အောက်တိုဘာ-၂၅၊၂၀၂၅။ထားမြတ်/People’s Spring
ချင်းပြည်နယ်၊ ဟားခါးမြို့နယ်က စစ်ကောင်စီတပ်သားသစ်တဦး လက်နက်နဲ့အတူ အလင်းဝင်လာကြောင်း ချင်းဒေသကာကွယ်ရေးတပ်(CDF)-ဟားခါး ထောက်ပို့အဖွဲ့အချို့မှာ ဓာတ်ပုံနဲ့အတူ ဖော်ပြအသိပေးထားပါတယ်။
အသက် (၂၈)နှစ်အရွယ် တပ်သားဇွဲထက်အောင်ဟာ လက်နက် ၁လက်၊ ကျည်ဘောက် ၃ခုနဲ့အတူ အလင်းဝင်လာတာဖြစ်တယ်လို့ အသိပေးထားပြီး CDF တာဝန်ရှိသူက ဆုငွေ ပေးအပ်ခဲ့တာကိုလည်း တွေ့ရပါတယ်။
အဲဒီတပ်သားဟာ အောက်တိုဘာ ၂၄ရက်မှာ CDF ဟားခါးဆီကို အလင်းဝင်လာတာ ဖြစ်တယ်လို့ ချင်းသတင်းရင်းမြစ်က ပြောပါတယ်။
Public Service Announcement
ဟားခါးမှာ စစ်ကောင်စီတပ်ဖွဲ့ဝင်တွေ၊ ရဲတွေ မကြာခဏ CDF ဆီကို အလင်းဝင်လာတာရှိပါတယ်။
CDF ဟားခါးနဲ့ ချင်းအမျိုးသားတပ်မတော် (CNA)တို့ဟာ ဟာခါးမြို့နယ်နဲ့ ဆက်စပ်နယ်မြေဒေသတွေမှာ စစ်ကောင်စီတပ်ကို အထိနာအောင် တိုက်ခိုက်နိုင်ခဲ့တဲ့ ချင်းတော်လှန်ရေးတပ်ဖွဲ့ဖြစ်ပါတယ်။ အောက်တိုဘာ ၁၆ရက်မနက်က ဟားခါးမြို့မရဲစခန်းကို CDF ဟားခါး ရဲဘော်တွေက ဝင်ရောက်စီးနင်းခဲ့ပါတယ်။
အဲဒီ စစ်ဆင်ရေးမှာ စစ်ကောင်စီတပ်က ၆ဦးသေဆုံးကာ တော်လှန်ရေးရဲဘော် ၅ဦး အပါအဝင် အကျဉ်းသား ၁၅ ဦး ကယ်ထုတ်နိုင်ခဲ့ကြောင်း CDF ဟားခါးက အသိပေးထားပါတယ်။
