော့ကတ်သီးတွေ။ ရော့ကတ်သီးကတော့အတွဲလိုက်ပစ်ချခဲ့တာ။ ပေါင်ငါးရာဗုံးသီးက တစ်လုံးချတယ်။ မိသားစုနှစ်စုက မိသားစုဝင်တွေတော်တော်များများ ထိခိုက်ဒဏ်ရာရတာနဲ့သေကုန်ကြတာ။”ဟု ဒေသခံတစ်ဦးက ပြောသည်။

ထို့အပြင် နေအိမ် နှစ်လုံးထက်မနည်း ပျက်စီးပြီး အိမ်မွေးတိရိစ္ဆာန်အချို့လည်း သေဆုံးမှုရှိကြောင်း ဒေသခံများထံမှ သိရသည်။

စစ်ဆင်ရေးအား ပခုက္ကူ၊ ကမ္မနှင့် မြိုင်မြို့နယ်မဟာမိတ်တပ်ဖွဲ့များနှင့် ပခုက္ကူမြို့နယ် ပြည်သူ့ကာကွယ်ရေးတပ်ဖွဲ့၂မှ Thurain-TR(Pakokku)နှင့် Young Force UG တို့ပူးပေါင်းတိုက်ခိုက်ခဲ့ခြင်းဖြစ်သည်။

Young Force UG နှင့် မဟာမိတ်များသည်ဇွန်လ ၃ ရက်ကလည်း ပခုက္ကူမြို့နယ်၊ အနောက်ဘုန်းကန်ရွာရှိ စစ်ကောင်စီတပ်နှင့်ပျူများအား ရော့ကတ်များဖြင့် ပစ်ခတ်တိုက်ခိုက်ခဲ့သေးသည်။

ဆက်စပ်သတင်းများ

သတင်း

မံစီမြို့နယ်ဘက်သို့ ထိုးစစ်ဆင်လာသည့် စစ်ကောင်စီ စစ်ကြောင်းနှင့် KIA တို့ ကောင်ဂျာဟန်ဒေသ၌ တိုက်ပွဲဖြစ်ပွားခဲ့ခြင်းဖြစ်သည်ဟု ဆိုသည်။

သတင်း

စစ်ဆေးခံရမှုအတွင်း လက်ကိုင်ဖုန်းများတွင် VPN ဆော့ဝဲလ်ထည့်သွင်းထား၍ ဖုန်းသိမ်း ဆည်းခံရသည့် ပြည်သူအများအပြားရှိပြီး အချို့မှာ ငွေကြေးတန်ဖိုးတစ်ခုဖြင့် ပြန်လည်ရွေးယူရသည်များလည်းရှိနေကြောင်း ၎င်းက ဆက်ပြောသည်။

သတင်း

သုည/People’s Spring စစ်အာဏာရှင် နှစ်နိုင်ငံဖြစ်​သော ​မြောက်ကိုရီးယားနှင့် မြန်မာ အမျိုးသားလက်​ရွေးစဥ်​ဘောလုံးအသင်းတို့ပွဲစဥ် အပြီး စစ်​ကောင်စီလက်​ရွေးစဥ်အသင်းမှာ စံချိန်သစ်တစ်ခုစိုက်ထူခဲ့သည်။ ၂၀၂၁ ​ဖေ​ဖော်ဝါရီ ၁ ရက်မှစ၍ စစ်အာဏာရှင်နိုင်ငံဖြစ်​နေ​သော မြန်မာ နှင့် ကမ္ဘာ့သိအာဏာရှင်နိုင်ငံ ​မြောက်ကိုးရီးယားတို့၏ လာအိုတွင် ယှဥ်ပြိုင်​သောပွဲစဥ်တွင် စစ်​ကောင်စီ၏လက်​ရွေးစဥ်အသင်းက ၄ ဂိုး...

သတင်း

KNU ညောင်လေးပင်ခရိုင်(ခလယ်လွီထူခရိုင် ) လယ်ဒို မြို့နယ်အတွင်း စစ်ကောင်စီ လက်နက်ကြီးပစ်ခတ်၍ ဇွန်လ ၁၁ရက် နေ့လယ်ပိုင်းတွင် ဟင်္သာဝဲအုပ်စု ဟင်္သာဝဲကျေးရွာအတွင်းကျရောက် ပေါက်ကွဲကာ အမျိုးသားတစ်ဦး ဒဏ်ရာရခဲ့သည်။