ဆိုင်းမင်း/People’s Spring
မန္တလေးမြို့ ၊မတ္တရာမြို့နယ်ထဲက သုံးဆယ်ပေးကျေးရွာမှာ တိုက်ပွဲဖြစ်ပြီးနောက် အနီး တဝိုက်ကရွာတွေကို စစ်ကောင်စီတပ်က စစ်ကြောင်းထိုးပြီး မီးတင်ရှို့နေတယ်လို့ ဒေသခံတွေ က ပြောပါတယ်။
သုံးဆယ်ပေးရွာဟာ ဧရာဝတီမြစ်ဘေးမှာ တည်ရှိပြီး မန္တလေး မြို့ပေါ်နဲ့တော့ ၁၀ မိုင်ကျော်ဝေးပါတယ်။
Public Service Announcement
အဲဒီရွာမှာ စက်တင်ဘာလ ၂၁ ရက်မနက်ပိုင်းကတိုက်ပွဲတွေ ဖြစ်ခဲ့ပြီး စစ်ကောင်စီက ရွာ မှာ PDF တွေ ခိုအောင်းနေတာလို့စွပ်စွဲထားပါတယ်။
တိုက်ပွဲဖြစ်ပြီးနောက် သုံးဆယ်ပေးရွာ ကိုစစ်ကောင်စီတပ်က စီနင်းခဲ့သလို အနီးတဝိုက်မှာရှိတဲ့ ရွာတွေကို စစ်ကြောင်းထိုးပြီး မီးတင်ရှို့နေတာလို့ ဒေသခံတစ်ဦးက ပြောပါတယ်။
“မီးတင်ရှို့သွားတာ ဘာမှကိုမကျန်ဘူး”လို့ သုံးဆယ်ပေးရွာ ဒေသခံရွာသားတစ်ဦးကပြောပါတယ်။
မီးတင်ရှို့ခံရတဲ့ရွာတွေဟာ သုံးဆယ်ပေးရွာအပါအဝင် ကုန်းတန်းကြီး ၊ ကုန်းတန်းလေး ၊ ဆူးလေကုန်းရွာ တွေဖြစ်ပြီး ဧရာဝတီမြစ်ဘေးမှာ တည်ရှိကြတာပါ၊
စစ်ကောင်စီတပ်ရဲ့ စစ်ကြောင်းထိုးပြီး ရွာမီးရှို့တဲ့ရန်ကြောင့် လူဦးရေ တစ်ထောင်နီးပါး စစ်ရှောင်နေရပြီး နေထိုင်စားသောက်ရေး အခက်အခဲတွေရှိနေတယ်လို့သိရပါတယ်။
လက်ရှိမှာ စစ်ကောင်စီတပ်က သုံးဆယ်ပေးရွာမှာ တပ်အထိုင်ချထားတယ်လို့လည်းသိရပါတယ်။
