ဇွန်-၃၊၂၀၂၅။ယောနသံ/People’s Spring
ဖားကန်မြို့နယ်၊ မှော်စီစာကျေးရွာရှိ ကျောက်စိမ်းတူးဖော်ရေးလုပ်ကွက်တစ်ခုအတွင်း လူထိခိုက်သေဆုံးမှုများပြားသည့် ပြင်းထန်သော ပေါက်ကွဲမှုတစ်ခုဖြစ်ခဲ့ပြီး စစ်ကောင်စီက အသေခံဒရုန်းဖြင့်ဖောက်ခွဲခြင်းဟု ဒေသခံသတင်းရင်းမြစ်အချို့ကပြောသည်။
မှော်စီစာကျေးရွာတင်အောင်ကြိုင်လုပ်ကွက်အမည်ရကျောက်စိမ်းတူးဖော်ရေးလုပ်ကွက်အတွင်း ယနေ့(ဇွန်လ ၃ရက်) နေ့လယ်၁နာရီကျော်တွင် ပေါက်ကွဲမှုဖြစ်ပွားခြင်းဖြစ်သည်။
လူ၃၀ဦးထက်မနည်းထိခိုက်ခဲ့ပြီးသေဆုံးသူများလည်းရှိကြောင်း ဒေသခံသတင်းရင်းမြစ်ကပြောသည်။ သေဆုံးသူနှင့် ဒဏ်ရာရသူများကို လူမှုကူညီရဲ့အဖွဲ့များကသွားရောက်သယ်ဆောင်ခဲ့ပြီး ဆေးကုသနိုင် ရေးဆောင်ရွက်နေသည်။ထိခိုက်သေဆုံးမှုအရေအတွက်အသေးစိပ်ကိုမူမသိရသေးပေ။
Public Service Announcement
လတ်တလောရရှိထားသောသတင်းများအရ ၂ဦးသေဆုံးပြီး ဆယ်ဦးကျော် ဒဏ်ရာရရှိခဲ့သည်ဟု လူမှုကူညီရေးအသင်းတာဝန်ရှိသူတစ်ဦးကပြောသည်။
“ကုမ္ပဏီကယမ်းဂိုဒေါင်ထပေါက်ကွဲတယ်ဆိုပြီး သတင်းတွေတက်နေတယ်။တကယ်ကစစ်တပ်ကအသေခံဒရုန်းနဲ့ပစ်သွားတာပါ။ ဒါကရိုးရိုးတန်းတန်းဖြစ်စဉ်မဟုတ်ပါဘူး” ဟု ဒေသခံသတင်းရင်းမြစ်တစ်ဦးကပြောသည်။
ပေါက်ကွဲမှုဖြစ်စဉ်အသေးစိတ်ကိုမည်သူကမျှတိတိကျကျပြောနိုင်ခြင်းမရှိသေးပေ။ အလွန်ကျယ်လောင်ပြီးပြင်းထန်သည့်ပေါက်ကွဲသံကြောင့်ဒေသခံများထွက်ပြေးခဲ့ကြပြီး ကျောင်းများလည်းအရေးပေါ်ပိတ်ကာကလေးငယ်များအားမိဘများက အပြေးအလွှားသွားရောက်ခေါ်ဆောင်ခဲ့ကြသည်။
အဆိုပါကွဲမှုအကြောင်းရင်းကိုမသိရသေးဘဲစုံစမ်းစစ်ဆေးနေဆဲဖြစ်ကြောင်းကချင်လွတ်လပ်ရေးတပ်မတော်(KIA)က သတင်းပြန်ကြားရေးတာဝန်ခံ ဗိုလ်မှူးကြီးနော်ဘူက ပြောသည်။
https://www.facebook.com/LuduNwayOo/videos/683269731229058
စစ်ကောင်စီ၏ဝါဒဖြန့်ချိရေးတယ်လီဂရမ်ချန်နယ်များတွင်အထက်ပါပေါက်ကွဲမှုအပေါ် ဝမ်းသာကြောင်းရေးသားမှုများရှိနေသည်။ဖားကန့်သို့ရောက်ရှိနေသည့်စစ်ကောင်စီစစ်ကြောင်းသည်ဇွန် ၃ ရက် နံနက် ၈ နာရီ ၄၅ မိနစ်ခန့်က မှောင်စီဆာလုပ်ကွက်ရှိ ကျောက်စိမ်းကုမ္ပဏီပိုင်တစ်ခုပိုင် မြေသယ်ကား ၂ စီး၊ ဘက်ဟိုးကား ၁ စီးတို့ကိုမီးရှို့ဖျက်ဆီးခဲ့သည်။
