မေ ၂၂၊၂၀၂၅။ရဲခေါင်/People’s Spring
မန္တလေးတိုင်း၊ကျောက်ဆည်မြို့၊ဘောဂဝတီရပ်ကွက်ရှိ နေအိမ်တစ်လုံးမီးလောင်ရာ သားအမိလေးဦး သေဆုံးခဲ့ကြောင်း ဒေသခံအချို့က ပြောသည်။
ယနေ့(မေလ ၂၂ရက်) နံနက်စော ၂နာရီခန့်က မီးလောင်မှုအတွင်း နေအိမ်ရှိ မိသားစုဝင်လေးဦးစလုံး သေဆုံးခဲ့ခြင်းဟု ဆိုသည်။
“အသက်အရွယ်တွေကလည်း ကြီးနေတဲ့သူတွေ ။သေတဲ့သူလေးဦးစလုံးက အမျိုးသမီးချည်းပဲ”ဟု ဒေသခံတစ်ဦးက မီးလောင်မှုကြောင့်သေဆုံးခဲ့ရသူများ၏ အခြေအနေအပေါ် ပြောသည်။
Public Service Announcement
ကျောက်ဆည်မြို့မီးသတ်တပ်ဖွဲ့၏ အချက်အလက်အရ မီးလောင်မှုကို နာရီဝက်အတွင်းငြှိမ်းသတ်နိုင်ခဲ့သော်လည်း သေဆုံးသူ လေးဦးရှိခဲ့သည်ဟု ဆိုသည်။
သေဆုံးသူများတွင် အသက်(၉၃)နှစ်အရွယ် ဒေါ်တင်အောင်၊အသက်(၇၅)နှစ်အရွယ် ဒေါ်ထွေးထွေး ၊အသက်(၆၆)နှစ်အရွယ် ဒေါ်နွယ်နွယ်ဦးနှင့် အသက်(၅၈)နှစ်အရွယ် ဒေါ်ခင်သူဇာတို့ ဖြစ်သည်။
သေဆုံးရုပ်အလောင်းများကို ကျောက်ဆည်ဆေးရုံကြီးရင်ခွဲရုံကို ပို့ဆောင်ထားကြောင်းလည်း မီးသတ်က အသိပေးသည်။ သို့သော် မီးလောင်မှု ဖြစ်ပွားရသည့်အခြေအနေကိုမူ ဖော်ပြခြင်းမရှိသေးပေ။
