ရှိန်း/People’s Spring
တောင်သာမြို့အထက (၁) ထဲကို တပ်စွဲထားတဲ့ စစ်ကောင်စီတပ်တွေကို မြင်းခြံခရိုင်အမှတ်(၃)တပ်ရင်းကဝင်ရောက်တိုက်ခိုက်ခဲ့ရာစစ်သား၁၀ဦးခန့်သေဆုံးပြီး ဒဏ်ရာနဲ့ထွက်ပြေးသွားတဲ့စစ်သားတွေလည်းရှိတယ်လို့တပ်ရင်း(၃)တပ်ရင်းမှူးကပြောပါတယ်။
ဇန်နဝါရီလ (၁၃ )ရက်နေ့နေ့လည်၁၂ နာရီ၁၅မိနစ်မှာ တောင်သာမြို့၊အထက၁ကျောင်းထဲကိုတပ်စွဲထားတဲ့စစ်ကောင်စီတပ်ကို ဝင်ရောက်တိုက်ခိုက်ခဲ့တာလို့သိရပါတယ်။
“အမြင်က ၈ ယောက် ၁၀ ယောက်လောက်သေတယ်။ဒဏ်ရာရတွေလည်းရှိတယ်။သူတို့အလစ်အငိုက်တိုက်ခံရတာ”လို့မြင်းခြံခရိုင်အမှတ်(၃)တပ်ရင်းမှူးကပြောပါတယ်။
Public Service Announcement
သေဆုံးတဲ့အထဲ နာမည်ကြီးတပ်ကြပ်ကြီးအောင်မင်းဆိုသူလည်းပါတယ်လို့သိရပါတယ်။
အထက(၁)မှာ စစ်သား၄၀ကျော်လောက်တပ်စွဲထားတာဖြစ်ပြီး အဲဒီကနေတဆင့်ထွေအုပ်၊မြို့ဝင်ဂိတ်တွေနဲ့ဘဏ်တွေကိုလုံခြုံရေးပေးထားတာလို့သိရပါတယ်။
တော်လှန်ရေးတပ်တွေဝင်တိုက်စဥ်တခြားနေရာတွေကိုစစ်သားတွေကလုံခြုံရေးဖြန့်ပေးထားတာမို့ ကျောင်းအတွင်းမှာ၂၁ယောက်လောက်သာရှိပြီး တိုက်ခိုက်ခံရစဥ် ထွက်ပြေးသွားတဲ့စစ်သားတွေလည်းရှိတယ် လို့သူကဆက်ပြောပါတယ်။
စစ်တပ်ကိုတိုက်ခိုက်ပြီး စစ်ကောင်စီအလံကိုဖြုတ်ချပြီး PDF ခရိုင်တပ်ရင်း(၃) ရဲ့အလံကိုလွင့်ခဲ့သလို မြို့တွင်းကစစ်ကောင်စီဂိတ်တွေအားလုံးကိုလည်းဝင်ရောက်ပစ်ခတ်ခဲ့တယ်လို့ တပ်ရင်းမှူးကပြောပါတယ်။
ဒီတိုက်ခိုက်မှုမှာ RPGကိုပါအသုံးပြုတိုက်ခိုက်ခဲ့တာမို့ စစ်ကောင်စီလက်နက်တွေအပျက်အစီးရှိခဲ့ပြီး MA-1တလက်နဲ့ ကျည်ဘောက်၊ကျည်တချို့ကို သိမ်းယူနိုင်ခဲ့တယ်လို့သိရပါတယ်။
