ရဲခေါင်/People’s Spring
ရှမ်းမြောက်ရှိ ညီနောင်မဟာမိတ်(၆၁၁) တိုင်းရင်းသားတပ်မဟာတွင် စစ်ပညာသင်တာဝန် ထမ်းဆောင်ပြီး ၂၀၂၄တွင် ကရင်နီပြည်ပြန်ရောက်ချိန်တွင် KNDF၏ စစ်ဦးစီးတပ်အနေဖြင့် တာဝန်ထမ်းဆောင်နေသည်ဟု ဆိုသည်။
ထို့အပြင် ကရင်နီပြည်နယ်အနှံ့တိုက်ပွဲဖြစ်ပွားသောနေရာများတွင်အခြားသော KNDF တပ်ရင်းများ၊ တော်လှန်ရေးအင်အားစုများနှင့်အတူ စစ်ရေးတွင်ပါဝင်လှုပ်ရှားနေပြီး တပ်အင်အားဖြည့်တင်းကာ ကျစ်လျစ်သောတပ်ရင်း ဖြစ်စေရန်၊ ရှမ်းမြောက်မှသင်ယူခဲ့သော စစ်ပညာများ စစ်ရေးအတွေ့ကြုံများနှင့် စစ်နည်းဗျူဟာများကို ရဲဘော်များအား လေ့ကျင့်သင်ကြားပေးလျက်ရှိကြောင်း အသိပေးသည်။
“ရှမ်းမြောက်တိုက်ပွဲ နှစ်နှစ်အတွင်း ၂၀၂၂ ခုနှစ်ကနေ ၂၀၂၄အထိ KNDF က ၆၀၆ ဦးစီးတပ်အနေနဲ့ ပါဝင်ခဲ့တယ်။ဘာထူးမလဲဆိုတော့ အမိန့်စီးဆင်မှုတွေ၊စစ်ရေးအတွေ့အကြုံတွေ က ကရင်နီပြည်နယ်ထဲ ပိုထူးလာလိမ့်မယ်။ရှမ်းမြောက် မဟာမိတ်တပ်ပေါင်းစုစစ်ဆင်ရေးအောင်ပွဲတွေမှာ KNDF ရဲဘော် ၁၂ဦးကျဆုံးခဲ့တယ်လို့သိရတယ်”ဟု ကရင်နီစစ်ရေးသတင်းရင်းမြစ်က လူထုနွေဦးသို့ ပြောသည်။
Public Service Announcement
စစ်ဦးစီးတပ်အား စနစ်ကျသည့်တပ်ရင်းဖြစ်စေရန် ညီနောင်မဟာမိတ်တပ်ကဲ့သို့ အမိန့်နာခံမှုအားကောင်းသော တပ်ပုံစံဖြင့်ကျင့်သုံးနေသည်ဟု ဖော်ပြသည်။
တပ်ရင်းအမှတ်(၆၀၆)စစ်ဦးစီးတပ်သည် ကရင်နီပြည်နယ်ရှိ တော်လှန်ရေးအင်အားစုများ၊ အခြားသော KNDF တပ်ရင်းများ နှင့်အတူ ၂၀၂၄တွင် ကရင်နီပြည်နေရာအနှံ့တိုက်ပွဲဖြစ်ပွားသော မိုးဗြဲ(၄၂၂) ၊ ပဒါးညေး ၊ထေးပလောခူ ၊ နာနတ်တော ၊စက်မှုဇုန် ၊မိုင်းလုံး ၊ပန်ကန်း ၊ဖယ်ခုံ – ပင်လောင်းမြို့နယ်စပ် ပင်ဆုံ ၊ နွားလဝိုး နှင့် လင်ဖုံလေး ၊ ကုန်းသာကျေးရွာစသည့်နေရာများတွင် အမှတ်(၆၀၆)စစ်ဦးစီးတပ် ပါဝင်ခဲ့သည်။
တိုက်ပွဲဖြစ်ပွားမှုတစ်လျှောက်တွင် အမှတ်(၆၀၆) စစ်ဦးစီးတပ်သည် စစ်ကောင်စီနှင့် (၅၂)အကြိမ် ထက်မနည်း တိုက်ပွဲဖြစ်ပွားခဲ့ပြီး ရန်သူအများပြားကျဆုံး၍ စစ်အသုံးဆောင်ပစ္စည်းများနှင့် ရန်သူများ အရှင်ဖမ်းဆီးနိုင်ခဲ့သည်ဟု ဆိုသည်။
တိုက်ပွဲတစ်လျှောက်တွင် ဒဏ်ရာရသူအချို့ရှိပြီး ရဲဘော်သုံးဦး အသက်ပေးခဲ့ရပြီး ၎င်းတို့အတွက် အမှတ်(၆၀၆)စစ်ဦးစီးတပ်မှ အာဇာနည်သူရဲကောင်းအဖြစ် မှတ်တမ်းတင် ဂုဏ်ပြုကြောင်းဖော်ပြသည်။
စစ်အာဏာရှင်စနစ်ချုပ်ငြိမ်းသည့်အထိ ဆက်လက်တော်လှန်သွားပြီး တော်လှန်ရေးအပေါ် သစ္စာရှိစွာ ၂၀၂၅တွင် ပို၍ကြိုးစားသွားမည်ဖြစ်ကြောင်းလည်း KNDF၏ (၆၀၆)စစ်ဦးစီးတပ်က ကတိပြုသည်။
ရှမ်းမြောက်တိုက်ပွဲများတွင် (၆၀၆)တပ်ရင်းအနေဖြင့် စစ်ကောင်စီ၏ သိန္နီတပ်မဟာ၊ ကွမ်းလုံဗျူဟာ၊ တရွီထန်ဗျူဟာနှင့် နန့်စလပ်ဗျူဟာ များကို တိုက်ခိုက်ချေမှုန်းသိမ်းပိုက်ခဲ့သည်။
၁၀၂၇ စစ်ဆင်ရေး ပထမပိုင်းကာလတစ် လျောက်တွင် ၆၀၆ တပ်ရင်းသည် အကောင်းဆုံးချေမှုန်းရေးဆုရရှိခဲ့ပြီး ၆၁၁တိုင်းရင်းသားတပ်မဟာ၏ စံပြတပ်ရင်းဆုကိုလည်း ရရှိခဲ့သည်ဟု ဆိုသည်။
