အင်ကြင်း/People’s Spring
မန္တလေးတိုင်း၊ တံတားဦးမြို့နယ်၊ ညောင်ပင်သာကျေးရွာမှ စစ်ကောင်စီခန့်အုပ်ချုပ်ရေးမှူးတစ်ဦး အသတ်ခံရကြောင်း ဒေသခံများက ပြောသည်။
အောက်တိုဘာ ၂ ရက်က တံတားဦးမြို့နယ်၊ ညောင်ပင်သာကျေးရွာမှ စစ်ကောင်စီခန့် အုပ်ချုပ်ရေးမှူး ဦးကုလားအား လက်နက်ကိုင်အဖွဲ့တစ်ဖွဲ့က ၎င်းနေအိမ်သို့ လာရောက်ဖမ်းဆီးခေါ်ဆောင်သွားကြောင်း ဒေသခံများက ပြောသည်။
Public Service Announcement
ယမန်နေ့(စက်တင်ဘာ၃ရက်) နံနက်ပိုင်းတွင် အုပ်ချုပ်ရေးမှူး ဦးကုလား၏ ရုပ်အလောင်းအား ညောင်ပင်သာကျေးရွာအဝင်လမ်းဘေး၌ တွေ့ရှိခဲ့ရကြောင်း ဒေသခံများက ပြောသည်။
တံတားဦးမြို့နယ်တွင် စစ်ကောင်စီခန့်အုပ်ချုပ်ရေးမှူးများသည် စစ်မှူထမ်းရန်လူငယ်များအား လစဥ် ရှာဖွေပေးလေ့ရှိကြောင်း တံတားဦးမြို့ခံများက ဆိုသည်။
“ကျွန်တော်တို့တံတားဦးက တအားအခြေအနေ ဆိုးတယ်။ စစ်မှုထမ်းဖို့လည်း ခဏခဏဖမ်းတယ်။ နိုင်ရာဖိတာ။ ပြီးတော့ လေကြောင်းပစ်ပြီဆိုလည်း တံတားဦးကတက်လာတဲ့လေယာဥ်ဆိုပြီး နာမည်ဆိုးကြီး ကျန်ခဲ့တယ်။”ဟု တံတားဦးဒေသခံလူငယ်တစ်ဦးက ပြောသည်။
ပြီးခဲ့သည့် ဇူလိုင်နှင့် စက်တင်ဘာအတွင်းကလည်း တံတားဦးမြို့နယ်မှ လူငယ် ၁၀၀ကျော် စစ်မှုထမ်းရန်အတွက် စစ်ကောင်စီတပ်က ဖမ်းဆီးသွားခဲ့သေးသည်။
တံတားဦးမြို့နယ်သည် စစ်ရေးအရပြင်းထန်နေသော မြင်းခြံခရိုင်အတွင်းရှိ ဒေသများနှင့် နယ်မြေချင်းထိဆက်နေသည်။
