'/%3E%3C/svg%3E){kind=small}
အောက်တိုဘာ-၂၃၊ ၂၀၂၅။ ထားမြတ်/People’s Spring
အာဏာသိမ်းစစ်ကောင်စီဟာကချင်လွတ်လပ်ရေးအဖွဲ့(KIO/KIA) ထိန်းချုပ်နယ်မြေရှိ နေရာအများအပြားကို လေကြောင်း တိုက်ခိုက်မှု ဆက်တိုက်လုပ်ဆောင်ခဲ့ကြောင်း KIO/KIA သတင်းပြန်ကြားရေးဌာနက မနေ့ညက အသိပေးပြီး စစ်ကောင်စီ လုပ်ရပ်ဟာ တော်လှန်ရေးအဖွဲ့တွေ သိမ်းပိုက်ရာ နေရာတွေအထိ ရွေးကောက်ပွဲ ကျင်းပလို၍ဖြစ်ကြောင်း ဖော်ပြပါတယ်။
စစ်ကောင်စီတပ်ဟာ အောက်တိုဘာ ၂၁ရက်နဲ့ အောက်တိုဘာ ၂၂ရက်နေ့မှာ KIO ထိန်းချုပ်ရာ နယ်မြေဒေသတွေကို လေကြောင်း တိုက်ခိုက်ခဲ့တာဖြစ်ပါတယ်။
ရွေးကောက်ပွဲ နီးလာတာကြောင့် တော်လှန်ရေးတပ်ဖွဲ့တွေ သိမ်းပိုက်ထားတဲ့နေရာတွေအထိရွေးကောက်ပွဲပြုလုပ်နိုင်ရေးနေရာတိုင်းမှာစစ်ကြောင်းထိုး ထိုးစစ်ဆင်တာ၊ ပြည်သူတွေ နေထိုင်ရာ ကို လေကြောင်းတိုက်ခိုက်တာ နေ့စဉ်မပြတ်ပြုလုပ်နေတယ်လို့ KIA သတင်းပြန်ကြားရေးဌာနက ဖော်ပြပါတယ်။
Public Service Announcement
ဝိုင်းမော်မြို့နယ် လမြန်ကျေးရွာကို လေးကြိမ်၊ရွှေညောင်ပင်ရွာကို နှစ်ကြိမ် လေကြောင်း တိုက်ခိုက်ခဲ့လို့ အရပ်သား ၃ဦး ဒဏ်ရာရခဲ့သလို စစ်ကောင်စီဟာ လန်ဆယ်အပါအဝင် အနီးပတ်ဝန်းကျင် ဒေသတွင်း ကျေးရွာ ၆ရွာကို လေကြောင်း တိုက်ခိုက်ခဲ့ကြောင်း ဖော်ပြပါတယ်။
ဒါ့အပြင်ဖားကန့်ကKIA တပ်ရင်း(၆) ဌာနချုပ် နယ်မြေကိုလည်း နှစ်ရက်ဆက် လေကြောင်း တိုက်ခိုက်ခဲံပါတယ်။
လန်ဆယ်ဒေသ လေကြောင်းတိုက်ခိုက်မှု ပြုလုပ်တဲ့နေရာအများစုဟာ ဘုရားကျောင်းတွေဖြစ်တယ်လို့ ဖော်ပြပါတယ်။
အောက်တိုဘာ ၂၀ရက်ကလည်း ခေါင်လန်းဖူးမြို့နယ်ကို လေကြောင်း တိုက်ခိုက်ခဲ့လို့ အသက် ၇၀ ကျော် အရပ်သား တဦးသေဆုံးခဲ့ကြောင်းလည်း အသိပေးပါတယ်။
စစ်တပ်ဟာ ရှမ်းမြောက်အပါအဝင် နိုင်ငံတဝန်းမှာလည်း လေကြောင်း တိုက်ခိုက်မှုတွေ အရှိန်မြှင့်လုပ်ဆောင်နေလို့ ပြည်သူလူထု ထိခိုက်သေဆုံးမှုတွေမကြာခဏ ဖြစ်ပေါ်လျက်ရှိပါတယ်။
