မုံရွာထောင်မှ နိုင်ကျဥ်းများအပါအဝင် အကျဥ်းသား ၁၀၀ ​ကျော်ကို မကွေးထောင်ပို့

စောနွေဦး/People’s Spring

မုံရွာအကျဥ်းထောင်မှာ နိုင်ငံ​ရေးအကျဥ်းသားများအပါအဝင် အကျဥ်းသားကို​ရေလမ်း​ကြောင်းမှ သင်္ဘောများဖြင့် မကွေးအကျဥ်းထောင်သို့​ရောက်လာကြောင်း ဒေသခံများက​ပြောသည်။

အကျဥ်းသား ၁၀၀ ခန့်ပါ သင်္ဘော ၉ စီးခန့်ကို စစ်သင်္ဘော ၃ စီး ခြံရံပြီး ဧရာဝတီမြစ်အတိုင်း စက်တင်ဘာ ၂၅ရက် မ​ကွေးထောင်ကို ရောက်လာသည်ဟု ဒေသခံများကပြောသည်။ထိုအကျဥ်းသားများထဲတွင် နိုင်ငံရေးအကျဥ်းသား ၅၀ ခန့်ပါဝင်သည်ဟု ထောင်အသိုင်းအဝိုင်းက သတင်းအရစ်အမြစ်တစ်ဦးကပြောသည်။ မုံရွာအကျဥ်း​ထောင်တွင် နာမည်​ကျော် သပိတ်​ခေါင်း​ဆောင်ကို​ဝေမိုးနိုင် ရှိပြီး ​ထောင်​ရွေ့​ပြောင်းခံရသူများတွင်၎င်းပါ၊မပါကိုမသိရ​​ပေ။

Public Service Announcement

စစ်​ကောင်စီသည် နိုင်ငံ​ရေးအကျဥ်းသားများကို ​ထောင်​ပြောင်း​ရွေ့ခြင်း ယခု​နောက်ပိုင်းပိုလုပ်လာသည်။

စစ်ကောင်စီတပ်က ၂၁ရက်တွင် နိုင်ငံရေးအကျဥ်းများပါဝင်သည့် အကျဥ်းသား ၁၀၀ခန့်ကို မုံရွာမြို့ မြို့တော်ခန်းမတွင်စုစည်းပြီး ချင်းတွင်းမြစ်မင်းဒေါင့်ဆိပ်ကမ်းမှတဆင့် ရေလမ်းကြောင်းမှပို့ဆောင်ခဲ့ခြင်းဖြစ်သည်ဟု ဒေသများကပြောသည်။

အကျဥ်းသားများကို သစ်လုံးတင်သင်္ဘော ၊​ကြေးနီတင်သင်္ဘော ၊ ယာဥ်များနှင့် စစ်တပ်အတွက် ရိက္ခာတင်သင်္ဘောများ စသဖြင့် စုစု​ပေါင်း သင်္ဘော ၂၀ ​ကျော်ဖြင့် မုံရွာမှ ထွက်ခွာလာခဲ့ခြင်းဖြစ်​ကြောင်း စစ်ကိုင်းတိုင်းမှ ​တော်လှန်​ရေးအင်အားစုများက ​ပြောသည်။ ထို​နောက် ဧရာဝတီမြစ်​ကြောင်းအတိုင်း မ​ကွေးမြို့သို့ပို့​ဆောင်ခြင်းဖြစ်သည်။

“အကျဥ်းသားတွေကိုမြင်းခြံထောင်နဲ့မကွေထောင်ကို ပို့တာ၊ သူတို့ ထောက်ပို့ပစ္စည်းတွေကော သယ်ပို့ သင်္ဘောတွေနဲ့သယ်တာ”ဟု မျက်မြင်​တွေ့ရှိခဲ့​သောဒေသခံတစ်ဦးကပြောသည်။