ဟန်နွေ/People’s Spring
ချင်းပြည်နယ်၊ တီးတိန်မြို့အခြေစိုက် ခလရ (၂၆၉)တပ်ရင်းမှ စစ်ကောင်စီတပ်သား တစ်ဦး ခဲယမ်းများ ယူလာပြီး အလင်းဝင်လာကြောင်း ချင်းဒေသကာကွယ်ရေးတပ်ဖွဲ့တစ်ခုဖြစ်သော PDF ဇိုလဲန်းက ယနေ့(မတ်လ ၃ရက်)သတင်းထုတ်ပြန်သည်။
ခလရ(၂၆၉)တပ်ရင်းမှ တပ်သားမင်းမင်းသည် ဖေဖော်ဝါရီ ၂၅ရက်တွင် အလင်းဝင်လာခြင်းဖြစ်ကြောင်း ဖော်ပြသည်။
အလင်းဝင်ရောက်မှု အခြေအနေအသေးစိတ် ဖော်ပြမထားသော်လည်း ပါလာသည့် ကျည်၊ ခဲယမ်းများ မှတ်တမ်းဓာတ်ပုံနှင့် အလင်းဝင်လာသည့် တပ်သားအား ဆုငွေပေးအပ်မှု မှတ်တမ်းဓာတ်ပုံတို့အား ဖော်ပြသည်။
Public Service Announcement
အလင်းဝင်လာသည့် စစ်ကောင်စီတပ်သားသည် လက်ပစ်ဗုံး၊ ကျည်ဘောက်၊ ကျည်များ၊ ၄၀ မမ ဗုံးသီး အလုံး၃၀နီးပါး ယူဆောင်လာသည်ကို ဓာတ်ပုံမှတ်တမ်း၌ တွေ့ရသည်။
“မိမိအသက်ကိုနှမြောရင် အချိန်မရွေး ပြည်သူ့ကာကွယ်ရေးတပ်မှာ အလင်းဝင်လာနိုင်ပါတယ်။ တီးတိန်မြို့သိမ်းစစ်ဆင်ရေး မစတင်ခင် အချိန်ရပါသေးတယ်။”ဟု ZFU/PDF ဇိုလဲန်း အတွင်းရေးမှူး ကိုရောဘတ်က လက်ကျန် စစ်ကောင်စီ တပ်သားများအား သတိပေး တိုက်တွန်းသည်။
PDF ဇိုလဲန်းသည် ချင်းညီနောင်အဖွဲ့ဝင် ကာကွယ်ရေးတပ်ဖြစ်ပြီး တီးတိန်မြို့သိမ်းတိုက်ပွဲ ဆင်နွှဲရန် ပြင်ဆင်ထားကြောင်း မကြာသေးမီက အသိပေးထားသည်။
