ဇေအောင်/People’s Spring
ဒီဇင်ဘာ ၁၉ ရက်က ဆားလင်းကြီးမြို့ပေါ်ရှိ စစ်ကောင်စီတပ် အထိုင်ချထားသော မြို့မရဲစခန်း၊ အထွေထွေအုပ်ချုပ်ရေးမှူးရုံးနှင့် အခြားနှစ်နေရာခုအား တော်လှန်ရေးအဖွဲ့များစုပေါင်း၍ နံနက် ၈နာရီခန့်ကစ၍ နေ့လယ် ၁နာရီခွဲခန့်အထိ ၅နာရီခန့်ကြာတိုက်ခိုက်ခဲ့ကြောင်း ချင်းတွင်းဒိုင်းနမိုက်ပြည်သူ့ကာကွယ်ရေးတပ်ဖွဲ့(Salingyi)၏ ဦးဆောင်သူ ဦးဗိုက်က ပြောသည်။
“သူတို့ဘက်က အထိခိုက်တော့မသိရသေးဘူး။ သူတို့က ဒရုန်းနဲ့တွေနဲ့စချတာ။ စက်လက်တွေ ၆၀ တွေနဲ့လည်း ထုတယ်။ အထဲကနေ မထွက်တော့ဘဲ ဒရုန်းနဲ့အရင်လိုက်ချတာ။ ပြည်သူထိခိုက်မှုတော့မရှိဘူး။”ဟု ဦးဗိုက်က ပြောသည်။
စစ်ကောင်စီတပ်က ပြည်သူများ၏နေအိမ်များအား မီးရှို့၍ နေအိမ် ၄လုံး မီးလောင်ကျွမ်းခဲ့ပြီး တော်လှန်ရေးအဖွဲ့များ ဝင်ရောက်မီးငြှိမ်းသတ်ပေးခဲ့ကြောင်း ၎င်းက ပြောသည်။
Public Service Announcement
တော်လှန်ရေးအဖွဲ့များဘက်မှ ရဲဘော်တစ်ဦး ဒဏ်ရာရရှိကြောင်း သိရသည်။
ဆားလင်းကြီးမြို့တွင် စစ်ကောင်စီအုပ်စုက မြို့ပေါ်တပ်စွဲရာနေရာအချို့၌သာရှိပြီး ပြင်ပနေရာများ မသွားလာတော့ဟု ဒေသခံအချို့က ပြောသည်။
အဆိုပါတိုက်ခိုက်မှုအား ချင်းတွင်းဒိုင်းနမိုက်ပြည်သူ့ကာကွယ်ရေးအဖွဲ့(Salingyi)၊ ယင်းမာပင်ခရိုင်တပ်ရင်း၃၅၊တပ်ခွဲ၃တောင်ပံနီအထူးပြောက်ကျားတပ်ဖွဲ့(Salingyi)၊ 5/Fighter Group၊ SOlOအောင်ကြီး(Salingyi)၊ Royal Broher Forces၊ ဇာနည်သွေး၊ ပွဲတိုင်းကျော်၊SPDF Droneအဖွဲ့၊ တော့ဘုရင်ဗိုလ်ယက္ခ၊ ချင်းတွင်းကာကွယ်ရေး(CDF)၊ ဖီးနစ်၊ ခေါင်းသမာန်(G.Z)၊ အညာသားကြီး၊ မျိုးဆက်သစ်၊
မုံရွာခရိုင်တပ်ရင်း ၂၃၊ အာဏာရှင်တော်လှန်ရေး၊ တောသားကြီး၊ fighter. 9၊အညာမြေဝေကြီး၊ BAD. TlGERS၊ ပြည်သူ အားလုံးရဲ့ PK Drone အဖွဲ့၊ မုံရွာ အကျဥ်းဦးစီးဌာန၊ ကမြင်းနီ PDF၊ ဒေါင်းဖိုက်တာ၊ ပျောက်ကြား၊ နောင်ကြီး၊.ရိုးမရာဇာ(ဆားလင်းကြီး စစ်ကြောင်း)၊ BNRA ခွဲ (၃)၊ North PDF၊
M.7.(PDF)(ဆားလင်းကြီး စစ်ကြောင်း)စသည့်အဖွဲ့များ ပူးပေါင်းတိုက်ခိုက်ခဲ့ခြင်းဖြစ်သည်။
တိုက်ပွဲများဆက်လက်ဖော်ဆောင်နိုင်ရန် ကျည်ဖိုးပါဝင်ထောက်ကူနိုင်ကြောင်းလည်း ချင်းတွင်းဒိုင်းနမိုက်ပြည်သူ့ကာကွယ်ရေးအဖွဲ့(Salingyi)က မေတ္တာရပ်ခံသည်။
ဆားလင်းကြီးမြို့ပေါ်ရှိ စစ်အုပ်စုကို ပြီးခဲ့သည့် ဇူလိုင် ၁၉ ရက်နှင့် နိုဝင်ဘာ ၂၁ ရက်ကလည်း တော်လှန်ရေးတပ်ဖွဲ့များက သွားရောက်တိုက်ခိုက်ခဲ့ပြီး နှစ်ဘက်ထိခိုက်မှုရှိခဲ့သည်။
ဆားလင်းကြီးမြို့သည် မုံရွာမြို့၏ တောင်ဘက်၊ ချင်းတွင်းမြစ်၏ အနောက်ဘက်ကမ်းတွင် တည်ရှိသည်။
