ဧပြီ ၄၊၂၀၂၅။စိုင်းနန်/People’s Spring
ရှမ်းပြည်နယ်မြောက်ပိုင်း၊ ကွတ်ခိုင်မြို့တွင် ယနေ့(ဧပြီလ ၄ရက်) နေ့လယ်ပိုင်းက နေအိမ် နှစ်လုံးမီးလောင်ခဲ့ပြီး တစ်နာရီခွဲနီးပါး မီးငြှိမ်းသတ်ခဲ့ရသည်။
ကွတ်ခိုင်မြို့၊ရပ်ကွက်(၅) ရှမ်းဘုန်းကြီးကျောင်းလမ်းရှိ နေအိမ်တစ်လုံး၌ နံနက် ၁၁နာရီခွဲခန့်က မီးစလောင်ခဲ့ပြီး နေ့လည် ၁နာရီခန့်တွင် မီးငြှိမ်းသတ်နိုင်ခဲ့သည်။
” ဆိုလာကလိုလို ဂက်စ်အိုးကလိုလို စပြီးလောင်တာ။ နှစ်အိမ်ကုန်သွားတာ ဟုတ်တယ်။ ဒုက္ခရောက်တယ်အရမ်း” ဟု ဒေသခံတစ်ဦးက ပြောသည်။
Public Service Announcement
အဆိုပါ မီးလောင်မှုကို တအာင်းတပ်မတော်(TNLA)ကလည်း ထုတ်ပြန်ထားသည်။ ယမန်နေ့ကလည်း ရှမ်းပြည်နယ်တောင်ပိုင်း၊ အင်းလေးတွင် တောမီးမှတဆင့်မီးကူးစက်ပြီး ခရိုနီဦးတေဇပိုင် Myanmar Treasure Hotel မီးလောင်ကျွမ်းခဲ့သည်။
ဧပြီ ၁ရက်ကလည်း ရှမ်းပြည်နယ်တောင်ပိုင်း၊ ပင်လုံမြို့ဈေးအနီး နေအိမ်မီးလောင်မှုအတွင်း လူ၃ဦး သေဆုံးခဲ့သည်။
