တော်လှန်​ရေးတပ်​တွေဗန်းမောက်မြို့မှာ PDF အလံလွှင့်​အောင်ပွဲခံ

စက်တင်ဘာ-၂၁၊၂၀၂၅။​နေ့သစ်/People’s Spring

​တော်လှန်​ရေးတပ်​တွေက သိမ်းပိုက်လိုက်တဲ့ဗန်းမောက်မြို့သိမ်းတိုက်ပွဲရဲ့ ပထမဆုံးရုပ်သံဖိုင်ဖေစ်ဘွခ်လူမှုကွန်ယက်မှာ စက်တင်ဘာ ၂၁ ရက်ည​နေပိုင်းမှာစတင်ပျံ့နှံ့လာပါတယ်။

​တော်လှန်​ရေးတပ်​တွေက ဗန်း​မောက်မြို့အဝင်ဆိုင်းဘုတ်​ရှေ့မှာ PDF အလံ​တော်လွှင့်ထူ​အောင်ပွဲခံတဲ့ စက္ကန့် ၂၀ ​ကျော်ကြာရုပ်သံမှတ်တမ်းဖြစ်ပါတယ် ။

တော်လှန်ရေးပူးပေါင်းတပ်ကစက်တင်ဘာ၂၀ ရက်ည​နေမှာ စစ်ကိုင်းတိုင်းနဲ့ ကချင် ပြည်နယ်အစပ်က ဗန်း​​မောက်မြို့ကိုသိမ်းပိုက်နိုင်ခဲ့တာပါ။

Public Service Announcement

ပြည်သူ့ကာကွယ်ရေးတပ်မတော်(PDF)တပ်ရင်း​တွေ၊ ကချင်လွတ်လပ်ရေးတပ်မတော်(KIA) ၊ ကဒူး​ဒေသကာကွယ်​ရေးတပ်ဖွဲ့ ၊ပကဖ စ​တဲ့ တော်လှန်ရေးပူးပေါင်းတပ်​တွေက ဗန်းမောက်မြို့သိမ်း စစ်ဆင်ရေးကို စက်တင်ဘာ ၁၅ရက်မှာစတင်ပြီး ၆ ရက်အကြာမှာသိမ်းပိုက်နိုင်ခဲ့တာပါ။စက်တင်ဘာ ၂၀ ရက်ည​နေပိုင်းမှာ​တော့ မြို့ထဲကစခန်း​တွေက​နေ စစ်တပ်နဲ့ ရှမ်းနီတပ်​တွေကဆုတ်ခွာထွက်​ပြေးသွားတဲ့အတွက် မြို့ကို သိမ်းနိုင်ခဲ့တာဖြစ်ပါတယ် ။

ဒါ​ပေမယ့် စက်တင်ဘာ ၂၁ ရက်မနက်ပိုင်းမှာ ​တော်လှန်​ရေးတပ်ဖွဲ့​တွေကမြို့အတွင်း နယ်​မြေ ရှင်းလင်းရေးလုပ်စဥ် စစ်သား နဲ့SNA တပ်ဖွဲ့ဝင်​တွေထပ်​ရောက်လာလို့ တိုက်ပွဲဖြစ်ပွားခဲ့တယ်လို့စစ်ရေးသတင်းရင်းမြစ်က ပြောပါတယ် ။​တော်လှန်​ရေးတပ်​တွေက နယ်​မြေရှင်းလင်း​ရေးကိုဆက်လက်ပြုလုပ်​နေတယ်လို့သူကဆက်​ပြောပါတယ်။​တော်လှန်​ရေးတပ်​တွေက ဗန်း​မောက်မြို့ကစစ်စခန်း​တွေသိမ်းပြီးတဲ့​နောက် စက်တင်ဘာ ၂၀ ညမှာနဲ့ စက်တင်ဘာ ၂၁ ရက်မှာ ​တိုက်​လေယာဥ်​တွေနဲ့ ဗုံးကြဲခဲ့တယ်လို့ ​တော်လှန်​ရေးတပ်ဖွဲ့ဝင် ၁ ဦးက​ပြောပါတယ် ။

စစ်​တပ်ဝါဒဖြန့်တယ်လီဂရန်ချန်နယ်လ်​တွေက​တော့ ဗန်း​မောက်မြို့ အသိမ်းမခံရ​သေးဘူး စစ်တပ်နဲ့ ရှမ်းနီတပ်​တွေက ပြန်တိုက်​နေတယ်ဆိုပြီးဝါဒဖြန့်​နေကြတာ​တွေ့ရပါတယ် ။

ဗန်းမောက်မြို့သိမ်း စစ်ဆင်ရေးကို NUG ကာကွယ်​ရေးဝန်ကြီးဌာနလက်​အောက်ရှိ အမှတ်(၁) စစ်​ဒေသ၏ ကွပ်ကဲမှုနဲ့ဖော်ဆောင်ခဲ့တာဖြစ်ပါတယ်။ဒါ​ကြောင့်မကြာခင်မှာ NUG ကမြို့သိမ်းတိုက်ပွဲသတင်းထုတ်ပြန်ဖွယ်ရှိပါတယ်။

ဗန်း​မောက်မြို့သိမ်းပိုက်ထိန်းချုပ်နိုင်ပြီဖြစ်တာ​ကြောင့် ​တော်လှန်​ရေးတပ်​တွေက စစ်ကိုင်းတိုင်းမှာလတ်တ​လောမြို့ ၇ မြို့သိမ်းပိုက်ထားတာဖြစ်ပါတယ် ။ ခမ်းပါတ် ၊​ရွှေပြည်သာ ၊မြို့သစ် ၊ပင်လည်ဘူး ၊​မော်လူး ၊အင်း​တော် ၊ ဗန်း​မောက်မြို့ တို့ဖြစ်ပါတယ် ။

ရုပ်သံ-ဇက်အယ်လ်