စက်တင်ဘာ−၃၊၂၀၂၅။မိထက်/People’s Spring
ဧရာဝတီတိုင်းအတွင်းဇလွန်နှင့်ဟင်္သာတမြို့နယ်တို့တွင်စစ်ကောင်စီက တိုက်လေယာဉ်အနိမ့်ပျံသန်းပြီး လူထုအား ခြမ်းခြောက်မှုထပ်မံ ပြုလုပ်ခဲ့သည်။
မီးခိုးရောင်တိုက်လေယာဉ်တစ်စီးသည် ယနေ့ (စက်တင်ဘာ ၃ရက်) မွန်းလွဲပိုင်း ၂နာရီ ၁၀မိနစ်ခန့်တွင် ဇလွန်နှင့် ဟင်္သာတမြို့တဝိုက် အနိမ့်ပိုင်းမှ ပျံသန်းသွားခဲ့သည်။
” တစ်နေရာရာကို ဦးတည်သွားတာမဟုတ်ဘူး။ ပတ်ဝဲပြသွားတာ။ နိမ့်နိမ့်လေးကနေ ပျံတာ။ ဆူညံကုန်တာပဲ”ဟု ဇလွန်မြို့ခံတဦးက ပြောသည်။
Public Service Announcement
လေယာဉ်သံကြောင့် ကလေးငယ်များ ကြောက်လန့်ခဲ့ကြပြီး စာသင်ကြားရေးရပ်နားလိုက်ရကြောင်း ဟင်္သာတမြို့နယ် နတ်မော်ကျေးရွာမှ ဒေသခံတဦးက ပြောသည်။
ပြီးခဲ့သည့် ဩဂုတ် ၂၆ရက် နံနက်ကလည်း ဇလွန်၊ဟင်္သာတ၊ ဓနုဖြူမြို့နယ်တို့၌ တိုက်လေယာဉ်တစင်း အနိမ့်ပိုင်းမှ ပျံသန်း၍ ဒေသခံများ ကြောက်လန့်ခဲ့ကြသည်။
“လူထုကို အကြောက်တရားရိုက်ထည့်နေတာ။အာဏာရှင်က ရန်ငါ ပြတ်တယ်။ဒေသခံ လူထုကအများစုသာ ယောင်တောင်တောင်လုပ်နေတာ”ဟု ဟင်္သာတမြို့၊ ချောင်းပြားလေးကျေးရွာမှဒေသခံတစ်ဦးက ပြောသည်။
လက်ရှိတွင်ဇလွန်၊ဟင်္သာတ၊ဓနုဖြူမြို့တို့နှင့်၁၀မိုင်မှမိုင်၂၀ကြားဝေးသော လေးမျက်နှာ၊ ရေကြည်၊ အင်္ဂပူမြို့မြို့နယ်တို့တွင် အာရက္ခတပ်တော်(AA)၊PDF ပူးပေါင်းတပ်များနှင့် စစ်ကောင်စီတပ်တို့ တိုက်ပွဲများဖြစ်နေပြီး ညစဉ်လိုလို လေကြောင်းတိုက်ခိုက်မှုများ ရှိနေသည်။
ဧရာဝတီတိုင်းအတွင်းစစ်ရေးသတိပြုနေထိုင်ကြရန်တော်လှန်ရေးအင်အားစုများက ယခုနှစ် နှစ်ဆန်းပိုင်းမှစတင်ကာ သတိပေးနေကြသည်။
