သြဂုတ်-၄၊၂၀၂၅။ကျော်ဇော/People’s Spring
ပဲခူးတိုင်း၊ မင်းလှမြို့နယ်မှာစစ်ကောင်စီတပ်က ပေါ်တာဆွဲဖမ်းဆီးထားတဲ့ ပြည်သူ ၁၉ ဦး ထွက်ပြေးခဲ့ရာ ၁၈ ဦးလွတ်မြောက်ပြီး တစ်ဦးပြန်အဖမ်းခံခဲ့ရတယ်လို့ ဒေသခံတွေ People’s Spring ကို ပြောပါတယ်။
ဒေသခံလူငယ်တွေကို စစ်ကောင်စီတပ်က မင်းလှမြို့နယ် ထွေအုပ်ရုံးမှာ ဖမ်းဆီးချုပ်နှောင်ထားစဥ် သြဂုတ် ၂ ရက်ညပိုင်းက ထွက်ပြေးလွတ် မြောက်ခဲ့ကြတာလို့ မင်းလှမြို့ခံတွေက ပြောပါတယ်။
“စခတွေမင်းလှအနောက်ခြမ်းကရွာတွေကိုပေါ်တာသွားဆွဲနေတုန်း နောက်ကထွက်ပြေးကြတာ”လို့ ဒေသခံ သတင်းရင်းမြစ်တစ်ဦးက People’s Spring ကို ပြောပါတယ်။
Public Service Announcement
စစ်ကောင်စီတပ်တွေ ပေါ်တာဆွဲဖမ်းဆီးထားရာကနေ ထွက်ပြေးသွားတဲ့ လူငယ်တွေဟာ မင်းလှမြို့နယ်တွင်းမှာရှိတဲ့ ကျေးရွာတွေကဖြစ်ပြီး ဘယ်ရွာကဘယ်နှစ်ဦးပါဝင်တယ်ဆိုတဲ့အသေးစိပ်အချက်အလက်တွေကိုတော့ မသိရသေးပါဘူး။
အခုလက်ရှိမှာ စစ်တပ်လက်ကနေ ထွက်ပြေးလာသူတွေဟာသူတို့အစီအစဥ်နဲ့သူတို့ထွက်ပြေးလွတ်မြောက်လာခြင်းသာဖြစ်ပြီးဒေသအခြေစိုက် တော်လှန်ရေးတပ်ဖွဲ့တွေထံဆက်သွယ်အကူအညီတောင်းတာမျိုး မရှိသေးဘူးလို့ မင်းလှမြို့နယ် ပကဖ မှ တာဝန်ရှိသူတစ်ဦးက ပြောပါတယ်။
“ထွက်ပြေးတဲ့အထဲက လူငယ်တစ်ယောက်ပဲ ၂ ရက်(သြဂုတ်)နေ့ညပိုင်းမှာ ပြန်မိတာ။ကျန်သူတွေကိုတော့ရွာတွေဘက်မှာလူစိမ်းတွေ့ရင်အ ကြောင်းကြားဖို့ အုပ်ကြီးတွေဆီ အသိပေးလာတယ်”လို့မင်းလှမြို့နယ်တွင်း စစ်ကောင်စီလှုပ်ရှားမှုကို ပကဖ တာဝန်ရှိသူက ပြောပါတယ်။
ဒါ့အပြင်စစ်ကောင်စီဘက်ကမင်းလှမြို့အဝင် အထွက်ဂိတ်တွေမှာ ခရီးသွားပြည်သူတွေကို ထွက်ပြေးသွားသူတွေရဲ့ ဓာတ်ပုံတွေနဲ့ပါ တိုက် ဆိုင်စစ်ဆေးတာတွေ လုပ်နေသလို မြို့အဝင် အထွက် လုံခြုံရေးတင်းကျပ်ထားတယ်လို့ သိရပါတယ်။
ပြီးခဲ့တဲ့ ၂၀၂၄ ခုနှစ်အတွင်းကလည်းစစ်ကောင်စီတပ်သားတွေ ပေါ်တာဆွဲဖမ်းဆီးလာတဲ့ပြည်သူငါးဦး လမ်းခုလပ်တင်ထွက်ပြေးခဲ့ဖူးပြီး နှစ်ဦးလွတ်မြောက်၍ သုံးဦးပြန်လည်ဖမ်း ဆီးခံခဲ့ရပါတယ်။
