အောက်တိုဘာ-၁၆၊၂၀၂၅။အိမ်သွင်/People’s Spring
မိုးကုတ်မြို့အရှေ့ပိုင်းကို ဒီနေ့(အောက်တိုဘာ ၁၆ရက်) နံနက် ၇နာရီခွဲခန့်မှာ စစ်ကောင်စီက ဂျက်ဖိုက်တာနဲ့ ဗုံးကြဲတိုက်ခိုက်သွားပါတယ်။
ပေါက်ကွဲသံအလွန်ပြင်းထန်ပြီးမြို့ပေါ်နဲ့ ဈေးထဲသွားလာနေသူတွေ ထွက် ပြေးခဲ့ရတယ်လို့ မြို့ခံတွေက ပြောပါတယ်။
” မနက်စောစော ကျက်သရေမဲ့တာဗျာ။ မြို့ထဲ ဆူညံသွားတာပဲ”လို့ မိုးကုတ်မြို့ခံတစ်ဦးက ပြောပါတယ်။
Public Service Announcement
ဗုံးကြဲတိုက်ခိုက်မှုကြောင့် ထိခိုက်မှုအခြေနေကိုမသိရသေးပါဘူး။
စစ်ကောင်စီတပ် စစ်ကြောင်းတချို့ဟာ သပိတ်ကျင်းမြို့ဘက်ကနေ မိုးကုတ်မြို့ကိုတည်ပြီး စစ်ကြောင်းထိုးဖို့ကြိုးစားနေသလို လေကြောင်းကနေလည်း မကြာခဏဗုံးကြဲနေပါတယ်။
မိုးကုတ်မြို့ဟာတအောင်းအမျိုးသားလွတ်မြောက်ရေးတပ်မတော် (TNLA) ထိန်းချုပ်ထားတဲ့မြို့ဖြစ်ပါတယ်။
လက်ရှိမှာ စစ်ကောင်စီတပ်နဲ့ TNLAဟာ ရှမ်းပြည်နယ်မြောက်ပိုင်း သီပေါမြို့မှာတိုက်ပွဲတွေပြင်းထန်နေပါတယ်။
လက်ရှိအောက်တိုဘာအတွင်း စစ်ကောင်စီက TNLA ထိန်းချုပ်မြို့တွေဖြစ်တဲ့ မန္တလေးတိုင်းကမိုးကုတ်မြို့၊ ရှမ်းပြည်နယ်မြောက်ပိုင်းက နမ့်ဆန်၊ နမ္မတူ၊ မိုင်းလုံ၊ မိုးမိတ်၊ သီပေါ၊ မိုင်းငေါ့၊ ကျောက်မဲမြို့တွေကို ဗုံးကြဲလို့ အရပ်သားထိခိုက်သေဆုံးမှုတွေ ရှိနေပါတယ်။
