ဆိုင်းမင်း/People’s Spring
မန္တလေးမြို့၊ ချမ်းအေးသာစံမြို့နယ်ရှိ စစ်ကောင်စီလက်အောက်ခံ မန္တလေးတိုင်း အရန်ရဲတပ်ဖွဲ့ခွဲရုံးအတွင်းက ဝန်ထမ်းလိုင်းခန်းတွေ ဒီနေ့ ဇန်နဝါရီလ ၁၀ ရက် မနက်ပိုင်းက မီးလောင်မှုဖြစ်ပွားခဲ့ပါတယ်။
မန္တလေးတိုင်းအရန်ရဲတပ်ဖွဲ့ခွဲရုံးက လမ်း၃၀၊ ၆၈လမ်းနဲ့ ၆၉လမ်းကြားမှာရှိတာပါ။မနက် ၉နာရီခွဲကနေ မီးစတင်လောင်ကျွမ်းခဲ့ပြီး နာရီဝက်ခန့်အကြာမှာ မီးငြိမ်းသွားတယ်လို့ သိရပါတယ်။
မီးလောင်မှုကြောင့် ရဲဝန်ထမ်းလိုင်းခန်း ၈ ခန်း ပျက်စီးသွားတယ်လို့ မီးသတ်တပ်ဖွဲ့ဝင်တစ်ဦးကပြောပါတယ်။ မီးစတင်လောင်ကျွမ်းရတဲ့အကြောင်းအရင်းကိုမသိရသေးပါဘူး။
Public Service Announcement
မီးလောင်မှုဖြစ်ပွားခဲ့တဲ့ မန္တလေးတိုင်းအရန်ရဲတပ်ဖွဲ့ခွဲရုံး ဘေးပတ်ဝန်းကျင်မှာ မန္တလေးတိုင်းရဲတပ်ဖွဲ့မှုးရုံး၊ တိုင်းပညာရေးမှုးရုံး၊ ခရိုင်အထွေထွေအုပ်ချုပ်ရေးမှူးရုံး၊ ကလေးသူငယ်တရားရုံးနဲ့ ယာဥ်ထိန်းရုံးစတဲ့ ရုံးပေါင်းစုံရှိ ပါတယ်။
