အင်ကြင်း/People’s Spring
မန္တလေးမြို့တွင် စစ်ကောင်စီက စားဆီစာအုပ် ထုတ်ပေးမည်ဆိုကာ အိမ်ထောင်စုစာရင်းများတောင်းယူနေကြောင်း မြို့ခံများက ပြောသည်။
မန္တလေးမြို့ မြို့နယ်အသီးသီးရှိ စစ်ကောင်စီလက်အောက်ခံ ရပ်ကွက်အုပ်ချုပ်ရေးမှူးရုံးများက စားဆီဝယ်ယူရန် စာအုပ်များ ပြုလုပ်ပေးမည်ဟုဆိုကာ တစ်အိမ်လျှင် အိမ်ထောင်စုစာရင်း မိတ္တူ ၃စောင်စီ တောင်းယူနေခြင်းဖြစ်ကြောင်း မြို့ခံများက ပြောသည်။
Public Service Announcement
“အိမ်ထောင်စုဇယားထဲက ရှိတဲ့လူဦးရေအတိုင်း တစ်ယောက်ကို ၇၀သား ရောင်းပေးမယ်ပြောတာပဲ။”ဟု မန္တလေးချမ်းမြသာစည်မြို့နယ်နေ အမျိုးသမီးတစ်ဦးက ပြောသည်။
သို့သော် စားဆီစာအုပ်ထုတ်ပေးမည်ဟု အကြောင်းပြကာ စစ်မှုထမ်းရန်အတွက် အိမ်ထောင်စုစာရင်း တောင်းယူနေခြင်းသာဖြစ်ကြောင်း Voice Of MDYက ရေးသားသည်။
ထို့အပြင် စက်သုံးဆီဆိုင်အချို့တွင်လည်း စာအုပ်စနစ်ဖြင့် ရောင်းချရန် စီစဥ်နေကြောင်း မန္တလေးမြို့ခံအချို့က ပြောသည်။
“နဂိုအခြေအနေအတိုင်းပြန်ဖြစ်အောင်လုပ် မယ်ဆိုတာ အဟုတ်ပဲ။ အခုဆို တိုင်းပြည်ကြီးက လွန်ခဲ့တဲ့နှစ်သုံးဆယ်ကျော်အခြေအနေအတိုင်း ပြန်ဖြစ်နေပြီ။ အကုန်လုံးခွဲတမ်းတွေနဲ့။”ဟု မန္တလေးမြို့ခံတစ်ဦးက ပြောသည်။
ထို့အပြင် မန္တလေးမြို့ စစ်ရေးအခြေအနေမှာလည်း ယခင်ထက် ပိုမိုလှုပ်ရှားလာပြီး ပြီးခဲ့သည့် စက်တင်ဘာ ၃ရက် နံနက်ပိုင်းက မန္တလေးနန်းမြို့ကျုံးရှိ အလယ်ပိုင်းတိုင်းစစ်ဌာနချုပ်အား မြို့ပြပြောက်ကျားများ တိုက်ခိုက်မှုတွင် ၆နေရာထက်မနည်း ထိခိုက်ခဲ့သည်။
ထို့အပြင် ကျုံးအနီးမြောက်ပြင်၌ လက်နက်ကြီးကျ၍ နေအိမ် ၃လုံးထက်မနည်း ထိခိုက်ပျက်စီးပြီး အမျိုးသားတစ်ဦး ထိခိုက်ဒဏ်ရာရရှိခဲ့သည်။
