နိုဝင်ဘာ – ၆ ၊၂၀၂၅ ၊ဆိုင်းမင်း/People’s Spring
မန္တလေးတိုင်း၊ ငါန်းဇွန်မြို့နယ်၊ မြို့သာ ရဲစခန်းထဲကနေ ထွက်လာပြီး စျေးလာဝယ်တဲ့ စစ်ကောင်စီတပ်ဖွဲ့ဝင်တွေ ကို နိုဝင်ဘာလ ၄ ရက် မနက်ပိုင်းက တိုက်ခိုက်ခဲ့တယ်လို့ ငါန်းဇွန်အထူးတပ်ဖွဲ့ ( Special Task Force Ngazun) ကနေ သိရပါတယ်။
တန်ဆောင်မုန်းလပြည့် (နိုဝင်ဘာ ၄ ရက်) မနက် ၁၁နာရီဝန်းကျင်မှာ စစ်ကောင်စီတပ်ဖွဲ့ဝင် သုံးဦး စျေးဝယ်ပြီးအပြန်မှာ စောင့်ကြိုတိုက်ခိုက်တာပါ။
“အဲနေ့က လပြည့်နေ့ဖြစ်တော့ စျေးပိတ်တယ် ၊ လူသွားလူလာတွေတော့ရှိတယ်၊ ပစ်ခတ်သံတွေကြားတော့ အပြင်မထွက်ရဲကြတော့ဘူး”လို့ မြို့သာစျေးအနီးနေထိုင်သူတစ်ဦးကပြောပါတယ်။
Public Service Announcement
စျေးဝယ်ထွက်လာတဲ့ စစ်ကောင်စီတပ်ဖွဲ့ဝင် သုံးဦးအနက် နှစ်ဦး နေရာမှာတင် သေဆုံးသွားတယ်လို့သိရပါတယ်။
ပြီးခဲ့တဲ့ အောက်တိုဘာ ၁၀ ရက်ကလည်း မြို့သာဈေးထောင့်က လုံခြုံ ရေးဂိတ်ကို တော်လှန်ရေးတပ်ဖွဲ့တွေက ပစ်ခတ်တိုက်ခိုက်ခဲ့တာရှိပါတယ်။
