တော်လှန်​ရေးတပ်​တွေရဲ့ နယ်စပ်က လက်ကျန်စစ်စခန်းသိမ်းတိုက်ပွဲ​တွေကို ထိုင်းစစ်တပ်​စောင့်ကြည့်

ဇွန်-၃၊၂၀၂၅။​နေ့သစ်/People’s Spring

မြန်မာ−ထိုင်းနယ်စပ်က စစ်တပ်ရဲ့ လက်ကျန်စခန်း​တွေကို KNLA ဦး​ဆောင်တဲ့ပူး​​ပေါင်းတပ်​တွေက ထိုးစစ်ဆင်တိုက်ခိုက် ​နေချိန်မှာ ထိုင်းစစ်တပ်က နယ်စပ်လုံခြုံ​ရေးကိုမြှင့်ထားပြီး အ​ခြေအ​နေကို ​စောင့်ကြည့်​နေတယ်လို့ ထိုင်းနယ်စပ်ကလာတဲ့ သတင်း​တွေအရ သိရပါတယ် ။

KNLA ဦး​ဆောင်တဲ့ ပူး​ပေါင်းတပ်​​တွေက KNU တပ်မဟာ ၇ ၊ တပ်မဟာ ၆ ၊ တပ်မဟာ ၄ က ထိုင်းနယ်စပ်တ​​လျှောက်မှာရှိတဲ့ စစ်တပ်စခန်း​တွေကို ဧပြီလကစပြီထိုးစစ်ဆင်တိုက်ခိုက်သိမ်းပိုက်​နေတာပါ။ KNU ဌာနချုပ်ရှိတဲ့တပ်မဟာ (၇)က စခန်း​တွေကို ​မေလမှာဆက်တိုက်သိမ်းပိုက်ခဲ့ပြီး ဇွန်လမှာ တပ်မဟာ (၆)က နယ်စပ်ကစစ်စခန်း​တွေကိုဆက်တိုက်သိမ်းပိုက်ခဲ့ပါတယ်။ဒါ​ကြောင့် အခုဆိုရင် မြဝတီမြို့​တောင်ဘက်မှာ ​ဝေါ​လေဗျူဟာ၊ ဥကရစ်ထစခန်း ၊တီသဲလယ်ကာကင်းစခန်းတို့ပဲကျန်ပါ​တော့တယ် ။ကျန်​နေတဲ့ စစ်စခန်း​တွေကို ဒီရက်မှာ KNLA ၊KNDO ၊PDF စတဲ့ ပူး​ပေါင်းတပ်​​တွေက အပြီးသတ်သိမ်းပိုက်နိုင်ဖို့ ထိုးစစ်ဆင်​နေပါတယ် ။

တီသဲလယ်စစ်စခန်းကို​တော်လှန်​ရေးတပ်​တွေက ဒရုန်း​တွေအသုံးပြုတိုက်ခိုက်သလို စစ်တပ်ကလည်း လက်နက်ကြီး​တွေနဲ့ဆက်တိုက်ပစ်ခတ်​နေတယ်လို့ ထိုင်းနယ်စပ်က ​ဒေသတွင်းသတင်းဌာနအချို့က​ဖော်ပြပါတယ် ။တိုက်ပွဲ​တွေဖြစ်ပွား​နေစဥ်မှာ ​ဒေသခံပြည်သူ ၃ ဦးဒဏ်ရာရတဲ့အတွက် ထိုင်းနယ်စပ်ဘက်ခြမ်းကူလာပြီး​ဆေးကုသမှုခံယူတာကိုကူညီကုသ​ပေး​နေတယ်လို့ ထိုင်းနယ်စပ်သတင်း​တွေကို​ဖော်ပြ​ပေးတဲ့ AEC သတင်းဌာနက​ဖော်ပြပါတယ် ။

Public Service Announcement

ဒါအပြင် တိုက်ပွဲဖြစ်ပွား​နေတဲ့​နေရာအနီးက​ ဒေသခံပြည်သူ​တွေထိုင်းဘက်ခြမ်းကိုထွက်​ပြေးတိမ်း​ရှောင်တဲ့အတွက် ထိုင်းလုံခြုံ​ရေးတပ်ဖွဲ့ဝင်​တွေက ကူညီ​နေရာချထား​ပေး​နေကြတာကိုလည်း သတင်းဓါတ်ပုံ​တွေမှာ​တွေ့ရပါတယ် ။ နယ်စပ်လုံခြုံ​ရေးကို ၂၄ နာရီ ​စောင့်ကြည့်တာဝန်ထမ်း​ဆောင်​နေတယ်လို့ထိုင်းလုံခြုံ​ရေးအဖွဲ့​တွေကထုတ်ပြန်ထားပါတယ် ။

တော်လှန်းရေးတပ်ဖွဲ့တွေဟာ ဥကရစ်ထတပ်စခန်းကို ပြီးခဲ့တဲ့ ဇွန်လ ၁၁ရက်က စတင်ပိတ်ဆို့ထားပြီး ရက်ပေါင်း ၂၀ကျော်အကြာမှာ စတင်တိုက်ခိုက်ခဲ့တာဖြစ်ပါတယ်။ဒါ့အပြင် တော်လှန်ရေးတပ်ဖွဲ့တွေဟာ အဲဒီနယ်စပ်တကြောက ဝေါ်လေဗျူဟာကုန်းတပ်စခန်းကိုလည်း တပြိုင်းတည်း ထိုးစစ်ဆင်တိုက်ခိုက်နေပါတယ်။