စက်တင်ဘာ-၂၉၊၂၀၂၅။ရောင်နီ/People’s Spring
မန္တလေးတိုင်း၊ ပြင်ဦးလွင်မြို့နယ်မှာရှိတဲ့ ၈ထပ်ရေတံခွန်တောင်မှာ ရေကစားသူ ၅ဦး တောင်ကျရေကြောင့် အောက်ကိုပြုတ်ကျခဲ့ရာ ရုရှားနိုင်ငံသားတဦးကိုကယ်နိုင်ပေမယ့်အမျိုးသမီးနှစ်ဦးသေဆုံးသွားပြီး ရှာဖွေကယ်ဆယ်ရေးတွေ ဆက်လုပ်နေတယ်လို့ မြန်မာနိုင်ငံလူမှုကယ်ဆယ်ရေးအဖွဲ့ မန္တလေးတိုင်းဒေသကြီးက အသိပေးထားပါတယ်။
ပြင်ဦးလွင်မြို့ ၈ထပ်ရေတံခွန်တောင်မှကနေ ပြုတ်ကျသူတွေကို ရှာဖွေကယ်ဆယ်ရေးလုပ်နေစဉ်။ ဓာတ်ပုံ − RESCUE ပြင်ဦးလွင်မြို့ ၈ထပ်ရေတံခွန်တောင်မှကနေ ပြုတ်ကျသူတွေကို ရှာဖွေကယ်ဆယ်ရေးလုပ်နေစဉ်။ ဓာတ်ပုံ − RESCUE ပြင်ဦးလွင်မြို့ ၈ထပ်ရေတံခွန်တောင်မှကနေ ပြုတ်ကျသူတွေကို ရှာဖွေကယ်ဆယ်ရေးလုပ်နေစဉ်။ ဓာတ်ပုံ − RESCUE ပြင်ဦးလွင်မြို့ ၈ထပ်ရေတံခွန်တောင်မှကနေ ပြုတ်ကျသူတွေကို ရှာဖွေကယ်ဆယ်ရေးလုပ်နေစဉ်။ ဓာတ်ပုံ − RESCUE
စက်တင်ဘာ ၂၉ ရက် ညနေ ၃နာရီခွဲခန့်မှာ ပြင်ဦးလွင်မြို့နယ်၊ ဇီးပင်ကျေးရွာအုပ်စု၊ အုန်းနှဲရေအရှေ့ကျေးရွာမှာရှိတဲ့ ၈ထပ်ရေတံခွန်တောင်မှာ လူ ၁၄ ဦး ရေကစားခဲ့တာဖြစ်ပြီး တောင်ကျရေကြောင့် လူငါးဦး ပြုတ်ကျခဲ့တာလို့ သိရပါတယ်။
Public Service Announcement
ပြုတ်ကျတဲ့ ငါးဦးအနက် အမျိုးသမီး နှစ်ဦးကို သေဆုံးလျက်ရှာဖွေတွေ့ရှိခဲ့ပြီး ရုရှားနိုင်ငံသားတစ်ဦးကိုတော့ အသက်ရှင်လျက်တွေ့ရှိခဲ့တယ်လို့ လူမှုကူညီရေးအသင်းတွေက ထုတ်ပြန်ထားပါတယ်။
အသက်(၄၃)နှစ်အရွယ် ရုရှားနိုင်ငံသားကတော့ ညာခြေထောက်ကျိုးခဲ့ပေမယ့်အသက်မသေခဲ့ပါဘူး။သေဆုံးသွားတဲ့အမျိုးသမီး ၂ဦးဟာ ကယ်ဆယ်ရေးအဖွဲ့ရိုက်ကူးထားတဲ့ဓါတ်ပုံတွေအရမြန်မာတွေဖြစ်တာကိုတွေ့ရပါတယ်။
ပျောက်ဆုံးနေတဲ့ကျန်တဲ့နှစ်ဦးကိုတော့ ဆက်လက်ရှာဖွေမှုတွေပြုလုပ်နေတယ်လို့ ဆိုပါတယ်။
ပျောက်ဆုံးနေသူ ၂ ဦးဟာမြန်မာလား ရုရှားလားဆိုတာကိုတော့ အသေးစိပ်မထုတ်ပြန်ထားပါဘူး။
သေဆုံးသူနှစ်ဦးနဲ့ ဒဏ်ရာရရှိသူတွေကို ပုသိမ်ကြီးမြို့နယ် လူမှုကူညီရေးကားတွေနဲ့ ပြင်ဦးလွင် ဆေးရုံကြီးကို ပို့ဆောင်ပေးထားတယ်လို့ သိရပါတယ်။
(ပြင်ဦးလွင်မြို့ ၈ထပ်ရေတံခွန်တောင်မှကနေ ပြုတ်ကျသူတွေကို ရှာဖွေကယ်ဆယ်ရေးလုပ်နေစဉ်။ ဓာတ်ပုံ − RESCUE)
