မုံရွာမြို့တွင် ဓါးပြတိုက်မှုထပ်ဖြစ်၊ ဆိုင်ကယ်များနှင့် ပစ္စည်းအချို့ ပါသွား

ဇေအောင်/People’s Spring

နိုဝင်ဘာ ၂၃ရက် နေ့လည်ပိုင်းက မုံရွာမြို့၊ နန္ဒဝန်ရပ်ကွက်၊ သုဗောဓာရုံစာသင်တို​က်အနီးရှိ နေအိမ်တစ်အိမ်သို့ ဆိုင်ကယ် သုံးစီးဖြင့် လက်နက်ကိုင် လူ၆ ယောက်ရောက်လာပြီး ဓါးပြတိုက်ခဲ့ကြောင်း၊ အဆိုပါနေအိမ်ရှိ ဆိုင်ကယ် နှစ်စီး၊ ငွေကျပ် ၂သိန်းနှင့် အခြားပစ္စည်းများ ယူဆောင်သွားကြောင်း ဒေသခံများကပြောသည်။

“အိမ်ရှင်ကအော်တော့ ဘေးအိမ်ကလူကပြေးလာတာ သူ့ဖုန်းရောပါသွားတယ်ဟု သိရတယ်။”ဟု မုံရွာကင်းထောက်ရဲဘော်တစ်ဦးက ပြောသည်။

ဆုံးရှုံးသွားသည့်ပမဏာကိုမူ မသိရသေးပေ။

Public Service Announcement

ထိုကဲ့သို့ ဓါးပြတိုက်သည့်ဖြစ်စဉ်များမှာ စစ်ကောင်စီက PDF ရဲဘော်များအား ပုံဖျက်လို၍ လိုက်လံဓါးပြတိုက်နေခြင်းဖြစ်ကြောင်း ယူဆနေသည်။

ပြီးခဲ့သည့် အောက်တိုဘာလကုန်ပိုင်းကလည်းမုံရွာမြို့ပေါ်၊ ရေကူးကန်လမ်း၊ မဇ္ဇိမရောင်ခြည်ကျောင်းဝန်းကျင်ရှိ နေအိမ် ၆အိမ်ခန့်အနုကြမ်းစီးခံရသေးသည်။

စစ်တပ်အာဏာသိမ်းပြီးနောက်ပိုင်း မုံရွာမြို့ပေါ်ရှိ ရွှေဆိုင်များ၊ ဖုန်းဆိုင်စတိုးဆိုင်များ၊ လူနေအိမ်များ ဓါးပြတိုက်ခံရပြီး လူထိခိုက်သေဆုံးမှုများပင် ရှိခဲ့သည်။

၂၀၂၂ စက်တင်ဘာ ၁၁ ရက်က မုံရွာမြို့လယ်မီးပွိုင့်အနီးရှိ သန်းတရာရွှေဆိုင် ဓါးပြတိုက်ခံရပြီး ရွှေအချိန်(၁၀)ပိဿာကျော်ပါသွားခဲ့သည်။

၂၀၂၂ ဒီဇင်ဘာ ၂၀ရက်ကလည်း မုံရွာမြို့၊ ဗိုလ်ချုပ်လမ်းပေါ်ရှိ ​ရွှေမုံရွာရတနာရွှေဆိုင်ဓားပြတိုက်ခံရပြီး ဆိုင်ရှင်အမျိုးသားပါ သေနတ်ဖြင့် ပစ်ခတ်ခံခဲ့ရသည်။

၂၀၂၃မတ်လ ၂၁ ရက်ကလည်း မုံရွာမြို့၊ ဗိုလ်ချုပ်လမ်းပေါ်ရှိ ပေါ်ဦးရွှေဆိုင်ဓါးပြတိုက်ခံရပြီး အောင်မင်္ဂလာရပ်ရှိ ပေါ်ဦး-၂ ရွှေဆိုင်ဓားပြတိုက်ခံရပြီး ရွှေထည်၊ရွှေတုံးများ ပိဿာလိုက်ပါသွားပြီး ကျပ်သိန်းထောင်ချီလည်း ယူဆောင်သွားသည်။

ပြီးခဲ့သည့် စက်တင်ဘာအတွင်းက မုံရွာမြို့ပေါ်ရှိ နဝရတ်ရွှေဆိုင် ဓါးပြတိုက်မှုဖြစ်စဉ်တွင်ပါဝင်ခဲ့သူ ၄ ဦးကိုလည်း မုံရွာမြို့နယ် ပြည်သူ့လုံခြုံရေးအဖွဲ့(မုံရွာမြို့နယ်-ပလဖ)က ဖမ်းဆီးရမိထားသည်။