မြန်မာ-အိန္ဒိယ နယ်စပ်ကုန်သွယ်ရေးလမ်းမှာစစ်တပ်​ရွေး​ကောက်ပွဲဆန့်ကျင်​ကြောင်းဆန္ဒထုတ်ဖာ်

ဒီဇင်ဘာလ-၂၁၊၂၀၂၅။People’s Spring

ကလေးမြို့လူထုတိုက်ပွဲဦးဆောင်ကော်မတီနဲ့ ဇိုမီးဖက်ဒရယ်အစည်းအရုံး-ZFU တို့ပူးပေါင်းပြီး စစ်တပ်​ရွေးကောက်ပွဲဆန့်ကျင်ကြောင်း ဖော်ဆောင်သည့် ဆိုင်းဘုတ်(ပိုစတာ) များကိုမြန်မာ-အိန္ဒိယ နယ်စပ်ကုန်သွယ်ရေးလမ်းတလျှောက်ဖြစ်တဲ့ ကလေး-တီးတိန်-ရိဒ်မှာ လိုက်လံစိုက်ထူခဲ့ကြပါတယ် ။

“သင့်မဲဖြင့်တရားဝင်လူသတ်ခွင့်မပေးနဲ့” ​စာတမ်း​ရေးထားတဲ့ ဆိုင်းဘုတ်​တွေကို သွားရောက်ချိတ်ဆွဲတာမှာ အကူအညီပေးခဲ့တဲ့ အဖွဲ့အစည်း​တွေကို လည်းကျေးဇူးတင်ရှိတယ်လို့လည်း သပိတ်အဖွဲ့​တွေက ​​အသိ​ပေးပါတယ် ။

လွတ်မြောက်ဒေသ ​တော်လှန်​ရေးအဖွဲ့စိုးမိုးဒေသ​တွေမှာ စစ်အုပ်စုကရွေးကောက်ပွဲ ကျင်းပနိုင်ဖို့အပြင်းအထန် စစ်ကြောင်းထိုးနေသလို ၊ မြို့ပြနဲ့စစ်တပ် ထိန်းချုပ်ထားတဲ့ ဒေသ​တွေက ပြည်သူ​တွေကို သေနတ်မိုးပြီး အတင်းအကြပ် မဲထည့်ခိုင်းမှာ အသေအချာပင် ဖြစ်တယ်လို့လည်း ​ဖော်ပြပါတယ်။ဒါ​ပေမယ့် စစ်တပ်စိုးမိုးတဲ့ဒေသ​တွေကပြည်သူ​တွေအနေနဲ့လည်း စစ်တပ်ရဲ့အတုအယောင် ရွေးကောက်ပွဲကို အလုံခြုံဆုံး ‌နည်းလမ်း​တွေနဲ့ ဆန့်ကျင်ပေးကြဖို့ ကလေးမြို့လူထုတိုက်ပွဲဦးဆောင်ကော်မတီနဲ့ ဇိုမီးဖက်ဒရယ်အစည်းအရုံး-ZFU တို့ကမေတ္တာရပ်ခံခဲ့ပါတယ်။

Public Service Announcement