“နယ်ကျော်တာ၄နေရာလောက်ရှိတယ်။ ၁ နေရာက စကစစိုးမိုးတဲ့ တမူး-မိုးရေးမြို့ကြားမှာ။ ၃ နေရာက ကျနော်တို့တော်လှန်ရေးအဖွဲ့စိုးမိုးတဲ့နေရာပါ။ ကျတော်တို့တားပေမယ့် ဆက်လုပ်နေတာရှ်ိနေတယ်။ ဒါကို ကျတော်တို့ထပ်တားမြစ်ထားပါတယ်” -PDF တစ်ဦး
မေ-၈၊၂၀၂၅။ကဖေး/People’s Spring
အိန္ဒိယက မြန်မာနိုင်ငံပိုင်နက်အတွင်းဝင်၍ ခြံစည်းရိုးကာရံနေမှုကို တမူးမြို့မှ ပြည်သူ့ကာကွယ်ရေးတပ်များက ကန့်ကွက်တားမြစ်ထားသော်လည်း ဆက်ကာနေသည့် အိန္ဒိယအစိုးရ၏ လုပ်ရပ်အပေါ် တမူးဒေသခံများနှင့် တော်လှန်ရေးအင်းအားစုများက ပြစ်တင်ရှုတ်ချနေသည်။
အိန္ဒိယနိုင်ငံ၊မဏိပူရပြည်နယ် နှင့် တမူးမြို့နယ်ကြားနယ်စပ်ခြံစည်းရိုးကို ၂၀၂၂ခုနှစ် ဇွန်လမှစတင်ပြီး အိန္ဒိယနိုင်ငံဘက်မှခြံစည်းရိုးကာခဲ့ခြင်းဖြစ်ပြီး ယခုအခါတမူးမြို့အနီး ရောက်ရှိလာခြင်းဖြစ်သည်။
Public Service Announcement
“နယ်ကျော်တာ ၄ နေရာလောက်ရှိတယ်။ ၁ နေရာက စကစ စိုးမိုးတဲ့တမူး မိုးရေးမြို့ကြားမှာ။ ၃ နေရာက ကျနော်တို့တော်လှန်ရေးအဖွဲ့စိုးမိုးတဲ့နေရာပါ။ ကျတော်တို့တားပေမယ့် ဆက်လုပ်နေတာရှ်ိနေတယ်။ ဒါကို ကျတော်တို့ထပ်တားမြစ်ထားပါတယ်”ဟုတမူးမြို့နယ်မှကာကွယ်ရေးရဲဘော် တဦးကပြောသည်။
အိန္ဒ်ိယသည်ပြီးခဲ့သည့်ဧပြီလကတမူးမြို့အနောက်ဘက်ရှိ နယ်စပ် မှတ်တိုင် ၅၉-၆၀ကြား နှင့်မှတ်တိုင် ၇၅-၇၆ကြားတွင်မြန်မာဘက်ခြမ်းသို့ ပေ ၆၀၀ ခန့် ကျူးကျော်ပြီးခြံစည်းရိုးခတ်နေသောကြောင့် တမူးခရိုင်အမှတ်(၁)တပ်ရင်းကသွားရောက်တားမြစ်ခဲ့သည်။
ထိုသို့တားမြစ်ပြီးနောက် အဆိုပါနေရာတွင် ယာယီရပ်တန့်ထားသော်လည်းမှတ်တိုင်၈၂-၈၃ ကြား၌ မြန်မာဘက်သို့ဝင်ကာ ဆက်ကာနေ၍တမူးခရိုင်အမှတ်(၃) တပ်ရင်းက ထပ်မံတားမြစ်ထားသည်။
မြို့ပေါ်ကို ထိန်းချုပ်ထားသည့် စစ်ကောင်စီဌာနဆိုင်ရာများကလည်း ကန့်ကွက်ထားကြောင်းသိရသည်။သို့သော်စစ်ကောင်စီကမူသတင်းမထုတ်ပြန်ဘဲ နှုတ်ဆိတ်နေသည်ကိုတွေ့ရသည်။ တမူးမြို့နယ်တွင် မြို့ပေါ်ကိုသာ စစ်ကောင်စီက ထိန်းချုပ်ထားနိုင်ပြီး တစ်မြို့နယ်လုံး၏ ၈၀ရာခိုင်နှုန်းကို တော်လှန်ရေးတပ်များက ထိန်းချုပ်ထားခြင်းဖြစ်သည်။
