သြဂုတ်-၂၈၊၂၀၂၅။ဇေအောင်/People’s Spring
မန္တလေးတိုင်း၊မလှိုင်မြို့နယ်မှာဆိတ်ကျောင်းသားတဦး မိုင်းထိပြီးသေဆုံးခဲ့ကြောင်း သတင်းရရှိပါတယ်။
သြဂုတ်၂၇ ရက်မနက်၈ နာရီခွဲခန့်ကမလှိုင်မြို့နယ်၊ မလှိုင်-နှောကန်လမ်း၊ ကျပ်ဖြူကျေးရွာလမ်းခွဲအနီးမှာ ဆိတ်ကျောင်းနေတဲ့အသက် ၅၀ နှစ်ခန့်အရွယ် အမျိုးသားတစ်ဦး မိုင်းထိကာ သေဆုံးခဲ့တယ်လို့ဒေသခံတွေက ပြောပါတယ်။
အဆိုပါ ဆိတ်ကျောင်းသားဟာ လမ်းဘေးခြုံထဲထောင်ထားတဲ့မိုင်းကဘတ္ထရီအိုးကို ဖြုတ်ယူရာကနေပေါက်ကွဲမှုဖြစ်ပွားပြီးနေရာတင်သေဆုံးခဲ့တာလို့လူထုသတင်းကွန်ရက်-မလှိုင်မြို့ကဆိုပါတယ်။
Public Service Announcement
“မိုင်းက လမ်းဘေးခြုံထဲမှာ ထောင်ထားတာလို့ပဲ သိရပါတယ်။ မိုင်းက ခြုံထဲဆိုတော့ မထိဘဲမကိုင်ဘဲတော့မကွဲနိုင်ဘူးယူဆပါတယ်။”လို့လူထုသတင်းကွန်ရက်-မလှိုင်မြို့ရဲ့တာဝန်ရှိသူက ပြောပါတယ်။
မိုင်းဘာကြောင့်ကွဲသွားတယ်ဆိုတာကိုတော့လူထုနွေဦးက သီးခြားအတည်ပြုနိုင်တာ မရှိသေးပါဘူး။
မလှိုင်မြို့ပေါ်မှာတော့ စစ်ကောင်စီတပ်က တော်လှန်ရေးအားကောင်းတဲ့ မြင်းခြံ၊ တောင်သာ၊ နွားထိုးကြီးဘက်က လာတဲ့ယာဥ်တွေကို စစ်ဆေးတင်းကြပ်နေပြီး မြို့ထဲဖြတ်သွားမယ့် ကားတွေကို ကုန်ကားတစ်စီး တစ်သိန်းခွဲ၊ လူစီးလိုင်းကားတစ်စီး ငါးသောင်းကျပ်၊ ကားပေါ်ပါ လူတစ်ဦး ငါးထောင်ကျပ်နဲ့ အိမ်စီးကားတစ်စီး ငါးထောင်ကျပ်နှူန်းနဲ့ ငွေကြေးတောင်းခံနေတယ်လို့ ဒေသခံတွေက ပြောပါတယ်။
