ထိုင်းနိုင်ငံရောက်မြန်မာရွှေ့ပြောင်းလုပ်သား ၁၀၀လောက် နားခိုနေတဲ့ မဟာချိုင်နယ်မြေက AAC မဟာမိတ်ရုံးကို ပိတ်သိမ်းပေးဖို့ ထိုင်းအာဏာပိုင်တွေက လာရောက်ဖိအားပေးပြောဆိုခဲ့တယ်လို့ အဆိုပါရုံးတည်ထောင်သူ ဦးခိုင်ကြီးက ပြောပါတယ်။
အဖွဲ့စုံပါတဲ့ ထိုင်းအာဏာပိုင်တွေဟာ AAC မဟာမိတ်ရုံး ပိတ်သိမ်းပေးဖို့ ဖေဖော်ဝါရီ ၁၈ရက်က လာရောက်ပြောဆိုခဲ့တာလို့ ဦးခိုင်ကြီးက ပြောပါတယ်။
ဖေဖော်ဝါရီ ၁၈ရက်က AAC ရုံးအား ထိုင်းအာဏာပိုင်တွေ လာရောက်စစ်ဆေးနေစဉ်။ ဓာတ်ပုံ – Hla Khaing 
ဖေဖော်ဝါရီ ၁၈ရက်က AAC ရုံးအား ထိုင်းအာဏာပိုင်တွေ လာရောက်စစ်ဆေးနေစဉ်။ ဓာတ်ပုံ – Hla Khaing 
ဖေဖော်ဝါရီ ၁၈ရက်က AAC ရုံးအား ထိုင်းအာဏာပိုင်တွေ လာရောက်စစ်ဆေးနေစဉ်။ ဓာတ်ပုံ – Hla Khaing 
ဖေဖော်ဝါရီ ၁၈ရက်က AAC ရုံးအား ထိုင်းအာဏာပိုင်တွေ လာရောက်စစ်ဆေးနေစဉ်။ ဓာတ်ပုံ – Hla Khaing
AAC မဟာမိတ်ရုံးဟာ ထိုင်းရောက်မြန်မာလုပ်သားတွေအရေး လိုက်လံကူညီဖြေရှင်းပေးနေတဲ့ အဖွဲ့အစည်းဖြစ်ပါတယ်။
Public Service Announcement
အခုအကြိမ်နဲ့ဆို ထိုင်းအာဏာပိုင်တွေက သုံးကြိမ်မြောက်လာရောက်ပိတ်သိမ်းခိုင်းတာလို့ ဦးခိုင်ကြီးက ပြောပါတယ်။
” အရင်ကလည်း နှစ်ကြိမ်လာပိတ်ပေးဖို့ လုပ်ဘူးတယ်။ ဒီရုံးမှာ လူတွေအများကြီး စုဝေးနေတယ်ပေါ့။ ခွင့်ပြုချက်မရှိဘဲ ဆောက်ထားတယ်ပေါ့။ အထက်က ပိတ်ခိုင်းလို့ လာပြောတာလို့ ပြောတာပဲ” လို့ ဦးခိုင်ကြီးက ပြောပါတယ်။
လက်ရှိ AAC မဟာမိတ်ရုံးမှာ အလုပ်မရှိတဲ့ လုပ်သားတွေနဲ့ လုပ်ငန်းငန်းခွင်တွေမှာ ထိခိုက်ဒဏ်ရာရလို့ အလုပ်နားထားရတဲ့ မြန်မာလုပ်သား ၁၀၀လောက်ရှိနေတယ်လို့ ဦးခိုင်ကြီးက ပြောပါတယ်။
“ အခု ဒီလုပ်သားတွေက ဘယ်မှာ သွားနေမလဲ။ ဒီရုံးက ထိုင်းမှာရှိတဲ့ မြန်မာလုပ်သားတွေစုပေါင်းဆောက်ထားတဲ့ ရုံး။ ကျနော်တစ်ယောက်တည်းလည်း ပိုင်တာမဟုတ်ဘူး။ ကျနော်က ဖျက်သိမ်းလို့ မရဘူး။ ထိုင်းအာဏာပိုင်တွေက ဖျက်သိမ်းရင် ကျနော်က ဘာမှမဖြစ်ဘူး။ အခုက ရုံးကဖျက်ဆီးမသွားဘူး။ ပိတ်ပေးပါလို့ပဲ ပြောသွားတာ” လို့ ဦးခိုင်ကြီးက ပြောပါတယ်။
ရုံးမှာနားခိုနေတဲ့ လုပ်သား ၁၀၀လောက်ဟာလည်း အထောက်အထားအစုံအလင်ရှိတဲ့အတွက် ဖမ်းဆီးခံရတာမျိုးမရှိဘူးလို့ ဆိုပါတယ်။
ဒါပေမယ့် ပန်းရောင်ကတ်သမားတွေဟာ အလုပ်နေရာနဲ့ နေထိုင်နေတဲ့နေရာ မတူတာကြောင့် လုပ်သား ၃၀လောက်ရဲ့ စာအုပ်တွေကိုတော့ သိမ်းသွားတယ်လို့ ပြောပါတယ်။
AAC မဟာမိတ်တည်ထောင်သူ ဦးခိုင်ကြီးကိုလည်း ခွင့်ပြုချက်မရှိဘဲ ရုံးအဆောက်အဦးတည်ဆောက်တာနဲ့ ခွင့်ပြုချက်မရှိဘဲ အလုပ်သမားအရေးကူညီဆောင်ရွက်တာကြောင့် အမှုဖွင့်ခံထားရတယ်လို့ သူက ပြောပါတယ်။
” ကျနော်ကြောက်တာက မြန်မာလုပ်သားတွေ ဆက်ပြီးကူညီလို့ မရမှာအကြောက်ဆုံးပဲ” လို့ ဦးခိုင်ကြီးက ပြောပါတယ်။
မဟာချိုင်နယ်မြေက မြန်မာလုပ်သားတွေအပါအဝင် ထိုင်းရောက်မြန်မာလုပ်သားတွေ လုပ်ငန်းခွင်ပြဿနာဖြစ်ပွားရင် AAC မဟာမိတ်အဖွဲ့အပါအဝင် မြန်မာလူမှူကူညီရေးအဖွဲ့တွေက လိုက်လံဖြေရှင်းပေးနေရပါတယ်။
AACမဟာမိတ်ရုံးဖွင့်ပွဲကို ၂၀၁၇ နိုဝင်ဘာ ၂၆ ရက်က ပြုလုပ်ခဲ့တာဖြစ်ပါတယ်။
