မန္တလေးမှာလှုပ်ခဲ့တဲ့​နောက်ဆက်တွဲ ငလျင်ကြောင့်ပြိုလက်စ အဆောက်အအုံတချို့ထပ်မံပြိုကျ

Scorpio/People’s Spring

မန္တလေးမှာ ဒီကနေ့ မြန်မာနှစ်ဆန်းတရက်နေ့ နေ့လယ်ပိုင်းမှာ လှုပ်ခတ်ခဲ့တဲ့ငလျင်ကြောင့်ပြိုလက်စ အဆောက်အအုံတချို့ ထပ်မံပြိုကျခဲ့တယ်လို့ မြို့ခံအချို့က ပြောပါတယ်။

ဒီကနေ့ ဧပြီ ၁၇ ရက် မြန်မာနှစ်ဆန်းတရက်နေ့ နေ့လယ် ၁ နာရီ ၃ မိနစ်ခန့်ကမန္တလေးပုသိမ်ကြီးမြို့နယ်မှာ ဗဟိုပြုလှုပ်ခတ်ခဲ့တဲ့ ၄.၅ ရစ်ချတာစကေးရှိတဲ့ အင်အားအနည်းငယ်ရှိတဲ့ ငလျင်ကြောင့် မန္တလေးမြို့ထဲက ငလျင်ဒဏ်ခံထားရတဲ့ မစိုးရိမ်တိုက်မကြီးရဲ့ အစိတ်အပိုင်းတချို့ ပြိုကျခဲ့တယ်လို့ သိရပါတယ်။

“အသံတဒုန်းဒုန်းပါမြည်တယ်။ အကုန်အိမ်ထဲကနေထွက်ပြေးရတာ။ငလျင်ရှောင်ပြီးဒီနေ့မှ အိမ်ပြန်ရောက်တာ။ ဘယ်လိုဆက်လုပ်ရမှန်း မသိတော့ဘူး။”လို့ မန္တလေးမြို့ခံတဦးက ပြောပါတယ်။

Public Service Announcement

ဒီကနေ့လှုပ်ခတ်တဲ့နောက်ဆက်တွဲငလျင်ဟာ အနည်းငယ်ကြမ်းခဲ့တာကြောင့်နယ်မြေခံမီးသတ်တွေ လှည့်ကြည့်နေကြတယ်လို့ မီးသတ်အရာရှိတဦးက လူမှုကွန်ရက်ကနေ အသိပေးထားပါတယ်။

ပြီးခဲ့တဲ့ ရက်ပိုင်းအတွင်းကလည်းမိုးသည်းထန်စွာ ရွာသွန်းလို့ ငလျင်ဒဏ်ကြောင့် ယိုင်နေတဲ့တိုက်တချို့လည်း ပြိုလဲခဲ့ပါသေးတယ်။

မတ်လ ၂၈ ရက်​နေ့ကပြင်းအား ၇ ဒသမ ၇ရှိတဲ့ စစ်ကိုင်းငလျင်ကြီး​​လှုပ်ခတ်ပြီး ​နောက်ဆက်တွဲ​မြေငလျင်​တွေဟာ ဧပြီလတတိယပါတ်အထိမကြာခဏလှုပ်ခတ်​နေတာဖြစ်ပါတယ်။ဒါ​ကြောင့် မန္တ​လေးမြို့​နေ ငလျင်သင့်ပြည်သူ​တွေဟာလည်း ​ကောင်း​စွာမအိပ်နိုင် ၊မ​နေနိုင် နဲ့ စိုးတထိတ်ထိတ်နဲ့​နေကြရတာလို့ ​ဒေသခံ​တွေက​ပြောပါတယ်။