ကျူးလွန်နေ၍ နိုင်ငံတကာအသိုင်းအဝိုင်းကတားဆီးအရေးယူပေးရန် ဒီချုပ်တိုက်တွန်း
မေ-၁၅၊ ၂၀၂၅။ People’s Spring
စစ်ကောင်စီက အပစ်ရပ်ရေး ထုတ်ပြန်ချက်များကို ချိုးဖောက်ပြီး လူသားမျိုးနွယ်အပေါ်ကျူးလွန်သောရာဇဝတ်မှု (Crime Against Humanity)နှင့်စစ်ရာဇဝတ်မှုများ(War Crimes)ကို ဆက်တိုက်ကျူးလွန်နေ၍ ကုလသမဂ္ဂနှင့် အာဆီယံအပါအဝင် နိုင်ငံတကာအသိုင်းအဝိုင်းတို့က လူသားချင်းစာနာမှုဖြင့် တားဆီး၊ အရေးယူဆောင်ရွက်ပေးရန် အမျိုးသားဒီမိုကရေစီအဖွဲ့ချုပ် NLD က တိုက်တွန်းလိုက်သည်။
စစ်ကောင်စီက သပိတ်ကျင်း ၊ဒီပဲယင်း နှင့် ရသေ့တောင်မြို့နယ်တို့တွင် ဗုံးကြဲပြီး လူအစုလိုက်အပြုံလိုက် သတ်ဖြတ်ခဲ့ပြီးနောက် သေဆုံးသူများ၏ ကျန်ရစ်သူမိသားစုဝင်များကိုတွေ့ရစဥ်။ ဓါတ်ပုံ-Min Khint Kyaw ၊ U Ko Ko ၊ CJ စစ်ကောင်စီက သပိတ်ကျင်း ၊ဒီပဲယင်း နှင့် ရသေ့တောင်မြို့နယ်တို့တွင် ဗုံးကြဲပြီး လူအစုလိုက်အပြုံလိုက် သတ်ဖြတ်ခဲ့ပြီးနောက် သေဆုံးသူများ၏ ကျန်ရစ်သူမိသားစုဝင်များကိုတွေ့ရစဥ်။ ဓါတ်ပုံ-Min Khint Kyaw ၊ U Ko Ko ၊ CJ
စစ်ကောင်စီသည် ဧပြီ ၂ ရက်နေ့မှစတင်၍ အပစ်အခတ်ရပ်စဲကြောင်း ကြေညာခဲ့သော်လည်း ငလျင်ဘေးသင့်ဒေသများအပါအဝင် ဒေသအသီးသီးသို့ လေကြောင်းမှတိုက်ခိုက်မှုများ၊ လက်နက်ကြီးဖြင့်ပစ်ခတ်တိုက်ခိုက်မှုများ၊ မီးရှို့ဖျက်ဆီးမှုများ၊ အကျဥ်းထောင်တွင်း နိုင်ငံရေးအကျဥ်းသားများအား ညှဥ်းပမ်းနှိပ်စက်မှုများကို ဆက်တိုက်ကျူးလွန်လျက်ရှိနေကြောင်း NLD ဗဟိုအလုပ်ကော်မတီက ယနေ့ ထုတ်ပြန်သည်။
Public Service Announcement
လူ့အခွင့်အရေးမှတ်တမ်းကောက်ယူရေးအဖွဲ့၊ အမျိုးသားဒီမိုကရေစီအဖွဲ့ချုပ် (HRDT-NLD)မှ ကောက်ယူရရှိထားသောစာရင်းများအရ အပစ်ရပ်ကာလအတွင်း ဧပြီ ၃ ရက်မှ မေလ ၁၃ ရက်အထိ တိုင်းနှင့်ပြည်နယ် ၁၁ ခု သို့ လေကြောင်တိုက်ခိုက်မှု (၁၈၁) ကြိမ်ကြောင့် သေဆုံးသူ ပြည်သူ (၁၈၂) ဦး ရှိခဲ့ကြောင်း ဖော်ပြသည်။ သေဆုံးသူများထဲတွင် ၁၈ နှစ်အောက် (၃၄) ဦးနှင့် ဒါဏ်ရာရသူ (၂၉၈) ဦးတွင် ၁၈ နှစ်အောက် (၇၆) ဦး ပါဝင်ကြောင်း NLD က ဆိုသည်။
ငလျင်ဘေးသင့်ဒေသများဖြစ်သော မန္တလေးတိုင်းနှင့် စစ်ကိုင်းတိုင်းတို့မှာ တိုက်ခိုက်ခံရမှု အများဆုံးဖြစ်ခဲ့ကြောင်း NLD က ထုတ်ပြန်သည်။
ထို့အပြင် တိုင်းနှင့်ပြည်နယ် ၅ ခုသို့ လက်နက်ကြီးဖြင့်ပစ်ခတ်တိုက်ခိုက်မှုအကြိမ်ပေါင်း (၁၅)ကြိမ်တွင် သေဆုံးပြည်သူ (၁၄)ဦးနှင့် ဒါဏ်ရာရ (၄၃)ဦးရှိရာ ၁၈ နှစ်အောက် ကလေးသူငယ် (၈)ဦး ပါဝင်ကြောင်း NLD က ဖော်ပြသည်။
ကျေးရွာများသို့ စစ်ကြောင်းထိုးဝင်ရောက်ပြီး ပြည်သူတို့၏အိုးအိမ်ပိုင်ဆိုင်မှုများကို မီးရှို့ဖျက်ဆီးခြင်း၊ အကြမ်းဖက်သတ်ဖြတ်ခြင်းများကြောင့် သေဆုံးပြည်သူ (၁၆၉) ဦးရှိရာတွင် အသက် ၇ လသား ကလေးငယ်အပါအဝင် ၁၈ နှစ်အောက်သေဆုံးသူ (၃၆)ဦးရှိခဲ့ကြောင်း ဆက်လက်ဖော်ပြသည်။
