ချင်းညီ​နောင်က မင်းတပ်မြို့နယ်ကိုအပြီးသတ်သိမ်းပိုက်နိုင်ပြီဖြစ်​ကြောင်း​ကြေညာ

-​နေ့သစ်/ People’s Spring

ချင်းညီ​နောင်က မင်းတပ်မြို့မှာ​နောက်ဆုံးကျန်တဲ့ ခလရ ၂၇၄ ကို ဒီဇင်ဘာ ၂၁ ရက်​နေ့မှာအပြီးသတ်သိမ်းပိုက်ပြီး မင်းတပ်မြို့နယ်တစ်ခုလုံးကိုအပြီးသတ်သိမ်းပိုက်ထိန်းချုပ်လိုက်နိုင်ပြီလို့ ​ယ​နေ့ညမှာကြေညာ လိုက်ပါတယ်။

​ဟောင်ဝစ်ဇာအ​မြောက်အပါအဝင် ရာနဲ့ချီတဲ့လက်နက်ခဲယမ်း​တွေ သိမ်းဆည်းရရှိတာကို ဒီဇင်ဘာ ၂၂ ရက်​နေ့မှာထုတ်ပြန်တဲ့ သတင်းမှတ်တမ်းဓါတ်ပုံ​တွေထဲမှာမြင်​တွေ့ရပါတယ် ။စစ်တပ်ဖမ်းဆီးထားတဲ့နိုင်ငံ​ရေးအကျဥ်းသား ၁၃ ဦးကိုကယ်ထုတ်နိုင်ခဲ့ပါတယ် ။

ဒါအပြင်စစ်သုံ့ပန်းအများအပြားဖမ်းဆီးရရှိခဲ့တာကိုလည်း ​တွေ့ရပါတယ်။

Public Service Announcement

ချင်းညီ​နောင်က မင်းတပ်နဲ့ ဖလမ်းမြို့သိမ်းတိုက်ပွဲကို နိုဝင်ဘာ ၉ ရက်​နေ့ကစတင်ခဲ့တာပါ။ထိုးစစ်တစ်လခွဲအတွင်းမှာ မင်းတပ်မြို့ကိုသိမ်းပိုက်နိုင်ခဲ့သလို မင်းတပ်ကိုသိမ်းလိုက်တာ​ကြောင့် ကန်ပက်လက်က စစ်​ကောင်စီတပ်ဖွဲ့ဝင်​​တွေထွက်​ပြေးကုန်တာမို့ ကန်ပက်လက်မြို့ကိုပါ ဒီဇင်ဘာ ၂၁ ရက်မှာသိမ်းပိုက်နိုင်ခဲ့ပါတယ် ။

မင်းတပ်မြို့နယ် ၊ ကန်ပက်လက်မြို့နယ် ၊ကျင်​ဒွေးမြို့​တွေကို ​တော်လှန်​ရေးတပ်​​တွေက သိမ်းပိုက်ပြီးဖြစ်လို့ ချင်းပြည်နယ်​တောင်ပိုင်းမှာစစ်တပ်ကင်းစင်သွားပြီဖြစ်ပါတယ် ။

မင်းတပ်မြို့သိမ်းတိုက်ပွဲကို ချင်းညီ​နောင်တပ်​တွေအပြင် မဟာမိတ်တပ်ဖွဲ့​တွေဖြစ်တဲ့ Yaw Defense Force (YDF) ၊ Yaw Army(YA) ၊ ပြည်သူ့ကာကွယ်​ရေးတပ်မ​တော် မုံရွာခရိုင် တပ်ရင်း (၃) တို့က ပူး​ပေါင်းတိုက်ခိုက်​ပေးကြတယ်လို့ သိရပါတယ် ။

အာရက္ခတပ်​တော်(AA)က လက်နက်ခဲယမ်းအကူအညီ ၊ စစ်ကူ​တွေ အပြင် စစ်​ရေးဆိုင်ရာအကြံဥာဏ် နဲ့လိုအပ်​သောအကူအညီ​တွေ ​ပံ့ပိုးကူညီခဲ့တယ်လို့လည်း​ဖော်ပြပါတယ် ။

မင်းတပ်မြို့နယ်မှာ စစ်​ကောင်စီ ကင်းစင်သွားပြီဖြစ်ပြီး မြို့သိမ်းတိုက်ပွဲမှာ အသက်​ပေးအပ်ခဲ့ကြတဲ့ အာဇာနည်​တွေ ၊ကိုယ်လက်အဂါ်စွန့်လွတ်ခဲ့ရတဲ့ ရဲ​ဘော်​တွေ ၊​အောင်ပွဲရတယ်အထိစွမ်းစွမ်းတမံတိုက်ပွဲဝင်ခဲ့တဲ့ တပ်မှူး​တွေ၊ ရဲ​ဘော်​တွေကိုဂုဏ်ပြု​ကြောင်း ချင်းညီ​နောင်က​ဖော်ပြပါတယ် ။

ချင်းပြည်နယ်မှာ စစ်​ကောင်စီတပ်ကျန်​နေ​သေးတဲ့ မြို့နယ်​တွေမှာလည်း စစ်တပ်စခန်း​တွေသိမ်းပိုက်နိုင်​ရေးမဟာမိတ်​တွေနဲ့ အတူဆက်လက်တိုက်ပွဲဝင်မယ်လို့လည်း ​​ဖော်ပြထားပါတယ် ။