ဇူလိုင်-၂၈၊၂၀၂၅။နေ့သစ်/People’s Spring
စစ်ကောင်စီရဲ့လုံခြုံရေးတင်းကြပ်ထားတဲ့မန္တလေးမြို့လယ်ရှိ အထင်ကရနေရာနှစ်ခုမှာ၈၈ မျိုးဆက်ကျောင်းသားခေါင်းဆောင် ကိုဂျင်မီ ပြောခဲ့တဲ့ “တရားတဲ့သူသာ နိုင်ကြေးဟေ့” စာသားတွေကို ကပ်ပြီး မြို့ပေါ်လူထုတိုက်ပွဲလှုပ်ရှားမှုပြုလုပ်ခဲ့တယ်ကိုတေဇာဆန်းကအသိပေးပါတယ် ။
ဇူလိုင် ၂၈ ရက်နေ့မှာ မန္တလေးမြို့လယ်အထင်ကရနေရာများဖြစ်တဲ့ ကွန်ဗန်းရှင်းစင်တာ (Mandalay Convention Center) နဲ့ မန္တလေးတက္ကသိုလ်တို့မှာ “တရားတဲ့သူသာ နိုင်ကြေးဟေ့”၊ “ငုံ့မခံနဲ့ တုံ့ပြန်ကြ”၊ “ကျဆုံးသွားတဲ့ အာဇာနည်များကို မမေ့ကြနဲ့”စတဲ့ စာသားပါ စာရွက်တွေကို ကပ်ခဲ့ကြတယ်လို့ အထွေထွေသပိတ် ပေါင်းစပ်ညှိနှိုင်းရေး အင်အားစုက ဓာတ်ပုံနဲ့တကွ ထုတ်ပြန်ပါတယ်။
“ပြည်သူ့တော်လှန်ရေးကြီးမှာ ပြည်သူသာလျှင် အဓိကပါ။ ပြည်သူလူထု ထောက်ခံပါဝင်နေသရွေ့ ဒီတော်လှန်ရေးက ရှေ့ကို ဦးတည်ရှေးရှုနေမှာပါပဲ။ ပြည်သူအားလုံးအနေနဲ့လည်း အာဏာရူးစစ်အုပ်စုကို “ငုံ့မခံဘဲ” ရရာနည်းနာနည်းလမ်းအစုံနဲ့ “တုံ့ပြန်” နေကြဖို့ လိုအပ်ပါတယ်။”လို့ အထွေထွေသပိတ် ပေါင်းစပ်ညှိနှိုင်းရေး အင်အားစုက အသိပေးပါတယ်။
Public Service Announcement
အာဏာရှင်ကို ဆက်လက် တွန်းလှန်ကြရင်း ပြည်သူမှ ပြည်သူသို့ အပြန်အလှန် ဖေးကူကြရင်း တော်လှန်ခရီးကြမ်းကို အတူဆက်လက် ချီတက်ကြဖို့ကိုလည်း သပိတ်အင်အားစုက တိုက်တွန်းထားပါတယ်။
