ရှမ်းပြည်နယ်မြောက်ပိုင်း၊ သီပေါမြို့နယ်တွင် ယနေ့(ဖေဖော်ဝါရီ ၂၁ရက်) နံနက် ၈နာရီခန့်က ပေါက်ကွဲမှုဖြစ်ပြီး ဒေသခံနှစ်ဦးသေဆုံးကာ တစ်ဦးဒဏ်ရာရခဲ့ကြောင်း သတင်းရရှိသည်။
သီပေါမြို့နယ်၊ကုံးစုံကျေးရွာရှိ အိမ်တစ်လုံးအတွင်း ပေါက်ကွဲမှုဖြစ်ပွားခြင်းဖြစ်သည်။
အဆိုပါ နေအိမ်မှအမျိုးသမီးတစ်ဦး၊ အမျိုးသားတစ်ဦး သေဆုံးပြီး နောက်ထပ်အမျိုးသားတစ်ဦး ဒဏ်ရာရခဲ့သည်ဟု ဒေသခံတစ်ဦးက ပြောသည်။
Public Service Announcement
ပေါက်ကွဲမှုဖြစ်စဉ်ကို အတိအကျမသိရသေးပေ။
ကုံးစုံကျေးရွာသည် မြေမြုပ်မိုင်းနှင့် စစ်ကျန်လက်နက်ခဲယမ်းများ မကြာခဏပေါက်ကွဲသည့် ကျေးရွာဖြစ်သည်။
သီပေါမြို့ကို ၁၀၂၇ စစ်ဆင်ရေးကာလ ၂၀၂၄ အောက်တိုဘာ ၁၂ ရက်တွင် တအာင်းအမျိုးသားလွတ်လပ်ရေးတပ်မတော်(TNLA)က တိုက်ခိုက်သိမ်းပိုက်ထားခြင်းဖြစ်သည်။
