ဇူလိုင်-၂၈၊၂၀၂၅။တေဇ/ People’s Spring
စစ်ဘေးရှောင်များရန်ပုံငွေအတွက် တောင်ကိုရီးယားနိုင်ငံမှာ LGBTQ+ တွေ ပထမဆုံးအကြိမ်ပြုလုပ်တဲ့ဖျော်ဖြေပွဲကနေ ကျပ်သိန်း၉၀၀ ခန့်ရရှိခဲ့တယ်လို့ဗမာပြည်သူ့လွတ်မြောက်ရေး ထောက်ပံ့သူများ-ကိုရီးယား(BPLS-Korea)က ထုတ်ပြန်ပါတယ်။
ဒီဖျော်ဖြေပွဲကို ဇူလိုင် ၂၆ ရက်က ဘူဖြောင်းမြို့မှာရှိတဲ့ Rainbow Myanmar စားသောက်ဆိုင်မှာ ပြုလုပ်ခဲ့တာဖြစ်ပြီး ဖျော်ဖြေပွဲကရရှိလာတဲ့ ရန်ပုံငွေတွေကို စစ်ဘေးရှောင်ပြည်သူတွေအတွက် စားဝတ်နေရေး ၊ ကျန်းမာရေးနဲ့ပညာရေး အတွက် ထောက်ပံ့ကူညီမှုတွေပြုလုပ်သွားမယ်လို့ BPLS-Korea က အသိပေးပါတယ်။
စစ်ဘေးရှောင်တွေအတွက်တောင်ကိုရီးယားမှာ LGBTQ+ တွေရဲ့ပထမဆုံးအကြိမ်ဖျော်ဖြေပွဲပြုလုပ်နေစဥ်။ ။ဓါတ်ပုံ-ပေးပို့ စစ်ဘေးရှောင်တွေအတွက်တောင်ကိုရီးယားမှာ LGBTQ+ တွေရဲ့ပထမဆုံးအကြိမ်ဖျော်ဖြေပွဲပြုလုပ်နေစဥ်။ ။ဓါတ်ပုံ-ပေးပို့ စစ်ဘေးရှောင်တွေအတွက်တောင်ကိုရီးယားမှာ LGBTQ+ တွေရဲ့ပထမဆုံးအကြိမ်ဖျော်ဖြေပွဲပြုလုပ်နေစဥ်။ ။ဓါတ်ပုံ-ပေးပို့ စစ်ဘေးရှောင်တွေအတွက်တောင်ကိုရီးယားမှာ LGBTQ+ တွေရဲ့ပထမဆုံးအကြိမ်ဖျော်ဖြေပွဲပြုလုပ်နေစဥ်။ ။ဓါတ်ပုံ-ပေးပို့
“စစ်အာဏာရှင်စနစ်ဆိုးကြောင့် ဘေးဒုက္ခအမျိုးမျိုးကျရောက်နေရသော စစ်ဘေးရှောင်ပြည်သူများအတွက် စားဝတ်နေရေး၊ ကျန်းမာရေး၊ ပညာရေးစသည့် ကဏ္ဍအသီးသီးရှိ အခက်ခဲများစွာ ကြုံတွေ့နေရခြင်းကို LGBTQ+ တို့၏ ပါဝင်မှုအင်အားတို့ဖြင့် အထောက်အကူပြုနိုင်ရန် ရည်ရွယ်ပါသည်။ စစ်ဘေးသင့်ပြည်သူများ၏ အခက်အခဲများကို တဖက်တလမ်းမှ ကူညီပေးနိုင်ရန် ရည်ရွယ်ပါသည်။” လို့ထုတ်ပြန်ထားပါတယ်။
Public Service Announcement
ဖျော်ဖြေပွဲကို BPLS-Korea ၊ Against the Fear (ကြောက်ခေတ်ကိုမှောက်ပစ်အဖွဲ့)၊ ဆန်အလှူ ဆေးအကူ ခရီး တို့ကပူးပေါင်းလုပ်ခဲ့တာဖြစ်ပြီး ငွေစာရင်းရှင်းတမ်းတွေကို သူတို့ရဲ့ ပေ့ခ်ျ တွေကနေ ကြေညာပေးသွားမယ်လို့ ဖော်ပြထားပါတယ်။ဦးဆောင်ကျင်းပတဲ့ အဖွဲ့ သုံးခုကဦးဆောင်သူတွေတိုင်ပင်ပြီး နေရာဒေသ အသီးသီးကစစ်ဘေးရှောင်တွေကိုမျှဝေထောက်ပံ့ဖို့ ရည်ရွယ်ထားတယ်လို့BPLS အဖွဲ့ရဲ့ ပူးတွဲဥက္ကဌ ဦးကျော်ဆန်ကပြောပါတယ် ။
ကျွန်တော်တို့ရဲ့စည်းလုံးညီညွတ်မှုဟာကျွန်တော်တို့ရဲ့အသံကို ပိုမိုကျယ်လောင်စေမှာ ဖြစ်ပြီး လွတ်လပ်ပြီးတရားမျှတသောနိုင်ငံတော်သစ်ဆီသို့ ခြေလှမ်းတလှမ်းပိုနီးကပ်စေမှာဖြစ်ပါတယ်၊ချစ်ခြင်းနဲ့တန်းတူညီမျှအတွက်-အတူတကွ ရပ်တည်ကြပါစို့ လို့ BPLS-Korea က တိုက်တွန်း ထားပါတယ်။
“ပထမဆုံးပွဲကို အခုလိုအောင်မြင်တော့ ဝမ်းသာပီတိဖြစ်ရပါတယ်။ အဓိက ကျွန်တော်တို့တွေက အာဏာရှင်စနစ်ဆိုးကိုအမြစ်ဖြတ်နေရင်းနဲ့အသားအရောင်၊လူမျိုး၊လိင်စိတ်တိမ်းညွှတ်ခံယူမှုအပေါ် ခွဲခြားဆက်ဆံမှုတွေကို လျော့နည်းအောင်ရည်ရွယ်တာဖြစ်တဲ့အတွက်တချို့သူတွေရဲ့လက်ခံနိုင်စွမ်းနဲ့ အမြင်တွေကိုလည်း ပြောင်းလဲပေးနိုင်တာတွေရှိပါတယ်။ တဖက်မှာ စနစ်ဆိုးတွခုကို ဖြိုချရင်းနဲ့ တချိန်ထဲမှာပဲတန်းတူညီမျှမှုစနစ်ကို တည်ဆောက်တဲ့ထဲကဒီပွဲကလည်းတစ်စိတ်တစ်ဒေသအထောက်အကူဖြစ်စေမယ့် လုပ်ငန်းစဥ်တခုလို့ ခံယူပါတယ်။ စစ်ရှောင်တွေအတွက်လည်း မျှော်မှန်းထားတာထက်ပိုပြီး အထောက်အကူဖြစ်ရတဲ့အတွက် ပိုပြီးတော့ ဝမ်းသာပီတိဖြစ်ရပါတယ်”လို့ဦးကျော်ဆန်းကပြောပါတယ် ။
