တောင်သာ ဗုံးကြဲမှု ဗိုလ်မှူးကြီးဟောင်း နဲ့ စစ်​ကောင်စီညွှန်ချုပ်ပိုင် စျေးဆိုင် မီးလောင် ၊စစ်တပ်က ပစ္စည်းများလာသယ်သွား

ရှိန်း/People’s Spring

မန္တလေးတိုင်း၊ တောင်သာမြို့နယ်မှာ ဗိုလ်မှူးကြီးဟောင်း နဲ့ ညွှန်ကြားရေးမှူးချုပ်တို့ပိုင်တဲ့ ကုန်စုံဆိုင်တစ်ဆိုင် စစ်တပ်ရဲ့လေကြောင်းတိုက်ခံခဲ့ရပြီးတဲ့နောက် စစ်တပ်ရဲ့တပ်မ(၉၉)ကပဲ ပစ္စည်းတွေလာသိမ်းသွားတယ် ဒေသခံတွေက ပြောပါတယ်။

ဖေဖော်ဝါရီ ၃ ရက် ညနေပိုင်းက တောင်သာမြို့နယ် ရုံးစည်ကြီးကျေးရွာကို စစ်တပ်က လေကြောင်းတိုက်ခိုက်ခဲ့ရာမှာ အုတ်ကျောင်းတိုက်မှ ဆရာတော်တပါးနဲ့ အမျိုးသားတစ်ဦးတို့ ဗုံးစထိမှန်ကာ ဒဏ်ရာတွေရခဲ့တယ်လို့ သိရပါတယ်။

ဒါ့အပြင် အုတ်ကျောင်းတိုက်အတွင်းက နှစ်ထပ်​ကျောင်းဆောင်တစ်ဆောင်၊ ကား၂စီး၊ မီးသတ်ရုံးအနီးက ဝေကြီးကုန်စုံဆိုင်ပေါ် ဗုံးသီးကျကာ မီးလောင်ခဲ့သလို ရွာသစ်ကျေးရွာမှ နေအိမ်နှစ်လုံးတို့ ပျက်စီးခဲ့ပါတယ်။

Public Service Announcement

ဝေကြီးကုန်စုံဆိုင်ဟာ ဗိုလ်မှူးကြီးဟောင်း ကျော်ကျော်ဦးနဲ့ သူရဲ့ ညီမဖြစ်သူ အဂတိလိုက်စားမှုတိုက်ဖျက်ရေး ညွှန်ကြားရေးမှူးချုပ် ဒေါ်ဝေဝေတို့ပိုင်ဆိုင်တာဖြစ်ပါတယ်။ ဗုံးကြဲခံရပြီး​နောက် ဖေဖော်ဝါရီ ၄ရက်မနက်ပိုင်းမှာ မိတ္ထီလာတပ်မ

(၉၉)က အင်အား ၁၀၀ လောက်နဲ့ ပစ္စည်းတွေ လာရွှေ့သွားတာလို့ တောင်သာမြို့နယ်တော်လှန်ရေးတပ်ဖွဲ့ဝင်တစ်ဦးက ပြောပါတယ်။

“ဘယ်ကိုရွေ့သွားလဲတော့ ကျွန်တော်တို့မသိရဘူးဗျ။ လေကြောင်းတိုက်ပြီးနောက်ရက် မနက်မှာ သူတို့(စကစ)လုံခြုံရေးပေးပြီး ရွှေ့ပေးသွားတယ်လို့ပဲသိရတာ”လို့ တော်လှန်ရေးတပ်ဖွဲ့ဝင်တဦးက ဆိုပါတယ်။

စစ်တပ်က တောင်သာမြို့နယ်ကို မကြာခဏလေကြောင်းတိုက်ခိုက်မှုပြုလုပ်နေပြီး ပြီးခဲ့တဲ့ရက်ပိုင်းကပဲ တောင်သာပကဖရဲ့သင်တန်းဆင်းပွဲသတင်းပေါက်ပြီး လေကြောင်းတိုက်ခိုက်ခံခဲ့ရကာ ပြည်သူတစ်ဦးသေဆုံးခဲ့ပါတယ်။