ရန်ကုန်မှာ မှောင်ရိပ်ခိုတယ်ဆိုပြီး စစ်အုပ်စုကလူငယ်တွေကို ဖမ်းဆီးခြိမ်းခြောက်ငွေတောင်း

​အောက်တိုဘာ-၂၄၊၂၀၂၅။တာရာ/People’s Spring

ရန်ကုန်မှာ စစ်ကောင်စီတပ်သားတွေနဲ့ ရဲတွေဟာ လူငယ်တွေကို မှောင်ရိပ်ခိုတယ်ဆိုပြီး ဖမ်းဆီးကာ ခြိမ်းခြောက်ငွေတောင်းမှုတွေလုပ်နေတယ်လို့ မြို့ခံ​တွေက​ပြောတယ်။

စစ်သားတွေနဲ့ ရဲတွေဟာ ညဘက်လုံခြုံရေးဆို ပြီး​တော့ အိမ်စီးကား ၊စစ်ကား ၊ရဲကား​တွေနဲ့လှည့်

ကင်းပတ်ပြီး ​လူငယ်တွေကို ပစ်မှတ်ထားဖမ်းဆီးနေတာလို့ သူတို့က​ပြောပါတယ်။

Public Service Announcement

လူငယ်တွေကိုဖမ်းဆီးပြီး ‌​ငွေနဲ့ပြန်ရွေးခိုင်း​​လေ့ရှိပါတယ်၊ ငွေကြေးမတတ်နိုင်သူတွေဆိုရင် စစ်သားသစ်အဖြစ် အဓမ္မ​​ခေါ်​ဆောင်​လေ့ရှိတယ်လို့ ရန်ကုန်မြို့ကပြည်သူအချို့က​ပြောပါတယ်။

“ပြီးခဲ့တဲ့ရက်ကပဲ ဒီနားမှာ လူငယ်တွေကိုကားပေါ်ဆွဲခေါ်တင်သွားတာ။ အလုပ်ဆင်းချိန်ဆိုတော့ လူငယ်တွေက ဘတ်စ်ကားအမီကားဂိတ်ကိုပြေးရတယ်။ သူတို့နဲ့တွေ့ရင်သွားပြီ။ အဲဒါတစ်ခါတည်းဖမ်းခေါ်သွားတာ။ စက်မှုဇုန်ထဲကဆိုရင်ပါတာမနည်းဘူး။ ၆ သိန်းနဲ့ပြန်ရွေးခိုင်းတယ်။ မရွေးနိုင်ရင်စစ်တပ်ထဲပို့တယ်။ အကုန်မြင်နေတွေ့နေရတယ်။ ကြားနေရတယ်။ တချို့ဆို မှောင်တောင်

မမှောင်သေးဘူး။ အိမ်စီးကားနဲ့လိုက်ဖမ်းနေတာကလည်း ရှိတယ်။လူငယ်တွေကိုအရင်ကထက်ပိုပြီး သတိထားစေချင်တယ်” လို့ သာကေတစက်မှုဇုန်အနီး နေထိုင်သူတစ်ဦးကပြောပါတယ်။

ပြီးခဲ့တဲ့ရက်ပိုင်းကလည်း သာကေတ Capital အနီး ဘတ်စ်ကားစောင့်နေတဲ့ လူငယ် ၅ ဦးကို ဟွန်ဒါဖစ်ကားနဲ့ စစ်​​ကောင်စီလက်နက်ကိုင်အဖွဲ့​တွေက ဖမ်းဆီးသွားတဲ့ဖြစ်စဉ် ဖြစ်ပွားခဲ့ပါတယ်။

အလားတူ တောင်ဒဂုံမြို့နယ်မှာလည်း မှောင်ရိပ်ခိုတယ်ဆိုပြီး လမ်းဘေးဂစ်တာတီးနေသည့် လူငယ်အချို့ကိုလည်း ဖမ်းဆီးခေါ်ဆောင်သွားတယ်လို့ သိရပါတယ်။

ဒါအပြင်ရန်ကုန်မှာ စစ်သားနဲ့ရဲ​တွေအပြင် စစ်တပ်အတွက် လူစု​ပေးတဲ့ ပျူ​စောထီး​တွေ ၊လူမိုက်​တွေ၊ပွဲစား​တွေက လူငယ်အချို့ကို ဖမ်းဆီးပြီး စစ်မှု

ထမ်းအတွက် ​ရောင်းစားတဲ့ ဖြစ်စဥ်​တွေလည်းရှိ​နေတယ်လို့ ဖြစ်စဥ်ကို ကြုံဖူးသူအချို့က​ပြောပါတယ် ။

ရန်ကုန်မှာ ညဘက် ဖမ်းဆီးမှုတွေရှိနေတာကြောင့် ပြည်သူ​တွေသတိထားသွားလာနေကြဖို့ကိုလည်းသတိပေးမှုတွေရှိနေပါတယ်။