မန္တလေးမြို့တွင် တစ်ရက်တည်း မီးနှစ်ကြိမ်​လောင်

အင်ကြင်း/People’s Spring

မန္တလေးတိုင်းတောင်ဘက်ခြမ်း၌ ရေကြီး၊ရေလျှံနေချိန် မန္တလေးမြို့တွင် တစ်ရက်တည်း မီးလောင်ကျွမ်းမှု နှစ်ကြိမ်​ဖြစ်ပွားခဲ့သည်။

ယနေ့(စက်တင်ဘာ ၁၈ရက်) နံနက် ၁၀ နာရီ ၄၅ မိနစ်ခန့်က မန္တလေးမြို့၊ အမရပူရမြိ့နယ်၊ တောင်ကိုင်းကျေးရွာအနီး၌ အင်ဂျင်ဝိုင်သိုလှောင်ဆိုင် မီးလောင်ကျွမ်းမှုဖြစ်ပွားခဲ့ကြောင်း ဒေသခံများက ပြောသည်။

Public Service Announcement

အလားတူ ယနေ့ ညနေ ၆ နာရီခွဲခန့်ကလည်း မန္တလေးမြို့၊ ပြည်ကြီးတံခွန်မြို့နယ်၊ (ဈ)ရပ်ကွက်၊ အကွက်အမှတ် H-၁၉၆၊ ၁၃၉လမ်းနှင့် ၆၁လမ်းအနီး၌ စက်ရုံတစ်ခု မီးလောင်ကျွမ်းမှု ထပ်မံဖြစ်ပွားခဲ့ပြီး တစ်နာရီကျော်ကြာ လောင်ကျွမ်းခဲ့ကြောင်း ဒေသခံများက ပြောသည်။

“မီးညွန့်​ကျိုး မီးငြိမ်းသတ်နိုင် သွားပါပြီ။ လက်ကျန် မီးလေးတွေတော့ ငြိမ်းနေဆဲပါ။ ပါကင်တိပ် စက်ရုံ မီးလောင်တာလို့ သိရပါတယ်။”ဟု မီးလောင်ကျွမ်းရာအနီး နေထိုင်သူတစ်ဦးက ပြောသည်။

မီးလောင်ကျွမ်းမှုနှစ်ခု၏ မီးလောင်ရသည့်အကြောင်းရင်းနှင့် ပျက်စီးဆုံးရှုံးမှုအခြေအနေ မသိရှိရသေးပေ။

အလားတူ မန္တ လေးတိုင်းအတွင်းရှိ မြို့နယ် ၁၀ မြို့နယ်တွင်လည်း ရေကြီး၊ရေလျှံမှု ဖြစ်ပွားခဲ့ပြီး ကျောက်ဆည်၊ မြစ်သား၊ စဉ့်ကိုင်၊ တံတားဦး၊ ဝမ်းတွင်းနှင့် ရမည်းသင်းမြို့နယ်များတွင် ရေဘေးသင့်ပြည်သူ သုံးသောင်းမှ တစ်သိန်းထိ ရှိနိုင်ကြောင်း ကုလသမဂ္ဂလူသား ချင်းစာနာမှုဆိုင်ရာညှိနှိုင်းရေးရုံး (UNOCHA)က စက်တင်ဘာ ၁၆ ရက်တွင် ထုတ်ပြန်ထားသည်။