စစ်အာဏာရှင်တော်လှန်ရေးတိုက်ပွဲများဖြစ်နေချိန် အိန္ဒ်ိယက ယခုကဲ့သို့ ခြံစည်းရိုးကာနေမှုကို တမူးဒေသခံများကလည်း ကန့်ကွက်နေသည်။
“အငြင်းပွားတဲ့ နယ်ခြားကျောက်တိုင်နေရာတွေကိုအခုလိုတော်လှန်ရေးကာလမှာညှိနှိုင်းခြင်းမရှိဘဲနယ်မြေကျူးကျော်ခြံစည်းရိုးကာရံခြင်းကိုလက်မခံပါဘူး။ကန့်ကွက်ရှုတ်ချပါတယ်” ဟုတမူးဒေသခံတစ်ဦးကပြောသည်။
မြန်မာဘက်မှတော်လှန်ရေးအင်အားစုများ၏ တားမြစ်မှုနှင့်ပတ်သက်၍ တရားဝင်ပြောရေးဆိုခွင့်ရှိသူနှင့် ဆွေးနွေးလိုကြောင်းအိန္ဒိယဘက်မှတုန့်ပြန်ထားသည်ဟု သတင်းရရှ်ိသည်။ ထိုအခြေအနေအတွက် အမျိုးသားညီညွတ်ရေးအစိုးရက ကြိုတင်ပြင်ဆင်နေပြီး မကြာမီ တရားဝင်တောင်းဆိုမည်ဖြစ်ဟုစုံစမ်းသိရသည်။
“NUGဘက်ကအထောက်အထားပြည့်ပြည့်စုံစုံနဲ့ဆွေးနွေးပါလိမ့်မယ်”ဟု စစ်ကိုင်းတိုင်းမှ ပြည်သူ့အုပ်ချုပ်ရေးအဖွဲ့ဝင်တစ်ဦးကပြောသည်။
မြန်မာနိုင်ငံတွင်စစ်တပ်ကအာဏာသိမ်းပြီးနောက် အိန္ဒိယနိုင်ငံ၏ပြည်တွင်းလုံခြုံရေးစ်ိန်ခေါ်ချက်နှင့်မူးယစ်ဆေးဝါးပြဿနာပိုမိုကြီးမားလာခြင်တရားမဝင်ရွှေ့ပြောင်းလာသူများကိုထိန်းချုပ်နိုင် ရေးအတွက် နှစ်နိုင်ငံနယ်နမိတ်ကို ခြံစည်းရိုးခတ်မည်ဟု အိန္ဒိယဗဟိုအစိုးရက ၂၀၂၃ တွင်ထုတ်ဖော်ပြောကြားထားသည်။ နှစ်န်ိုင်ငံ နယ်စပ်တလျှောက် ၄၃ မိုင်ကျော်ကို ထပ်မံကာရံသွားမည်ဟု မဏိပူရပြည်နယ်ဝန်ကြီးချုပ်က ပြီးခဲ့သည့် ၂၀၂၃ ခုနှစ်တွင် ပြောကြားခဲ့သည်။
နယ်စပ်ခြံစည်းရိုးကာရံမှုသည်နှစ်နိုင်ငံအစိုးရချင်း ပူးပေါင်းလုပ်ကိုင်ရခြင်းဖြစ်ပြီး ယခုကဲ့သို့ တဖက်သတ်ကာရံနေမှုသည်နောင်တချိန်နယ်မြေပိုင်ဆိုင်မှုအငြင်းပွားနိုင်ကြောင်းတမူးဒေသခံများကပြောသည်။အိန္ဒိယ နှင့် မြန်မာနယ်စပ်တလျှောက်သည် ၁,၀၂၀မိုင်ခန့် နယ်နမိတ်ချင်းထိစပ်နေသည်။
” ဒီကိစ္စဝိုင်းအော်ပြီး တားဆီးရမယ်။ဒီချိန်ကြီးမှာ အဲ့ကိစ္စထပ်ထပ်လုပ်နေကြတာရက်စက်တယ်” ဟု တမူးဒေသခံအမျိုးသမီးတစ်ဦးက ပြောသည်။
