မတ် -၂၉၊၂၀၂၅/People’s Spring
မန္တလေးတိုင်းမှာ ငလျင်ကြောင့် သေဆုံးသူဦးရေ ၆၉၄ ဦး ရှိပြီး ဒဏ်ရာရရှိသူ ဦးရေ ၁၆၇၀ ဦးရှိနေတယ်လို့ အာဏာသိမ်း မြန်မာစစ်ကောင်စီ က မတ်လ ၂၈ ရက်က ထုတ်ပြန်ပါတယ်။
ပျောက်ဆုံးနေသူဦးရေဟာလည်း ၆၈ ဦးရှိပြီး အသေးစိတ်စာရင်းကို ဆက်လက်ကောက်ယူနေတယ်လို့ စစ်ကောင်စီ ကဖော်ပြပါတယ်။
ငလျင်ကြောင့် မန္တလေးမြို့ တစ်ခုလုံးနီးပါး အဆောက်အဦးတွေ ပြိုကျပျက်စီးသွားပြီး အပျက်အစီးတွေကြား ပိတ်မိနေသူတွေ အများအပြားရှိနေပါတယ်။
Public Service Announcement
ပိတ်မိနေသူတွေကို အသက်ကယ်ဆယ်နိုင်ဖို့ ရှာဖွေကယ်ဆယ်ရေးလုပ်ငန်း တွေ အပူတပြင်းလုပ်ဆောင်ဖို့ လိုအပ်နေတာပါ။
မန္တလေးမြို့ခံတွေရဲ့ပြောပြချက်အရ ရှာဖွေကယ်ဆယ်ရေး အချို့သာရှိပြီး အင်အား ၊ ပစ္စည်းကိရိယာ ၊နည်းပညာ လုံလောက်မှု မရှိဘူးလို့ သိရပါတယ်။
မန္တလေးမှာ ထိခိုက် ဒဏ်ရာရသူ ၊သေဆုံးသူအလွန်အမင်းများပြားတာကြောင့် မန္တလေးဆေးရုံကြီး ရှေ့ အပြင်ဘက် လမ်းပေါ်မှာတင် ဒဏ်ရာရသူတွေ ဆေးကုသမှု ခံယူဖို့ ပြည့်နှက်နေတယ်လို့ မြို့ခံတွေဆီက သိရပါတယ်။
