မြန်မာဖက်ကနေ ထိုင်းနိုင်ငံထဲ ခိုးဝင်ခဲ့သူ အင်ဒိုနီးရှား ၃၂ ဦး အဖမ်းခံရ

မြန်မာနိုင်ငံဖက်ခြမ်းကနေ ထိုင်းပိုင်နက်ထဲ ခိုးဝင်လာတဲ့အင်ဒိုနီးရှားနိုင်ငံသား ၃၂ ဦးကို ဖမ်းဆီးထားကြောင်းထိုင်းအာဏာပိုင်တွေကပြောပါတယ်။

ဇန်နဝါရီ ၁၈ ရက်နေ့ ညသန်းခေါင်ကျော်၊ ဇန်နဝါရီ ၁၉ ရက် မနက်အစောပိုင်းတုန်းက မဲဆောက်ခရိုင်ထဲမှာရှိတဲ့ ဝမ်တာခန် ကျေးရွာကနေတဆင့် ထိုင်းပိုင်နက်ထဲ ခိုးဝင်လာတဲ့ အင်ဒိုနီးရှား အမျိုးသား ၃၀ နဲ့ အမျိုးသမီး ၂ ဦးကို ထိုင်းနယ်စပ် လုံခြုံရေး အာဏာပိုင်တွေက ဖမ်းဆီး ရမိခဲ့တာပါ။

ကနဦး စစ်ဆေးမှုတွေအရ သူတို့ဟာ မြန်မာဖက်ခြမ်း၊ မြဝတီမြို့နယ် ပိုင်နက်ထဲက အွန်လိုင်း ငွေလိမ်ဂိုဏ်း၊ ကျားဖြန့် အဖွဲ့အစည်းတွေရဲ့ ဝန်ထမ်းတွေဖြစ်ပြီး အလုပ်ခွင်ကို အစုလိုက် ကျောခိုင်း စွန့်ခွာလာတာလို့ ဆိုပါတယ်။

သူတို့တွေဟာ အလုပ်ခွင်ကို စွန့်ခွာပြီး ထိုင်းနိုင်ငံကို ဖြတ်ကျော်ရင်း မိခင်နိုင်ငံကို ပြန်သွားဖို့ ရည်

Public Service Announcement

ရွယ်ထားတာလို့ စုံစမ်းရေး အရာရှိတွေကို ပြောပြခဲ့ပါတယ်။ လူဝင်မှု ကြီးကြပ်ရေး အဖွဲ့တွေ၊ လူကုန်ကူးမှု တိုက်ဖျက်ရေး အဖွဲ့တွေ၊ နယ်စပ်လုံခြုံရေး အရာရှိတွေ ပါဝင်တဲ့ ထိုင်းဖက်က ပူးပေါင်း စစ်ဆေးရေး အဖွဲ့က အဲဒီ ဖမ်းဆီးရမိသူ ၃၂ ဦးစလုံးမှာ မှန်ကန်ခိုင်မာတဲ့ နယ်စပ်ဖြတ်ကျော်မှုဆိုင်ရာ စာရွက်စာတမ်းတွေ ပါမလာကြောင်း အတည်ပြုခဲ့ပါတယ်။

အဲဒီ အင်ဒိုနီးရှား နိုင်ငံသားတွေဟာ ကျားဖြန့်ဂိုဏ်းတွေရဲ့ ငွေကြေးလိမ်လည်မှု ကွန်ရက်တွေမှာ ပါဝင် အလုပ်လုပ်နေခဲ့ရာက လတ်တလော ထိုင်း-မြန်မာ နယ်စပ်က ကျားဖြန့် ဂိုဏ်းတွေကို ဖြိုခွင်းမှုတွေ အရှိန် မြှင့်တင်လာချိန်မှာ ထွက်ပြေးလာကြတာ ဖြစ်နိုင်တယ်လို့ ထိုင်းအာဏာပိုင်တွေက သုံးသပ်ထားပါတယ်။

မဲဆောက်ခရိုင် ရဲတပ်ဖွဲ့ရုံးမှာ ထိန်းသိမ်းထားပြီး စုံစမ်းစစ်ဆေးမှုတွေ ခံယူနေရတဲ့ အင်ဒိုနီးရှား နိုင်ငံသားတွေက သူတို့ဟာ နေရပ်ကို ပြန်သွားဖို့သာ ရည်ရွယ်ထားခဲ့တာလို့ ပြောပါတယ်။ ဒါပေမဲ့ ထိုင်းမှာတော့ သူတို့ကို ဥပဒေကြောင်းအရ အရေးယူမှုတွေ လုပ်ဆောင်ဖို့ စီစဉ်နေပါတယ်။

ကိုးကား-Bangkok Post