နိုဝင်ဘာအတွင်း နောင်ချိုမြို့ စစ်ကောင်စီလေကြောင်းတိုက်ခိုက်မှု ပြည်သူ ၁၇ဦးသေဆုံး၊ ၃၀ကျော် ဒဏ်ရာရ
နိုဝင်ဘာအတွင်း နောင်ချိုမြို့ စစ်ကောင်စီလေကြောင်းတိုက်ခိုက်မှု ပြည်သူ ၁၇ဦးသေဆုံး၊ ၃၀ကျော် ဒဏ်ရာရကိုပုဂံ/People’s Spring
ရှမ်းပြည်နယ်မြောက်ပိုင်း နောင်ချိုမြို့ကို စစ်ကောင်စီက လေကြောင်းထပ်မံတိုက်ခိုက်ခဲ့ရာ ဒေသခံပြည်သူ ခြောက်ဦးဒဏ်ရာရပြီး နေအိမ်များ ပျက်စီးမှုရှိခဲ့သည်။
စစ်တက္ကသိုလ်များရှိရာ ပြင်ဦးလွင်မြို့နှင့် (၃၅)မိုင်ခန့်ကွာဝေးပြီး နယ်မြေချင်းထိစပ်နေသော နောင်ချိုမြို့ကို စစ်ကောင်စီက နိုဝင်ဘာအတွင်းလေကြောင်းမှုတွင် ပြည်သူ ၁၇ဦးသေဆုံးပြီး ၃၀ကျော်အထိ ထိခိုက်ဒဏ်ရာရရှိခဲ့သည်။
ယမန်နေ့(နိုဝင်ဘာ ၂၂ရက်)ည ၁၂နာရီခန့်က နောင်ချိုမြို့ ဈေးရပ်ကွက်ကို စစ်ကောင်စီက လေကြောင်းတိုက်ခိုက်ခဲ့ရာ ဒေသခံပြည်သူခြောက်ဦး ထိခိုက်ဒဏ်ရာရပြီး လူနေအိမ် ခြောက်လုံးခန့် ပျက်စီးခဲ့သည်ဟု နောင်ချိုဒေသခံက ပြောသည်။
Public Service Announcement
” ပေါင်ထိတာက အမျိုးသမီး အသက်အရွယ်မသိရဘူး။ အဖွားတစ်ယောက် အုတ်ပိတာရှိတယ်။ ကျန်တာ နားအူတာမျိုး ထိခိုက်တာတွေရှိတယ်”ဟု နောင်ချိုဒေသခံက ပြောသည်။
နိုဝင်ဘာ ၂၁ရက် နံနက်အစောပိုင်းကလည်း နောင်ချိုမြို့နယ် ကံကြီးနှင့် ကုန်ကြီးကျေးရွာအား စစ်ကောင်စီက လေကြောင်းတိုက်ခိုက်ခဲ့ရာ ဒေသခံပြည်သူနှစ်ဦးသေဆုံးပြီး ငါးဦးထိခိုက်ဒဏ်ရာရခဲ့သည်။
နိုဝင်ဘာ ၁၂ရက်ကလည်း နောင်ချိုမြို့ရှိ လန်းဆန်းလက်ဖက်ရည်ဆိုင်အား လေကြောင်းတိုက်ခိုက်မှုတွင်လည်း ပြည်သူ ၁၁ဦးသေဆုံးပြိး ၁၁ဦး ဒဏ်ရာရရှိခဲ့သည်။
ထိုကြောင့် ပြည်သူများအနေဖြင့် စစ်ကောင်စီတပ်၏ လေကြောင်းတိုက်ခိုက်မှုများ ရှောင်ရှားနိုင်ရန် စစ်ရေးသတိရှိရန်၊ လူစုလူဝေးမပြုလုပ်ကြရန်နှင့် လေကြောင်းရန် ကာကွယ်မှုဆိုင်ရာ အသိပေးထုတ်ပြန်ချက်များ လိုက်နာဆောင်ရွက်ရန်လိုအပ်ကြောင်း တအာင်းအမျိုးသားလွတ်မြောက်ရေးတပ်မတော်(TNLA)က အသိပေးထုတ်ပြန်ထားသည်။
