အောက်တိုဘာ – ၃၀ ၊ ၂၀၂၅ ၊ ဆိုင်းမင်း/People’s Spring
မန္တလေးမြို့ ၊ချမ်းအေးသာစံ မြို့နယ် မှာ ငလျင်ဒဏ်သင့် တိုက်ကို ဖြိုချရာမှာ ဒီနေ့ မနက် (အောက်တိုဘာလ ၃၀ရက် ) ၉ နာရီဝန်းကျင်မှာ ပြိုကျမှုဖြစ်ပြီး ကလေးငယ်တစ်ဦးဒဏ်ရာရရှိခဲ့တယ်လို့ ကူညီကယ်ဆယ်ရေးအဖွဲ့ထံကနေ သိရပါတယ်။
ချမ်းအေးသာစံ မြို့နယ် ၈၄ လမ်း၊၃၁လမ်းနဲ့၃၂လမ်း ကြားရှိ ဖြိုလက်စတိုက်ပြိုကျရာမှာ ကလေးငယ်တစ်ဦး ထိခိုက်ဒဏ်ရာရတာပါ။
“ကလေးက အောက်မှာ မုန့်စားနေတာ၊ အလုပ်သမားမိဘနဲ့အတူပါလာတဲ့ကလေးပါ”လို့ ကူညီကယ်ဆယ်ရေးမှာပါဝင်သူတစ်ဦးကပြောပါတယ်။
Public Service Announcement
ကလေးငယ်ကမူလတန်းအရွယ် မိန်းကလေးဖြစ်ပြီး ညာလက်နဲ့ ဒူးခေါင်းဒဏ်ရာရရှိပြီး မန္တလေးဆေးရုံကြီးဆီပို့ဆောင်လိုက်တယ်လို့ သိရပါတယ်။
ပြီးခဲ့တဲ့ ရက်သတ္တပတ် အောက်တိုဘာ ၂၁ရက်ကလည်း ချမ်းအေးသာစံမြို့နယ်ထဲမှာပဲ အောင်နန်းရိပ်သာအနောက်ရပ်ကွက်မှာ ဖြိုလက်စတိုက်က ဘေးအိမ်ပေါ် ပြိုကျလို့ အမျိုးသားနှစ်ဦးထိခိုက်ဒဏ်ရာရခဲ့ပါတယ်။
