'/%3E%3C/svg%3E){kind=small}
အောက်တိုဘာ-၂၈၊၂၀၂၅။People’s Spring
ရွေးကောက်ပွဲကျင်းပဖို့လုံးပန်းနေမယ့်အစားကျပ်တည်း ရုန်းကန်နေရတဲ့ ပြည်သူတွေအတွက် လူသားချင်း စာနာမှု အထောက်အပံ့တွေ တိုးမြှင့် ရရှိစေရေး ပိုမို အာရုံစိုက်ဖို့ အာဏာသိမ်း စစ်ကောင်စီကို ကုလသမဂ္ဂ အကြီးအကဲကတိုက်တွန်းလိုက်ပါတယ်။
ကုလသမဂ္ဂ အတွင်းရေးမှူးချုပ် အန်တိုနီယို ဂူတာရက်ဇ်ဟာ အရှေ့တောင်အာရှ နိုင်ငံများ အစည်းအရုံး (အာဆီယံ) ထိပ်သီး ညီလာခံ တက်ရောက်ဖို့ မလေးရှားနိုင်ငံ၊ ကွာလာလမ်ပူမြို့ဆီ ရောက်ရှိနေချိန် အတောအတွင်း အောက်တိုဘာ ၂၇ ရက်နေ့မှာ အခုလို တိုက်တွန်းခဲ့တာ ဖြစ်ပါတယ်။
သူက မြန်မာစစ်ခေါင်းဆောင်ကအသည်းအသန် ကျင်းပချင်နေတဲ့ ရွေးကောက်ပွဲဟာ လွတ်လပ်ပြီး တရားမျှတမှု ရှိလိမ့်မယ်လို့လည်း မယုံကြည်ကြောင်းလည်း ပြောကြားခဲ့ပါတယ်။ အာဏာသိမ်း စစ်ကောင်စီဟာ ဒီဇင်ဘာလကုန်ပိုင်းမှာ ရွေးကောက်ပွဲ ကျင်းပဖို့ စိုင်းပြင်းနေပေမယ့် တစ်ဖက်မှာလည်း အရပ်သား ဧရိယာတွေကို ဗုံးကြဲ တိုက်ခိုက်မှုတွေ ဆက်ပြီး အရှိန်မြှင့်နေပါတယ်။
Public Service Announcement
အာဏာသိမ်းမှု နောက်ဆက်တွဲ စစ်ရေးပဋိပက္ခတွေနဲ့ စစ်ကောင်စီရဲ့ အကြမ်းဖက် လုပ်ရပ်တွေကြောင့် သေဆုံးသူ ထောင်ပေါင်းများစွာ ရှိလာသလို မြန်မာပြည်သူ ၃.၅ သန်းကျော်ဟာလည်း နေရပ်စွန့်ခွာ ထွက်ပြေးနေရပါတယ်။
ဂူတာရက်စ်ကတော့ စစ်ကောင်စီ အာရုံစိုက်သင့်တဲ့ ကိစ္စဟာ ရွေးကောက်ပွဲ မဟုတ်ဘဲ ၄ နှစ်ကျော် ကြာမြင့်လာခဲ့ပြီးဖြစ်တဲ့ ပြည်တွင်းစစ်ကို ရပ်တန့်ဖို့လို့ ပြောကြားခဲ့ပါတယ်။ နောက်ပြီး စစ်ကောင်စီ အရမ်းကျင်းပချင်နေတဲ့ ရွေးကောက်ပွဲက မြန်မာပြည်သူတွေ ကြုံနေတဲ့ အကျပ်အတည်းတွေကို ဖြေရှင်းပေးနိုင်မယ်လို့ ဘယ်သူကမှ ယုံကြည်လိမ့်မယ်လို့သူမထင်ကြောင်းဂူတာရက်စ်ကဆိုပါတယ်။
နိုင်ငံတကာ အကဲခတ်တွေကတော့ အာဏာသိမ်း စစ်ခေါင်းဆောင် မင်းအောင်လှိုင်ဟာ ရွေးကောက်ပွဲကို နိုင်ငံရေး ထွက်ပေါက်အဖြစ် ရှုမြင်နေသလို ပြည်တွင်းစစ်ကြောင့် ဖရိုဖရဲ ဖြစ်သွားတဲ့ အခြေအနေတွေကို ရွေးကောက်ပွဲက ပြန်လည် ကုစားပေးနိုင်မယ်လို့စိတ်ကူးယဉ်နေဟန်ရှိကြောင်း ပြောပါတယ်။
အထူးသဖြင့် မင်းအောင်လှိုင်ဟာ သူ့စိတ်တိုင်းကျ ခြယ်လှယ် ကြီးစိုးထားတဲ့ ရွေးကောက်ပွဲအပြီး ထွက်ပေါ်လာတဲ့ အစိုးရဟာ နိုင်ငံတကာ အသိုက်အဝန်းဆီက အတိုင်းအတာ တစ်ခုထိ တရားဝင် အသိအမှတ် ပြုမှုမျိုး ရရှိလာမယ်လို့ မျှော်လင့်နေပြီး အဲဒီ အစိုးရမှာလည်း စစ်တပ် အရာရှိတွေနဲ့ လက်ဝေခံတွေပဲ အနိုင်ရဖို့ ကျိန်းသေနေပါတယ်။
ကိုးကား-SCMP
