ရှိန်း/People’s Spring
ပြီးခဲ့တဲ့တပတ်အတွင်း နွားထိုးကြီးမြို့နယ်ထဲကဘုန်းကြီးကျောင်းနဲ့စာသင်ကျောင်းတွေအပါအဝင်ကျေးရွာခြောက်ရွာကို စစ်ကောင်စီကလေကြောင်းကနေ ဗုံးကြဲခဲ့တာကြောင့် ကလေးငယ်၃ဦးအပါအဝင်စုစုပေါင်းပြည်သူ၁၁ဦးသေဆုံးခဲ့ပြီး ဒဏ်ရာရသူ၁၀ဦးထပ်မနည်းရှိခဲ့တယ်လို့ နွားထိုးကြီးမြို့နယ်၊ပြည်သူ့အုပ်ချုပ်ရေးအဖွဲ့၊လူ့အခွင့်အရေးတာဝန်ခံကပြောပါတယ်။
ဒီဇင်ဘာလ၂ရက်နေ့ကနေ ၅ရက်နေ့အထိနွားထိုးကြီးမြို့နယ် မှာစစ်တပ်ရဲ့လေကြောင်းတိုက်ခိုက်မှုကြောင့် နဘဲမြစ်ကျေးရွာမှအမျိုးသား၄ဦး၊ကွမ်းအုံကျေးရွာမှ အမျိုးသမီးတဦးနဲ့ ၁၁နှစ်အရွယ်ကလေး ၁ ဦး၊လုံးတောကျေးရွာမှ ၉နှစ်အရွယ်ကလေး၁ ဦး၊ကန်နှောင်းကျေးရွာမှ အမျိုးသား
၁ဦး၊လက်ဝဲ+မြင်းနီကျေးရွာမှအမျိုးသား၁ဦး၊အောင်ပန်းကုန်းကျေးရွာမှ အမျိုးသား၁ဦး၊အမျိုးသမီး၁ဦး နဲ့ ၁၃နှစ်အရွယ်ကလေးငယ်၁ ဦး စုစုပေါင်း၁၁ဦးသေဆုံးခဲ့ပါတယ်။
Public Service Announcement
နွားထိုးကြီးမြို့နယ်မှာတိုက်ပွဲဖြစ်ပွားခြင်းမရှိဘဲ စစ်တပ်က တရစပ်လေကြောင်းတိုက်ခိုက်တာတွေပြုလုပ်ခဲ့တာလို့သိရပါတယ်။
“ ပြည်သူတွေအမှန်တရားဘက်ပဲထောက်ခံကြတာအများဆုံးဖြစ်နေတယ်ဆိုတာ သူတို့လည်းသိနေတော့ အဲတာကြောင့်ပြည်သူကိုအဓိကထားတိုက်နေတယ်ထင်တာပဲဗျ” လို့ လူ့အခွင့်အရေးတာဝန်ခံကပြောပါတယ်။
နွားထိုးကြီးမြို့နယ်ကဒေသခံတဦးကတော့ မြင်းခြံမြို့အခြေစိုက်တော်လှန်ရေးတပ်ဖွဲ့ဝင်တဦးဒဏ်ရာရဖူးလို့ နွားထိုးကြီးမြို့နယ်ဘက်ကိုဆေးလာကုဖူးပြီး အဲဒီရဲဘော်ဟာ သီတာယုမွန်ပျူစောထီးအဖွဲ့ထဲဝင်သွားတာမျိုး ပြီးခဲ့တဲ့လပိုင်းကဖြစ်ခဲ့ပြီး အဲဒီရဲဘော်ရဲ့သတင်းပေးချက်အရလေကြောင်းတိုက်
တာဖြစ်နိုင်တယ်လို့ ဆိုပါတယ်။ သူပြောတာမှန် ၊ မမှန် People’s Spring ကသီးခြားအတည်မပြုနိုင်ပါဘူး ။
ဒီဇင်ဘာ ၉ရက်နေ့လည်၁၁နာရီခွဲအချိန်မှာလည်း မြင်းခြံမြို့ ခမရ(၁၅)တပ်ကနေ လက်နက်ကြီးနဲ့ပစ်ခတ်ခဲ့တာကြောင့် လက်ဝဲ ၊ မြင်းနီကျေးရွာကနေအိမ်ပေါ်ကျခဲ့ပြီး နေအိမ်အချို့ပျက်စီးခဲ့ပါသေးတယ်။
