ဆိုင်းမင်း/People’s Spring
မန္တလေးမှာ ပျုစောထီးခေါင်းဆောင် ပေါက်ကိုယ်တော် ရဲ့ တပည့် အမျိုးသား ၂ ဦး ဇန်နဝါရီ ၂၆ ရက် မနက်ပိုင်းက ပစ်ခတ်ခံရ ပြီး ၁ ဦးသေဆုံးသွားတယ်လို့ ဒေသခံအချို့ဆီကသိရပါတယ်။
မနေ့ မနက်ပိုင်း ၁၁ နာရီခန့်က အသက် ၅၂ နှစ်အရွယ် ဦးဝင်းဦးနဲ့ အသက် ၃၅ နှစ်အရွယ် ဦးသူရိန်ဝင်းတို့ ချမ်းမြသာစည်မြို့မှာ ပစ်ခတ်ခံရတာပါ။
ချစ်မြသာစည်မြို့ ၊ အောင်သာယာရပ်ကွက် ၊ ၄၅လမ်းနဲ့ ၁၀၇လမ်းထောင့်ရှိ ဗိုလ်ကွမ်းယာဆိုင်မှာ ကွမ်းဝယ်နေချိန် ဆိုင်ကယ်စီးအမျိုးသား ၂ ဦးက ပစ်ခတ်သွားတာလို့သိပါတယ်။
Public Service Announcement
ပစ်ခတ်မှုကြောင့် ၂ ဦးအနက် အသက် ၅၂ နှစ်အရွယ် ဦးဝင်ဦးဟာ နေရာမှာတင်သေဆုံးသွားတာလို့ ဒေသခံအချို့က အသိပေးပါတယ်။
ပစ်ခတ်ခံရသူ ၂ဦးဟာ ချမ်းမြသာစည်မြို့နယ် ပျုစောထီး အဖွဲ့ဝင်တွေ ဖြစ်တယ်လို့သိရပါတယ်။
ပေါက်ကိုယ်တော်လို့ လူသိများတဲ့ မဘသ ဘုန်းကြီး ဟာ စစ်သင်တန်းအတွက် မန္တလေးတိုင်းက ပြည်သူ့စစ် အဖွဲ့ တွေ တစ်ဖွဲ့ ကို လူ ၇ ဦးကနေ ၁၀ ဦး ကြား လစဉ်အင်အားပေးပို့ဖို့ ဇန်နဝါရီလ ၁၈ ရက်က သူရဲ့ တယ်လီဂရမ် ချန်နယ်ကနေ အသိပေးပြောဆိုတာရှိပါတယ်။
ပျုစောထီးတွေဟာ မန္တလေးမှာ စစ်ကောင်စီတပ်နဲ့ ပေါင်းပြီး ဧည့်စာရင်းစစ်တာ ၊ လမ်းသွားလမ်းလာ ပြည်သူတွေကို စစ်ဆေးတာ အပြင် ငွေညှစ်တာကိုပါ ပြုလုပ်လာတာရှိတယ်လို့မြို့ခံအချို့က ပြောပြပါတယ်။
