ဧပြီ -၁ ၊ ၂၀၂၅/People’s Spring
ငလျင်ကြောင့် လူ ၂၀၀ ဝန်းကျင် သေဆုံးခဲ့ရတဲ့ မန္တလေးတိုင်း ၊ အမရပူရမြို့နယ် ထဲက ဗုံးအိုးရွာမှာ အသက်ရှင်ကျန်ရစ်သူတွေအတွက် နေထိုင်စားသောက်ရေး အကူအညီ လိုအပ်နေတယ်လို့ ဒေသခံတွေဆီကသိရပါတယ်။
မတ်လ ၂၈ ရက်မွန်းလွဲပိုင်း ၁၂ နာရီ ၅၀ မိနစ်ဝန်းကျင်က လှုပ်ခတ်ခဲ့တဲ့ငလျင်ကြောင့် ဗုံးအိုးရွာက ဗလီ တွေ ထိခိုက်ပျက်စီးပြီး လူသေဆုံးမှုဖြစ်ခဲ့တာပါ။
အဲဒီနေ့က သောကြာနေ့ဖြစ်သလို အစ္စလာမ်ဘာသာဝင်တွေ ဝတ်ပြုချိန် လည်းဖြစ်ပြီး ငလျင်ကြောင့် ထိခိုက်သေဆုံးသူများပြားခဲ့တာပါ။ ရွာခံ ရဲ့ပြောပြချက်အရ ဗလီ လေးလုံး လုံးဝနီးပါးပြိုကျခဲ့တာလို့သိရပါတယ်။
Public Service Announcement
“ ရွာအလယ်ပိုင်းက ဗလီတစ်ခုတည်းတင် ၁၀၀ကျော်လောက်ဆုံးသွားတယ် ”လို့ ဗုံးအိုး ရွာခံ အမျိုးသမီးကပြောပါတယ်။
ရွာထဲ က နေအိမ်အများစုလည်းပျက်စီးသွားတဲ့အတွက် ရွာအပြင်ဘက်ကွင်းပြင််မှာ မိုးကာတဲထိုးပြီး နေထိုင်ကြရပါတယ်။
“ ဖြစ်သလို မိုးကာတဲနဲ့ပဲနေပူထဲနေကြတယ်၊ ရွာအနေနဲ့ ကိုယ်ထူကိုယ်ထပဲလုပ်နေရတယ်၊ ကူညီတဲ့သူတွေလာပေမယ့် လိုအပ်ချက်တွေအများကြီးပါ”လို့ ကူညီကယ်ဆယ်ရေးမှာပါဝင်သူတစ်ဦးကပြောပါတယ်။
ဗုံးအိုးကျေးရွာဟာ အမရပူရမြို့နယ် ၊ ၊ စစ်ကိုင်း-မန္တလေး ကားလမ်းနဲ့ သုံး မိုင်ခန့် သာ ဝေးပြီး အစ္စလာမ်ဘာသာဝင်အများစုနေထိုင်တဲ့ကျေးရွာဖြစ်ပါတယ်။
